我諗去到而家，大家都不能否認而家運動是去到樽頸位—除左等十一睇下林奠會否願意玉石俱焚同埋等美國打救外，香港人除左星期六日係咁流血受傷之外，仲可以做乜野？！當勇武打既打傷既傷（死既死？！），和理非係咪可以諗多少少—整一個「香港眾議院」（whatso ever, 個名未定，暫稱「港眾」）有無得諗？
我起度諗，既然民間可以開記者會同黑警個仆街記照抗衡，點解民間唔可以有「全民眾議院」同呢個仆街政府抗衡？另外就是，香港人起政治上一直處於被動角色，由港英時代到而家都是—我地只是一班「被擺弄」既子民（無論係中英聯合聲明又好、定而家都好）—點解我地唔可以「化被動為主動」，去掌控我地既命運？！所謂「光復香港 時代革命」，要再進一步，「港眾」會唔會是一個實際方向？！
***呢個部分是講少少歷史理念背景，怕長可Skip***
我構思呢個「香港眾議院」概念源自法革「網球場宣言」同埋「國民議會」—1789年，當時既第三等級（即平民等級）成立「國民議會」，講到明是「一個不是為國家而是為「人民」服務的議會」。當時國王梗係覺得佢地癡線，亦關閉左佢地原本既召開地—佢地最終轉場去一個室內網球場，發表著名的「網球場宣言」，是為法革的序幕（如有興趣者可睇參考資料法國大革命：https://zh.wikipedia.org/zh-hk/%E6%B3%95%E5%9B%BD%E5%A4%A7%E9%9D%A9%E5%91%BD#%E5%9B%BD%E6%B0%91%E5%88%B6%E5%AE%AA%E8%AE%AE%E4%BC%9A(1789%E2%80%931791)）。
其實「國民議會」唔係咩新鮮野。大家都有聽過民主國家既「上下議院」，所謂「下議院」既概念就是平民參政論政（如有興趣者可睇參考資料下議院：https://zh.wikipedia.org/zh-hk/%E4%B8%8B%E8%AD%B0%E9%99%A2）。
我將「下議院」重點簡化如下：
* 好多民主國家都有上下議院，上議院多為貴族與保守勢力、下議院則具更廣泛民意支持，所以「下議院」又可以叫「庶民院」、「人民院」等
* 起外國既「下議院」權力好大，包括可以討論國家的財政／稅收、甚至是政府內閣成員同埋總統人選，都由「下議院」決定
* 「下議院」職能視乎國家俾幾多權力，一般黎講，可以是與參議院共同行使立法權，二是對政府行使監督（參考資料：https://baike.baidu.com/item/%E6%B3%95%E5%9B%BD%E5%9B%BD%E6%B0%91%E8%AE%AE%E4%BC%9A）
當然，起外國既下議院做議員是一份工，有糧出果種，我地就梗係無，個個都Um錢出黎抗爭架啦！而，其實之前有巴打提出過類似既概念（網上全民議政+eVote有無得諗？：https://lihkg.com/thread/1334385/page/1），但是真係需要更多既集思廣益！！
***
至於個名，我覺得可以選擇用「香港眾議院」、或者「香港庶民院」、或者「香港制憲議會」－我再強調，呢個做法唔是「港獨」（尤其是而家好多人，even和理非對「港獨」呢個字仲有好多避忌，我唔認為是一個適當的時候去講呢個問題），只是要做到一個「平台」進行「全民論政」之效。可能大家會問，車，香港就算做到，都無香港政府既認受，做黎把撚？車，民間記者會政府都唔鳩理啦，一樣可以做！！我地反而可靠其他勢力去增加「港眾」既認受性！！
我純粹初步諗，香港眾議院可以做下列工作：
1. 定期舉行「全民議政」及「提交草案」予現今個仆街政府
而家整個政府既司法／立法／行政／維持司法（即警察編制）已經完全失效，而我地要求政府成立獨委會，但坦白講，佢地成立既獨委會又有幾「獨立」？又或者，而家D區議會又有幾大程度上代表人民的聲音？根本係無！！！！所以長遠黎講（即係唔單就今次逃犯條例運動），香港成立一個有效既「全民議政平台」都是重中之重！！！！
