而家越來越多人話要撐自己友，幫襯黃店。同時又有好多人話突然有鋪頭「扮黃」吸客。為左保障「真黃店」。不如手足們一齊搞「黃腳印計劃」。
「黃腳印」係好似米X蓮咁用來衡量間鋪頭有幾黃既標記。手足們可以用兩個原則來衡量：
1.幾時開始黃
2.做左啲咩
越早黃拎越高分。如果間鋪頭係6月就已經表示自己係黃，就可以拎到高分。越遲黃拎既分數就低啲，最高分為5分
同時，佢點黃法，做得越誇張又係拎得越高分。例如有啲店鋪免費讓手足飽肚，加分，喺鋪頭入面整連農牆俾手足寫心聲，加分。如果淨係發聲表示支持，都有分加，不過加既幅度細啲。
最高分都係5分。
兩者加埋既分數表示間鋪既「黃度」。
用呢個原則為基礎，基本上可以判斷間野有幾黃。
而出來既結果可以參考珍珠奶茶既糖度來表示。
全黃(9-10)、多黃(7-8)、半黃(5-6)、少黃(3-4)、談黃(1-2)
每間鋪頭既分數需要提供證據，例如FB post 、店內既黃色裝置、拎學生證可以有野食⋯⋯好讓手足食得安心。如果呢樣野做得成既，就可以整張18區黃店，大家想食野就可以跟住分數去搵鋪頭。絕對相信手足願意行多幾步去幫襯黃店。
第一步--先做飲食店，如果大家覺得Work，就落實去做。
識設計既，識整網頁既、識統籌既、識數學既、識評番既、總之你覺得你可以幫到手既就一齊來整。
***呢個只係計劃既初步構思，諗到既野有限，大家一齊度掂佢。***
長期抗爭，大家一齊動腦筋。
光復香港 時代革命
五大訴求 缺一不可
