美心既金蛋「星巴克」、「元氣」

可可可樂 2019-09-26 00:43:57

美心成個集團要太多餐廳啦，太分散大家主意力。
但係其實美心最重要既唔係佢自己既「美心皇官」、「美心MX」、「美心西餅」等
最重要既係做緊特許專營既鋪頭，而當中以「星巴克」、「元氣」係佔左佢地最大生意

點解要特別話唔好再食「星巴克」同「元氣」，係因為依兩間野仲左佔左成個美心集團好大營業額外，更重要既係依兩間野由頭到尾都唔係美心擁有。美心只係攞左個專營權，人地美國同日本總公司授權你營運。其實依兩間真係好賺錢，佢地雖然唔係「美心」擁有，但分店係多過「美心」其他親生仔好多。

當中專營權合約好多時都會同總公司保證每年可以幫你賺幾多錢。
比如「美心」同「星巴克」、「元氣」講我保證每年你地最少可以分到1億港紙，咁假如2019年全年純利唔足1億既話，「美心」都要用自已錢補足1億比總公司。

依個玩法就唔同罷食「美心」全資擁有既餐廳，比如「美心皇宮」、「Simplylife」. 因為依啲係美心全資擁有，就算生意差佢地都唔洗賠錢比人，更甚者係可以隨時關左間分店止蝕。
但係對於專營權營運既「星巴克」、「元氣」就麻煩好多，佢地想開分店之前都要問左總公司，由分店位置，座位，以致裝修樣樣都要得到總公司許可先做到。而且都會因應分店數目而對利潤分紅作出調整。
但如果突然間依堆專營店零生意既話美心都係冇可能止蝕離場關店，因為除左租金違約費外，更辣既係總公司既違約費。
美心當初心頭大係咁開「星巴克」、「元氣」分店，相信當初同總公司簽左好高額既利潤保證，依家只要大家罷食，再齊齊twitter上美國日本好快就有好戲睇。

美心除左品牌形象差令星巴克同元氣形象受損外，係產品質素方面一直都好強差人意而且係有實質證據，上過好多次報紙。如果攞返最近「元氣」有蟲壽司果件事係日本煲大佢就真係有戲睇。當成個日本twiter都係「元氣」有蟲壽司既新聞時，日本既電視台都一定唔汁輸幫你煲大佢，佢地最鍾意就係報依啲新聞然後搞到人地公司社長要開記者會道歉。

如果搞到咁，「元氣」分分鐘除左唔使賠解約費比「美心」外，仲可以要「美心」賠一大筆品牌受損費。反正「星巴克」同「元氣」總公司一直見香港生意咁好，已經想係「美心」攞番個專營權自已做好耐。今次我地一於幫一幫你地零成本攞番個專營權，到時係「星巴克」同「元氣」既消費就真係真真正正比番美國同日本總公司賺。

大家都可以咁落力懲罰「加藤屋」，咁我相信都可以放長雙眼睇「美心」冇左「星巴克」、「元氣」依兩隻金蛋，到時候太子女你都係食番你啲自家品牌空氣包啦！

nadl 2019-09-26 00:44:19

［香港獨立！唯一岀路！］