Catman
2019-11-08 20:29:42
我覺得樓主你嘅分析大致上都啱,不過我想補充一下
從經濟學嘅角度嚟睇,人會作出相應嘅選擇係因為唔同選擇嘅成本(cost)有異,大部分香港人唔肯勇武通俗啲講係香港人貪生怕死,真正原因係成本太高,如果而家強逼香港人喺勇武同罷工之間二選一,我諗大部分香港人係會揀罷工,因為罷工最多都係冇咗份工、冇收入,但係勇武衰咗係講緊輕則官司纏身,重則非死即殘
同樣道理,而家香港人唔敢罷工都係因為高成本,大家都唔敢罷;換句話講,想搞得成大三罷嘅人應該諗辦法降低罷工成本,如果唔係嘅話,單憑一腔怒氣,唔好講話未必多人肯罷,就算多人罷都未必罷得長久,即係哂氣
所以我係贊成利用籌辦工會或者係其他能夠降低罷工成本嘅方法去boost up參與罷工嘅人數,喺我嘅角度嚟睇呢個先係長遠之策;至於話要把握民意嘅手足,我贊成你哋話要把握民意趁機會做返啲嘢,不過未必要係罷工咁解,因為你哋冇從根源去解決冇足夠嘅香港人罷工呢個問題,除咗罷工之外,有冇其他藉民情洶湧嘅事可以做到?(對唔住,我都暫時未諗到,諗到再講)