利申左先 我係今年2019嘅fm 我入左黎科大嘅時間雖然唔多 對科大嘅認識更加可能冇year3,4嘅ching咁深 但作為UST嘅一份子 有啲野唔可以話唔理就唔理
科大嘅學生一直受校方高層嘅打壓 無論係喺民選校董延遲任名定congregation場地一變再變都睇得出科大高層掌控曬所有權力而事前更加係冇諮詢學生意見 一句safety concern就可以將咁多年黎喺atrium行congregation嘅傳統搬去sport hall 甚至lecture hall 雖然最後宜家congregation搬返去atrium進行但如果唔係學生會同學生send email去校方有關方面抗議會爭取到我地應有嘅野咩?
科大成日比人話係豬大豬大 咁多位讀緊ust嘅巴絲問心一句 乜你地好proud of 呢個名咩?乜你地真係好proud of 比人叫做港豬咩??乜你地真係好proud of Hong Kong University of Stress And Tension呢個名 除左讀書之外咩都唔理嘅呢個風氣咩???定係因為一間冇人民社科嘅學校就冇學生有咁嘅心去關心我地學校同宜家社會發生緊嘅事?作為大學生嘅我地 唔應該單單淨係掛住讀書 上莊 反而我地更應該靠我地嘅頭腦靠我地作為大學生嘅身份去發聲 比更多人知呢個社會發生緊嘅事
就係啱啱過左嘅十一月一號話喺atrium 集合抗議學校嘅黑箱作業 先唔評論有幾多人到場 可能有人覺得自己政治冷感 但宜家講緊嘅唔係話關政治嘅事而係講緊對學生息息相關嘅學校事務 就算今次到埸嘅人可能唔算多但我地都唔應該因為一次嘅少人而感到氣餒 同樣地我地宜家呢一場運動亦都一樣 仲記唔記得四五個月前 六月嘅時候我地嘅學生會評議會捐左103萬去作為反送中基金 嗰陣個個都讚科大好波 proud of 科大 嗰陣嘅我覺得科大真係好型 但到自己真係入到黎 先發現點解我地嘅學生對政治參與同關心嘅程度會同當時啲人讚科大嘅程度有咁大嘅落差?
睇到呢到 可能你會覺得你唔係UST嘅一份子你冇資格去judge 但有一句說話講得好啱 學校係社會嘅縮影 呢啲事發生得喺科大同樣道理亦都可以發生喺你間學校到 甚至諗深一層擴展到去我地宜家香港嘅處景亦都一樣 人永遠覺得安逸最好覺得政治制度呢啲事永遠唔關自己事 係因為麻煩仲未上到自己身 甚至你會覺得安坐家中好安全 但你地睇下屯門單野 就算你唔出街班狗宜家癲到可以目無王法衝入屋苑拉人 難保有一日就算你喺hall瞓緊覺校方甚至政府都會想辦法去清算你
眼見有關科大嘅post一眼睇曬都咪話唔sad 到最後只係想講返句 希望下次我地每一位科大嘅學生都可以企出黎同埋
緊記刻喺青蛙路上嘅十二隻大字
希望在於人民 改變始於抗爭