11月10日其中一位被捕消防員最後對港人寄語

豐乳同露龜頭魚 · 2019-11-14T00:57:03+08:00

「救火/救人，我最後選擇咗救香港。」我只係一個傳話人，請唔好問點樣會得到依段說話。說話來自11月10日其中一名被捕消防員F先生。知佢守九龍，年資近十年，被捕時遭跪頸對待，頭部面部傷勢頗為嚴重，身體多處都有受傷。以下係佢嘅說話：「我有兩個細佬，一個就快出世，我老婆個肚九個月大，琴日仲係佢生日，依個生日一定令佢好難忘....我冇機會見到個仔出生啦……對老婆真係好唔好意思，以後要佢一個人撐…」「救火/救人，我最後選擇咗救香港。見到班十幾歲嘅上前，我作為大人都唔忍心袖手旁觀，都想盡能力幫手。」「我個仔今年2019出世，香港到2047後，佢正值青年時就要面對中共全面地管治香港。如果我哋輸咗，教科書只會話2019年香港有一班暴徒搞亂香港，受外國勢力干預想推翻政府，想分裂國家，搞分離主義。今年6月到依家嘅抗爭會變成教科書歷史，到我個仔大個嗰陣時，佢唔會知道老豆為乜坐監。」「無論係70後定80後都好，都可以搵到自己係運動入面嘅定位。不能夠等待別人幫我哋清算，等待唔會換到勝利。我哋退縮只會令佢哋更加肆無忌憚，開槍嘅開槍，捉人嘅捉人，打嘅打，殺嘅繼續殺。就係因為佢哋覺得自己冇嘢好驚，唔需要承擔責任。」最後佢打咗少少字畀我：香港人加油

豐乳同露龜頭魚

1165 回覆

5497 Like 22 Dislike

食肥嘢 2019-11-14 02:15:51

多謝你手足

咕菇固 2019-11-14 02:16:07

屌

大家！出力！

爬山潛水 2019-11-14 02:16:54

消防手足我以你為榮

養佢屋企人呀

ジジ 2019-11-14 02:18:12

Bro you are not alone even you are inside but we are in the same place.
Be trust. We will win back our Hong Kong.
Please stand with us until we meet in 煲底

我係打手 2019-11-14 02:18:14