政府你以為112打壓維園添馬，香港人就會投降？有無諗過有人晨早為112做好幾手準備？
無錯，當警察著眼維園、添馬開口牌，香港人喺112愛丁堡、遮打 已經獲得不反對通知書！
同時間，根據選舉條例第12(5)條，超過100位候選人已決定11.2 下午3點喺維園 舉辦合法選舉聚會，各自同全港市民作出區選交流。
維園合法選舉聚會後，大家可以環保方式，大批移動到有 不反對通知書嘅 中環愛丁堡廣場 同 遮打花園。
112 「求援國際 堅守自治」公民活動日真正run down如下：
- 3pm - 5pm: 到維園支持 逾100位候選人合法選舉聚會
- 3pm - 5pm: 環保方式前往 中環
- 5pm: 塞爆 中環愛丁堡廣場一帶 （美國集會已批不反）
- 5pm: 塞爆 中環遮打花園一帶 （紙鶴活動已批不反）
而原訂到維園、添馬嘅嘉賓、器材、物質，將會移到愛丁堡廣場同遮打花園。
另外，政府唔好以為到時封鐵，阻止過海會有用。實不相瞞，我地香港人一早為 尖沙咀柏麗大道112集會拎埋 不反對通知書。
假如封過海交通，尖沙咀應變計劃就會啟動。到時，香港人會移師到 尖沙咀柏麗大道 參加流水式和平集會。
最後，112 「求援國際 堅守自治」集會已經得到全球45個城市，17個國家同步響應，支援香港。
為自己，為下一代，香港人係時候再次挺身而出，重演百萬人上街畫面，堅守自治，求援國際，光復香港。
香港人，11.2全球見
光復香港 時代革命
寧化飛灰 不作浮塵
