[2019夏] 冰島11天 環島遊

等睇你呢個就真

平時ig上見到外國攝影師影嘅冰島都係灰濛濛其實幾有feel啊 因為冰島個天唔係死灰 係有啲層次

我個遊記就完遲d再寫其他 (如果有興趣的話）

睇過遊記Greenland仲貴，乜都外地進口，夏天又多蚊

講起蚊醒起冰島有啲地方都好鬼多昆蟲痴埋嚟

係幾特別

認真冰島都少？
之前見過人話冰島已經係公廁旅遊地方

可能我呢個年紀比較少聽 通常都係去exchange之後join tour玩幾日 好少會真係去環島

DAY 8

是日繼續趕路返首都。

一早起身食個簡單早餐，有冰島超級市場買嘅pancake食。




食飽就出發去距離1個鐘車程嘅阿庫瑞里 Akureyri ，本身打算行下超級市場、食杯雪糕就走，點知俾佢地發現左間 66 North，又忍唔住去shopping。

最神奇係竟然撞返前幾日行冰川個班台灣人。買完野就去食雪糕啦 (期待已久）。




呢間雪糕叫Brynja，據稱係冰島No.1嘅雪糕店，可以係雪糕上面加唔同配料，例如餅乾、糖、朱古力... 我就叫左最經典配搭，雪糕加oreo ，覺得牛奶味幾濃，唔錯 。




之後唔知點解話要買啲野上車先，就走去買炸雞，好食過kfc好多，雞又鮮皮又脆。



去教堂山 Kirkjufell Mountain 途中見到冰島馬 ，第一次近距離接觸。




坐左5個鐘頭車終於到 Kirkjufell Mountain， 相比其他景點呢度比較多人，可能因為大家都聚左係同一個位置影相。







影完相行落山見到啲鬼佬趴係花叢到影相，我又學下佢，估唔到影出嚟效果幾好。



睇完教堂山已經黃昏七八點， 好彩住宿離景點約20分鐘車程。今晚住宿係採用自助check in，所以就分頭行事，一邊去check下間房，另一邊去餐廳拎位先（Guesthouse對面馬路）。

屋企人叫左壽司食 ，個豉油樽好可愛 。






食飽就返去休息啦。

冰島呢幾年的確多左好多遊客, 見佢首都係高速發展緊
我覺得未算公廁既而家, 但再過多幾年就唔知啦
始終冰島係一個純睇風景既地方, 天氣又閪物價又貴交通又唔方便, 唔係人人都岩
同當地人傾過下, 其實佢地都係面對緊D矛盾問題, 一方面佢地要靠發展旅遊業生活, 另一方面又唔想太多人去

GREENLAND我都研究過下, 佢適合旅遊既季節太少啦, 而且更加貴, 交通更加閪, D CITY中間路都無, 靠搭船/飛機, 所以好少聽講會去
不過我都好想係D冰川收皮之前要去一次

去朗格冰原人工冰洞頂住當先
四季都有得去

極光過多幾年先去啦，幾年後太陽會去到最活躍期，見到強極光機會好大

公廁旅行點係對西方人黎講，尤其是好多美國人去，東方人因為遠似終小D，不過睇report歐美人多數夏季去，東方人就冬季去，地理問題吧

參加由雷克雅未克出發去Kulusuk既one day tour，都算去過greenland吧

呢隻係中型既觀鯨船?
自己想坐快艇但GF應該會驚
大船睇書又話唔可以去到咁近鯨魚

唔肯定係咪中型船 大概有30人

快艇可以近好多 當時我睇鯨魚附近就有隻 不過真係好大浪 未必個個承受到

如果到時兩個都頂唔順真係洗完錢又辛苦

冰島對亞洲人嚟講比較遠 所以少東方人 去睇景點時見到9成都係鬼 個人認為暫時都未算好公廁嘅 不過過多幾年可能又比大陸人入侵

人造不了留返錢下次玩

踏足過當你係啦 到此一遊

你環島唔覺咋, 首都超多香港人
同埋大部份亞洲人鍾意冬天先去因為有極光
我又唔覺強國人會入侵, 感覺上冰島唔係岩佢地玩既地方, 唔係話幫佢地講說話但去得個班都比較正常D

老老實實我怕D景點收皮多過變公廁
親身去過冰洞冰川個D就會明, 呢D地方唔知幾時就會消失
分分鐘下年再去已經唔同左好多

我join local tour 應該要做既都叫做左。但好走馬看花 所以都會plan多次同埋夏天個景又唔同好明白佢大風係幾癲同埋佢天氣真係話變就變