前線手足不是暴徒，只會以武制暴保護市民
武力打壓異見大家都有切身體會，係我地最厭惡、最鄙視嘅行為
用腦諗下都知同路人根本唔會做得出
事實亦都證明尋晚三件藍撕係挑機挑到仆街，根本唔存在襲擊無辜
之但係當刻有人擔心擦槍走火其實不無道理，尤其現場的確容易出現情緒激動場面
有心分化嗰啲當然屌都費事，但係面對合理懷疑我地應該做嘅係冷處理等證據
不分化不割蓆=/=不討論不改善
心寒嘅係尋晚連登竟然有唔少人吹風話「藍絲就抵打」、「黑警都係咁」
有其他聲音就一律標籤做左膠三毛，講到係手足主動攻擊人咁
心諗你班人係咪痴撚咗線
咁做完全係陷手足於不義，係幫對家抹黑緊前線義士!
講過好多次對家分化唔止會扮左膠批評前線
仲會扮勇武製造爭議令前線同群眾之間出現裂痕，紅登洪非凡就係做呢樣嘢出名
我都好想尋晚睇到嘅全部都係三毛，但係有唔少acc起底唔似打手
證明三毛訴諸情感推波助瀾嘅策略的確成功影響到一部分人
呢個係好危險嘅信號，再唔修正3個幾月嚟嘅團結可能到此為止
預料嚟緊嘅日子仍會不斷有撕紙狗、黑社會挑機然後自己仆街
每一單都可以係對家割裂抗爭者嘅彈藥
抗爭一日未完分化攻勢都唔會停止
懇求大家唔好再被情緒主導、用立場判斷是非
呢個係我地作為群眾喺5年前犯下嘅最大最大嘅錯誤，求大家唔好重蹈覆轍
