[2019夏] 冰島11天 環島遊

山崎威士忌

246 回覆
47 Like 2 Dislike
金宇彬 2019-09-27 18:35:37
絲打啲相 影得好靚 啲色都好靚
山崎威士忌 2019-09-27 18:45:46
每人大概兩萬五 連機票租車食宿同其他費用 (藍湖、行冰川...)
山崎威士忌 2019-09-27 18:49:17
多謝有人欣賞好開心 其實有部分相未加filter前可能仲靚

山崎威士忌 2019-09-27 20:51:37
DAY 3

今日行程好豐富,去左6個景點。朝早6點幾就起身,由於Guesthouse無早餐供應,唯有整個杯麵食。



食完早餐就出發去距離民宿20分鐘嘅凱瑞斯火山湖 KERIO。嚟到影相無耐,有班台灣大媽團駕臨,好彩之後佢地去左環繞火山湖一周,無人同我爭位影相。有條路係可以行落去火山湖邊,唔算好遠,大約5-10分鐘就去到。




影完相,我地就上車去睇瀑布啦 (今日連睇3個瀑布)。不過揸揸下車,姨媽姑姐話肚餓,所以去到鄰近市鎮時,一人一個買左burger食。去到舖頭人地啱啱先開門,隔住個cashier睇住佢地即煎漢堡扒,好香



食完burger,就繼續前往我地今日行程嘅第一個瀑布 - 塞里雅蘭瀑布 SELJALANDSFOSS 。一落車時睇到條瀑布好似好細,原來...



一早爬好文知道如果我地行瀑布後面會濕身 ,所以一早預備左雨褸 (衫褲同鞋一直都係Gortex或者防水)。






塞里雅蘭瀑布被稱為水簾洞瀑布,我嘅感覺都係個句,好靚,雖然會整濕但好值得行入去。




睇完塞里雅蘭瀑布行約10分鐘就可以去到秘密瀑布 GLJUFRABUI。如果你想入去睇秘密瀑布,一定要經過一個好狹窄嘅位行入去 (踩落水)。一入到去瀑布就exactly係你面前,好近。雖然著曬裝備,但完全濕曬 (頭髮都係),要影靚相有難度 (應該我功力唔夠,入面留左10分鐘)。



今日最後一個瀑布叫史可加瀑布 SKOGAFOSS,距離頭先兩個瀑布約半個鐘車程。之前上網睇,明明話呢個瀑布見到彩虹嘅機率係99%。點解會一片灰雲無陽光,連個天都唔鍾意我!



不過睇相時發現,陰沉嘅天氣令張相都幾有feel。史可加瀑布側邊有條天梯可以上去瀑布側邊,行死人





睇完3個瀑布已經下午1點,大家又開始肚餓,所以求其搵左間餐廳食lunch,味道都唔錯。







食飽完就出發去下一個景點 ,係我成個trip最期待嘅地方 - SOLHEIMASANDUR PLANE WRECK 飛機殘骸。本身自己都幾鍾意攝影 ,第一次見到呢個地方係係ig ,覺得好神奇竟然有個咁嘅殘骸遺留喺度比人影相。於是plan行程時,唔理來回要兩三個鐘嘅情況下都要去 (姨媽姑姐又行到比較慢)。

飛機殘骸原本係屬於美軍,不過係1973年嘅某一日突然因為出現問題而要緊急降落,好彩無任何人命傷亡。



泊好車行左兩分鍾,發現原來可以搭接駁巴士去,臨時就買左車票 (一行8人所以平左小小)。



搭左5-10分鐘後,就已經到左目的地不遠處。因為我地決定搭下班車走,所以影相時間得好少 (大概半個鐘多啲)。黎到呢個景點好興奮,終於可以親眼見到殘骸。








由於比原定時間早左睇完以上嘅景點,我地決定先去Hostel check in,Hostel就位於黑沙灘20-30分鐘車程。Hostel好乾淨,無獨立廁所,但有common kitchen。我地去到食咁啱見到有班應該退左休60幾70歲嘅香港人係度煮緊晚餐。





放低行李後,我地就出發去食晚餐。餐廳個度有個鬼仔哥哥好似Harry Porter (我地話佢似前代Spiderman,不過佢話個個都話佢似哈利波特),可惜無影相。




本身打算去迪霍拉里海蝕洞 DYRHOLAEY VIEWPOINT,點知原來有時間限制,去到某個路口已經落閘,應該無咩人知,因為我地後面有幾架車跟住我地折返。

所以我地直接黎到最後一個景點黑沙灘 REYNISFJARA。落車時得個8、9度,而且超級大風,凍到癲,所以逗留左20分鐘同埋影左好少相。見到有對情侶係度影婚紗相,著得咁薄,好佩服。




最後返到Hostel沖完涼,落去common買杯酒,hea下先返上去訓覺。



待續
相信自己的選擇 2019-09-28 00:28:02
影相影得好靚
姆明與我 2019-09-28 01:28:29
啲相好靚睇完好想去轉冰島
山崎威士忌 2019-09-28 02:01:18
多謝
山崎威士忌 2019-09-28 02:01:55
去啦雖然物價貴 但風景值會票價
金宇彬 2019-09-28 19:59:14
執左靚啲
安宥真惠元 2019-09-29 04:14:35
夏天有夏天既靚 冬天落哂雪又正tw隻熱狗真係好好食 成世仔食過最正既一隻熱狗
自然捲 2019-09-29 21:01:29
天氣好好我前年10月同fd 去,日日都落大雨,天氣差到冰川健行都被cancel. 只能睇人地遊記補數
山崎威士忌 2019-09-29 21:29:54
冬天應該凍到痴線我6月去都頂唔順啲風吹到頭疼 熱狗好正 啲炸蒜
山崎威士忌 2019-09-29 21:31:19
睇住我個遊記先有機會可以夏天再去 天氣差極有限 最多好好好好好大風姐
山崎威士忌 2019-09-29 21:36:11
DAY 4