如果有「港眾」，我地可以進行過草案，俾而家D仆街政黨一個好大的民意壓力，唔可以亂Q過草案，否則人民就會有某D懲罰機制（實際可以點懲罰就未諗到）？當然，所謂既「提交草案」無相關既法律效力，但如果有大律師公會既加持，就可以一定程度上由民間直接去政府施壓！！！一個可以俾全民論政既網站／Forum是基本盤，「港眾」甚至可以邀請議員／政府官員，讓市民就特定議題，起實體場地進行直接既質詢。而家班廢柴一日到黑偽造民意，如果有「港眾」，就可以有一個有效平台直接質Q到佢無面！！！
2. 就特定議題進行全民公投
講緊17xx年法革都做到投票，點解起廿一世紀既我地，資訊科技發達，卻做唔到全民公投？打死我都唔信！！！！
我初步諗左一D可以公投既議題：1. 香港特首是否應該由全民選出，包括廣泛而合理的提名權、被提名權及選舉權？
2. 應否解散現有警隊，重構警隊編制？
3. 應否就2019年6月始的公民運動，成立獨立調查委員會調查事件？
4. 應否就2019年6月始的公民運動進行特赦，包括示威者與警察？
呢套野如果真係work，做到一人一票
直頭可以用黎做民調，救義士一命！！！<<< 之前巴絲既留言（網上全民議政+eVote有無得諗？：https://lihkg.com/thread/1334385/page/1）
其實上面既野既答案全部呼之欲出，但一個General Polling是可以俾政府一個更大的壓力，正視人民意見！！！！技術支援就要問熟IT既巴打！！！！
3. 靠本土同外國勢力既Endorsement，以證立「港眾」既合法效力與認受性
雖然政府唔認受「港眾」，但「港眾」可以選擇讓很多不同有地位既機構既既支持同認受，例如起碼有本土研究社做學術Back Up、或是覆蓋現時工會、民間團體、學生代表、不知所謂既警察協會、甚至大學教授加持 etc；每次議政傳媒都會開Live、令受眾／接觸面更廣，情況就好似民間記招咁...
除本土勢力，我地並要靠外國勢力去增加「港眾」既認受性，包括籌組後聯絡各大使館，請佢地出書面信件支持成立「港眾」，甚至要出訪外國尋求支持...（具體點做要再集思廣益）。至於大台問題，我唔覺得呢個是一個「大台」—佢只是一個「俾人民論政，甚至向政府施加壓力的『平台』」（我個人認為暫時最好唔好有話事人，而是一個Team咁做，以防對家逐個擊破！）。
4. 「全民製憲」—製訂真正屬於香港的憲法
之前熱狗都做過，但坦白講當時民意完全係未成熟，但而家是今時唔同往日！呢個憲法可以是「集思廣益」既方式做出黎，反正呢個「港眾」所製既憲法是為「人民」服務而非為「國家」服務，「港眾」的意義同目的是為左改革而家的議政制度、同埋監察政府的種種弊病！！
最後，我唔係話依舊野是我提出就我要搞，而是一來我呢個是個初步想法，需要好多人幫手consolidate整個想法（或者根本唔Work或者無人Buy就更加唔使諗），是需要「集思廣益」（甚至有D比我熟既朋友可以繼續Develop呢個想法）—616遊行都有二百萬人出黎遊行，如果呢個「香港眾議院」有二百萬（甚至更多人、連埋海外香港人）既 Endorsement ，政府都咪話唔驚！而且呢個都算是一個抗爭門檻相對低既方法！！
而呢個「議會」係所有人都可以論政，包括藍絲—呢個是一個議政既平台，讓全部香港人都可以去論政，就是呢個「議會」既目的（咪就睇下藍絲能否做到有效具邏輯既論述囉！）。
******具體工作******
首先是Form一個「香港眾議院」既團隊，研究下成個工作方向，需要既人手包括：
1. 構思及行動組：再認真構思個概念，訂出實際計劃
2. 技術組：IT人，負責網站同公投設計（IT野我完全唔識唔好問我）
3. 文宣組
4. 律師巴絲（徵求法律意見）
5. 識人多過識字可以聯絡到本土同外國勢力既巴絲
6. Anyone who want to contribute
實際工作方面，我暫時諗可以有幾個方向：
1. 設計一個容許全民論政既網站(Forum)
2. 設計一個公投機制
3. 搵到一個容許全民論政既實體場地（e.g. 大學），定期進行全民論政
4. 勾結本土同外國勢力
