2019FM
2019-10-13 01:47:10
[member] 作為一個2020Dser來講我真係唔知點行落去 由反收例到而家已經4個月 雖然唔係每次都有出去 但係出親去嘅都有行上前缐做勇武 之前暑假嘅時候都冇咩問題 除咗走晒啲補課之外都冇乜特別 但係開咗學之後啲麻煩事就上晒身 老母對我嘅施壓日漸加深 由以前鬧鳩我叫我唔好出去 到而家唔理我開始準備搵education agents 送我去外國讀書 之前同佢講好希望等到場運動完先離開 佢又同我講話你考完DSE先送我過去 我就好快咁答應咗 但係近排我覺得就算我DSE完 場運動都未必完到 到時可能真係要離家出走 除咗係家庭上面嘅問題 學業方面都有唔少嘅下滑 自問以前係一個非常鍾意打機嘅人 但因為出去發夢多咗 打機條癮都戒埋 已經三個月冇掂過任何電子遊戲 手機入面都淨係得返一隻我玩左五年嘅game 但都係追唔到進度 有時冇出去發夢 但係見到手足俾狗打 嗰晚溫書嘅效率都好差 仲因為咁成日比個藍絲班主任屌 仲有一個問題 呢個係感情上面嘅問題 我係A0仔 鍾意咗條女三年 第一年有落力追 但係衰咗少少就退晒 今年開始條女同我行得有啲埋 可能佢最近會同佢條仔分手 所以我最近諗住喺佢表演完之後同佢表白 可能大家會覺得我蠢 但係因為覺得自己唔知邊次出去發夢就10年返唔到嚟 所以想了左件事佢 唔好俾遺憾自己 但同時我怕自己真係同左佢一齊就冇咗個勇氣去行上前缐 我自覺同佢一齊到嘅機會有一半 我應唔應該同佢表白 [member]