另一半有抑鬱真係好辛苦

每日就係不停咁去聽佢放負，望住佢日日都好唔開心嘅樣，每日又要諗唔同嘅說話去氹翻佢，但去到夜晚佢又會whatsapp打一段野畀我，再delete翻以為我瞓咗睇唔到。其實久而久之自己都好大壓力有冇人明白

好彩之前無簡依type女仔
其實香港有好多人都有中度抑鬱

咁你自己抑鬱化

咪可以平等互助互愛

睇醫生係好重要，病向淺中醫

所以咪冇心機拍拖住
等健康啲先

我男朋友都有抑鬱呀
但係佢依家好少同我呻
佢話日日都係咁都無分別
明明我聽完佢呻個人都唔會有壓力
我淨係擔心佢翻工翻學唔開心

但我好鍾意陪住佢

睇醫生唔係咁容易架
首先你要揾個信得過既醫生
廢事俾佢篤灰
然後佢又可能會擔心人地對佢有異見
又怕影響到工作啊嗰啲
怕俾人知道佢有病
唔係你諗一有情緒問題就去睇咁輕鬆架

我都好辛苦地揾到個信得過既醫生
但男朋友唔想睇
我都唔逼佢了

放手吧⋯⋯你根本唔夠鍾意佢。
好多人覺得拍拖都係想開心，但果種開心其實係邊個俾你都得。
搵個玩得嘅拍下散拖算啦！

好難捱架 我覺得唔可以話有病就大哂 大家一定要傾下都搵到個平衡，如果唔係你一係死頂 一係去到最後頂唔順分手.拍拖最重要都係溝通 如果大家收收埋埋咩都唔講就話為對方好既 咁仲叫唔叫拍拖呢？加油啊樓主
利申A0毒撚 不起勿插

飛

咁細有精神病好慘

要照顧佢既情緒真係唔容易
又好想佢開心不斷氹佢
但如果佢無反應自己又唔知可以點做
自己情緒都會不其然一齊沉落去
樓主你同佢拍左幾耐呀？

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站www.help4suicide.com.hk。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

完全明呀
其實我都好怕另一半會whatsapp delete message，
覺得好煩，心諗想點呀
但又唔可以發火，所以當咩都睇唔到算數！

對唔住囉

I get it
雖然唔係我另一半

見到啲deleted messages真係好想知咩嚟 心思思

樓主我同你有d類似，我有個frd 佢都有抑鬱症，間唔中就會無啦啦whatsapp inbox 我放負。有時候我心情可能幾好，跟住就會俾佢既負面情緒影響到。有時候我本身自己已經有好多壓力，心情差，就會俾佢搞到更加差，但又要逼自己去安慰佢氹佢，的確壓力會好大。

我覺得樓主你當然會覺得你有責任去氹翻你既另一半，但係你要好好注重自己既感受，唔好俾太大壓力自己，唔洗覺得得你一個要承擔依個責任。建議樓主你試下幫你另一半搵下d 專業幫助。

更恐怖嘅係你唔知會唔會，因為自己唔夠錫佢，佢就去做傻事

佢乜都唔講你仲驚