[2期決定]輝夜姬想讓人告白 真心支持討論區 (4)

會長同早坂到左目的地一定唔會走，三哥都話座山夠靜應該直接係原地逼問就算
正路座山係四宮家嘅好難想像真妃會突然出現（除非會長先一步求救），何況早坂係揸電單車過黎，所以估計得四宮家D人黎救場
呢到就睇赤坂格局有幾大，最簡單就輝夜本人黎救場，複雜D就輝夜老豆或者同輝夜關係好嘅大嫂出現，視乎赤坂想將四宮家關係鏈挖幾深

可能重有某拉麵愛好者呢

赤坂果然係搞笑漫畫既奇才...
咁樣幾格就將非常公式老套(但好香)既一幕直接整到人笑出黎....

黎緊肯定開始胃痛,睇下會比咩藥我地...

我覺得冇人救到佢嘅可能性更大

之後再同輝夜一齊去救佢

期待子安嘅演繹，同古賀嘅絕望

四條家快手收四官家皮啦

做到運動會嘅話就有得睇花式撚狗
到時實成堆jojo惡搞

銀魂漫畫一般，動畫先神作

但輝夜係動畫漫畫都好好，距離神作就差埋門一腳

ko no dio da
真係好難得輝夜完全弱勢既時候

銀魂動畫一入主線真係好神不過只限打神威之前

我覺得學園祭表白果章以經做左戀愛漫天光板

睇到伊井野 同 早坂 線就有D胃痛

睇會長告白覺得好甜但唔算感動
但反而睇到伊井野 成功搞到篝火大會就想喊 成功係源於街坊知道佢一直既努力最後仲要自己冇得參加 , 同石上條線又係單思

早坂又係咁 好似一出生就為做奴僕生存咁 話就話姊妹情, 但成世人唯一既高中生涯就好似為左輝夜而設咁 希望佢真係搵到個好既男朋友

BTW 今次會唔會係四条家(四条帝) 出場既時間?

應該唔會既 始終早坂有意思想係果到同輝夜攤牌 應該係果到正式確立姊妹情 而非 主僕情

之後鳩估結局
四宮家同四条家因商業鬥爭陷入兩敗俱傷 雙方為求和解要輝夜回主家 同 四条帝 訂婚 (對應輝夜姬回月宮見天帝)
輝夜同帝根本冇感情 雙方決定拖返3/5/7年 先結婚 之後對應返之前中秋伏筆 白銀用左幾年時間既努力建立成就 去返京都去四宮家接輝夜
而同帝產生左感情既其實係早坂而非輝夜 4個人合作用埋秀知院+四条小伙伴既力量成功將老竇呀哥拉哂落馬, 改革成個四官家

早坂線嚟緊應該會出現更多回憶 確立佢同輝夜到底咩關係
伊井野線就複雜好多 暫時講唔上單思
只能講同石上關係緩和咗 有戀心萌芽嘅跡象(但本人並唔意識到)
之後點發展要睇返石上同師姐嗰邊點
暫時未知師姐因為大佛爆料知道咗石上黑歷史之後有咩反應

赤坂講過故事會係高中篇結束
之後先考慮會唔會出大學篇

赤坂話高中一完就完左部漫畫，所以唔太可能出現你講嘅情節，我覺得赤坂係現實派嘅畫家，唔似大陸啲爽文咁，一個人可以ko一個集團一個國家，我覺得更有可能係輝夜同會長離開日本去外地過新生活，遠離四宮家魔掌

我都同意奉心祭係甜但唔感動，依家同一般戀愛漫嘅分別唔大，都feel 到赤坂係想將輝夜帶上另一個層次，所以希望赤坂做到將感情昇華嗰一下，咁就真係神作。

伊井野到幾時先認清自己對石上嘅感情，子安學姐點樣處理石上嘅告白都好期待

我比較想睇石上點看待學姐知道初中事件嘅真相
睇返聖誕節就知道石上最唔想學姐同情佢
唔知成條感情線會唔會因為咁而收皮

想知埋到時燕黨嘅最大推手——大佛對於自己爆料反而累炒車有咩反應
重有到底大佛努力撮合石燕 阻止伊線發展又有咩用意

跟返竹取物語
伊井野嘅原型 石作皇子最後係會「扔缽」

奉心祭學姐本身都話完全唔知石上D野 Xmas party 師姐問石上佢都唔講, 我估知道所有野既學姐係第一次約會尾聲 都會想石上親口同佢講哂成件事出黎

我估石上最終會同學姐一齊，石上對學姐係情侶嘅愛，對伊井野係朋友嘅愛

同埋學姐之前經歷過咩事，赤坂仲未講，可能石上件事令學姐對佢好感增加

大佛應該係想伊井野接受現實同成長
大佛呢個角色真係謎黎 似乎除左伊井野外任何事都唔上心 無論係選學生會定係風紀委員 (知道彌子俾人玩都唔幫手) 本身以為佢會助攻石上線 但點知佢又俾本野學姐睇

不過 我覺得果本野伊井野都睇左 168話 一開始係佢同大佛一齊行過 但去到最後1個俾本野學姐 1個留係學生會喊 冇理由大佛知彌子唔知