7點鐘起身多得姨媽姑姐,一起身就有野食。
山崎威士忌 2019-09-29 22:54:13
[maroon]]打左兩句就po左[/maroon

食完個由香港帶過嚟嘅拉麵 (加冰島買嘅生菜同火腿),就出發去今日第一個景點啦。

第一個景點係羽毛河峽谷FJAORARGLJUFUR,位於冰島南部,有世界上最美峽谷之稱。



今次係我第二次睇峽谷 (第一次係睇美國Grand Canyon),有種童話feel,好靚。本身預計行來回兩個鐘,最後我地行左大概半個鐘就折返,繼續出發往右走。




揸車去玄武岩瀑布SVARTIFOSS途中見到靚景 (仲有羊羊),又忍唔住同其他路人一齊影,其中一張可以見到遠處嘅冰川。

玄武岩瀑布其實係史特納冰川國家公園VATNAJOKULL NATIONAL PARK 入面,而聽日我都會去呢個國家公園集合去行冰川,所以今日順便嚟探路

由停車場一路行入去會見到Information Centre同餐廳,如果轉左就可以去玄武岩瀑布,轉右就可以行一條路去睇冰川。



本身此行嘅目的係想睇瀑布,點知最後瀑布睇唔成,反而遠距離睇左冰川。睇冰川條路好大風,而且全部都碎石,都幾辛苦。





不過睇到咁靚嘅風景,咩都值得,來回連影相大概用左兩個鐘左右。之後我地就出發去瀑布,明明記得話行10分鐘就到,點知我地行左半個鐘有多只見到一條好細嘅瀑布,原來我地睇gps時揀左行車距離,實際上要步行1個鐘先到。所以我地去到一個位可以超級遠距離望到條瀑布,就放棄左。





行去瀑布途中,有十幾個人大約20-30歲嘅鬼仔鬼妹一齊去行,然後有個肥仔係咁爆粗話自己唔應該嚟行,然後屌嚟屌去係度話班同學逼佢嚟行



之後去餐廳買左個素千層麵加Oreo Doughnut食,個dougnut好正,點解香港會無㗎!

待續
牙痛不是病 2019-09-30 07:26:51
冬甩幾正咁
山崎威士忌 2019-09-30 14:28:54
甜甜地好食仲有個吉百力味
山崎威士忌 2019-10-03 19:43:38


食飽飯後就準備出發去傑古沙龍冰河 Jokulsarlon本身想先去鑽石冰沙灘 Diamond Beach,但食完飯已經趕唔切,唯有先去Boat Tour集合點先。途中落左車影幾幅相,不過浮冰並唔多。




今次Join嘅係Jokulsarlon Glacier Lagoon Boat Tour,承惠ISK 5,800,約370蚊港紙,成程大約45分鐘。一陣就係坐呢隻水陸兩用船啦!由於好凍,忍唔住買左杯朱古力暖下身。



換好飛,等左半個鐘左右就上船啦。途中船上面導遊姐姐會講下冰河湖歷史,之後拎左嚿冰河執上嚟嘅冰比我地捧住影相,拎左十幾秒已經凍到薑曬

由於出去遊船河好大風,一定要著曬防風外套,內膽都要著得特別厚,另外我有帶埋手套。PS 導遊姐姐途中除左件防風外套,好大隻好大波,完全唔怕凍。






途中見到一嚿巨型透藍嘅冰。




落船後就去返鑽石冰沙灘。一開始由停車場行出嚟,只係見到比較細嘅冰塊。再行前多10分鐘,終於見到啲好似人咁大嘅冰啦








睇完冰已經夜晚7點幾8點,不過個天完全唔黑 (所以夜晚訓教一定要拉曬窗簾),好彩一早搵左間收得較夜嘅餐廳 (當時睇網上聲稱收1點但原來唔係 好彩去到未關門姐)。




途中見到好大條彩虹,但唔知點解放唔到相 (再候補)。

餐廳係位於Hofn,叫Ishusid Pizzeria Restaurant,即係一間專食pizza嘅地方,pizza皮好薄好好食,個沙律都要大力推介









個個食飽曬就返酒店休息,我攰到一沖完涼就訓著左。


山崎威士忌 2019-10-03 19:45:18
待續
薪垣結衣 2019-10-04 03:55:07
Corneryu 2019-10-04 08:05:32
隻色好靚 請問點tune啊
好想去旅行 2019-10-04 08:33:18
Svartifoss 停車場行去瀑布 ,大約45分鐘就到,d路算易行,巴打你冇行落去好可惜,因為近睇超靚
春秋(只轉載要事) 2019-10-04 09:16:14
留名支持,去冰島睇極光係我人生bucket list。
山崎威士忌 2019-10-04 11:59:58
我好懶down apps落filter咋
山崎威士忌 2019-10-04 12:03:05
平時少做運動同埋去呢度之前已經連續行左個幾鐘 (然後啲姨媽姑姐全部下面等緊我) 無去我都覺得好可惜
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