小弟依家拋磚引玉，將食過真心覺得好食嘅黃店介紹比大家。
同我一齊食爆啲良心黃店佢 唔好再比冷血藍店生存到
你可能覺得食下譚仔茶木美心 飲杯starbucks唔係咩咁大件事
但你每去一次撐共藍店食飯，就等於送一次錢比啲白衣人／黑警打我地嘅手足。
將食黃店變成習慣，食過好食嘅，就放上黎分享。
食過但覺得唔好食嘅，都唔使踩，可以直接同返店家講有咩改善空間。不好味但都不割蓆。
第一間 係位於灣仔嘅 麵匠龍風
呢間真係痴線架 個蛋好滑濃 叉燒又正 拉麵更加唔使講 個湯好好飲
第二間係係尖沙咀嘅 龍門冰室
＄40蚊就已經有個3.6特濃牛乳芝士玉子常餐
有麵有玉子燒有多士奶茶 抵到爆
仲要唔係hea煮
個蛋入面肉醬餡好多 真係整得好食果餐
麵就正正常常 無咩特別
但多士烘多啱啱好 又香又脆
第三間係旺角嘅陸陸雞煲 呢個好耐之前冬天食 啲相搵唔返
不過應該好多手足都知 佢14年開始就已經立場鮮明
鋪頭外面有好多我要真普選嘅banner
重點係個雞煲好好食 個湯好濃 辣得好爽
第四間係 元朗嘅 Accro Coffee
呢間氣氛好好，杯朱古力香濃得黎唔會太甜，亦唔會話濃到得朱古力粉啲渣。同埋有書睇！啱曬 kill time
好，我嘅section完咗。到你地貼相，等我地一齊食爆啲良心店佢！！！
我明 我本身都以為佢個蛋會係普通啲炒蛋 點知真係有餡 
連奶茶都滑 比普通茶記高質好多
屋企長輩要食中菜