【突發】和理塞商場篇終於出爐!922第一彈約定你

浴火重生火鳳凰 2019-09-12 22:54:23

[長文，本地&國際文宣]
點解要有反共嘅心態？

因為唯一可以令香港人脫離苦海嘅方法只有迫使共匪政權下台，原因好簡單，共匪喺香港每隔幾年就會搞啲禍港議案，只係喺2014年雨革開始計，粗略記憶入面已經有偽普選、普教中、割地兩檢、明日大愚、逃犯條例、智慧監控燈柱、社會信用計分制度咁多樣，而時間上只係過咗五年，已經令香港不斷比共匪魔瓜入侵咗好多次，香港人嘅言論自由、司法管轄權、甚至語言上嘅文化，都逐步消失，大家要認清一樣野，所謂行政長官、xx司局長等高官實際上只系共匪旗下嘅傀儡，即使換咗另一個人做，共匪中央針對香港嘅計劃唔會有變，而呢班新上任嘅傀儡都只會繼續配合共匪禍港，無助令香港人脫離苦海，所以，唯一可以令香港人脫離苦海嘅方法只有令共匪政權下台，救港同反共嘅工作應該要同時進行

請大家留意返反共並唔係等同反中國，呢個係共匪嘅偷換概念，將中共同中國呢個概念混為一體，咁樣共匪就可以輕易煽動民族主義情緒去鞏固自己政權，其實正正反共先係救香港甚至係救中國嘅不二法門，上面講過香港諸多問題根源來自共匪不斷騷擾，對於中國亦如是，共匪貪官橫行導致黑心食品豆腐渣工程無人監管，危害國人生命健康同安危；共匪假新聞洗腦茶毒人性分化人心，令人惶惶自恐互相篤灰，導致社會道德敗壞；共匪一黨專政作風導致政策即使有錯亦無人敢反對，豬瘟嘅引入已經係一個好好嘅例子。所以，唯有反共，唯有將共產黨打入歷史嘅墳墓，先可以令香港人有真正嘅幸福生活

有人說冇咗共產黨全中國咪天下大亂？其實呢個時候聯合國自然會插手暫時接管大陸（美國都好大機會插手暫管），好似日本二戰之後嗰幾年咁，所以民初軍閥割據混戰局面應該唔會重現，大陸民間社會上唔會有太大影響，只係最上面政權上嘅更迭。而中國未來比較好嘅管治模式係實行聯省自治嘅聯邦制，學美國咁，根據各省風土人情而定立唔同嘅法律，國號恢復為「中華民國」，以南京為首都，好似美國華盛頓咁，南京可以成為南京中央特區，負責協調各省行政支出，國家憲法同基本嘅法律短期內照搬台灣嘅法制落全中國執行，長期就按各省風土人情而定立唔同嘅法律，冇人話要分裂中國，聯省自治並唔係分裂，正如美國都係行聯邦制，冇人會話美國其實係幾十個國家，大家都可以喺一個大中國嘅概念之下幸福生活，唯有反共先可以救香港，救中國，救世界

共匪每一日都做緊滲透分化嘅工作，一日唔喺全世界人心入面廣植反共嘅心態，香港將孤立無援，共匪已經喺各行各業進行緊清算，倒如喺學校已經聯合警察家屬同佢地嘅仔女一齊搞緊文革式批鬥黃絲老師同學生，透過投訴老師同欺凌同學，務求驅散一切良心師生，如同文革以劣幣驅除良幤一樣

美國之前流出消息話諗住用10年時間好似蘇聯咁消滅中共，全球文宣都可以跟住呢個策略去行，文宣上要不斷列舉中共建國以嚟禍害人民嘅歷史，向全世界嘅人宣揚反共嘅思想，對象唔一定要係當地政府，而係當地市民，因為當地市民有選票可以逼使當地政府回應佢地針對香港人嘅訴求，從而令世界各地政府幫香港人對抗暴政，美國一個制裁勝過一千壯士，拖垮香港經濟等同要咗中共嘅命

當下局勢尚且如此惡劣，可以想像如果再比繼續共匪有壯大嘅空間，香港過多廿幾年就會正式滅亡，所以趁住香港宜家仲有一點餘輝，香港人要用盡一切手段去打撃共匪生存空間，共匪宜家對內又豬瘟又蟲災，國內嘅豬同埋生果賣出嘅市價已經貴咗好多倍，對外香港事態已經通曬天又同美國打緊貿易戰，相信宜家共匪正處於1989年六四以後30年嚟最大嘅一次內憂外患，香港係有機會贏，唯有全民反共先可以救到香港，大家一定要繼續撐落去

草民問問題 2019-09-12 22:54:42

罷買罷消費！