先放低兩皮半,想像下如果你已經買咗部dream camera,咁樣同你用部手機影有咩唔同
認真諗下學攝影係為乜,想溝女?想影靚相?想j鏡頭?做相機測試員?想襯衫?想用圖片講故事?
直上高階好係你更容易做到人地要麻煩啲做嘅嘢,但如果你對眼分唔到咩係好,咩係更好,9成高階專業機嘅功能你都用唔著
重要嘅係,如果你唔係工作需要,大部份專業機鏡都會孭死你,
買住入門機先,慢慢升級,會開心啲,等自己永遠有啲限制,逼你自己遷就,去諗多啲思考多啲,對攝影眼會勁啲(例如透視,距離、decisive moment)
而且因為機唔保值,鏡頭會,到你過多幾年真係諗定咗咩方向,再一次過升級,到時舊錢會用得更稱心。
2皮半
1 拎五千蚊出嚟,買一千蚊嘅菲林機、另外兩千買菲林啊沖曬嗰啲,學哂啲基本景深快門 iso 光線透視啲嘢,如是者三四個月,你仍然想影相嘅話,你已經磨練咗足夠基本功,其實等同於買部全片幅機(雖然感光廢啲),限制係好好嘅老師,除咗鳩影狂影之外,按快門前多思考都係另一種方法。
2 跟住認清你自己想要乜,執唔執相,變焦定焦,大光圈,呢啲,跟住再研究下其他牌子,暫時嚟講單反準備收皮,無反就各家有各家好,但基本上如果唔係用嚟做嘢 有一半成能你都用唔著
除非你搵到一直都會想影落去嘅題材,唔係嘅話買部大機好快就會嫌重放埋一邊鋪塵,然後諗點解手機影得好似仲靚,所以思考多啲啦
建議樓主望下Ken Rockwell “why your camera doesnt matter” 睇下cheap camera challenge ,你就會發現買相機只係攝影第一步
“Basically in photography there is just two controls: one is where do you stand, and one is when you press the button.”
樓主加油