[Mac撚] 用家/買機集中討論(32) One More Thing

個人意見: 當代Macs分別列表


MacBook Pro 產品線
13-inch MacBook Pro 有 Touch Bar (2019新KB四核低配機)
13-inch MacBook Pro 有 Touch Bar (2019新KB四核高配機)
15-inch MacBook Pro 有 Touch Bar (2019新KB八核機)
特點: Coffee Lake多核，USB-C(TB3)，Touch Bar + Touch ID，DCI-P3闊色TrueTone retina mon，極速SSD，32GB RAM (15”)，VEGA GPU (15”)
弱點: 無MagSafe，無HDMI，無SD，最大鑊係無USB-A，垃圾Keyboard(2019款耐用度好似有改進)，潛在鑊氣好多



MacBook Air 產品線
13-inch MacBook Air retina (2019新)
特點: 輕薄，2xUSB-C(TB3)，Touch ID，TrueTone retina mon
弱點: 粒U只有7W TDP，垃圾Keyboard(耐用度有改進)，無MagSafe


Butterfly Keyboard問題
ifixit發現MBP2018個KB底部已經加左一層薄膠膜，似乎係針對入塵損壞問題既解決方案(圖為2016年專利申請)
暫時只有2018或以後出既MBP 13”/15” 同埋MBA既KB都有加膜
https://ifixit.org/blog/10279/apple-macbook-keyboard-cover-up/



官方：Apple就MB2015-2017 / MBA 2018-2019 / MBP 2016-2019 keyboard入塵損壞問題發出四年有條件免費維修
https://www.apple.com/hk/en/support/keyboard-service-program-for-mac-notebooks/

macrumors話Apple只會放新KB入2018款，2017或更舊款拎去維修都唔可能改用新KB
https://forums.macrumors.com/threads/apple-says-third-generation-keyboards-exclusive-to-2018-macbook-pro.2127682/











iMac 產品線
21.5-inch iMac (2019新機)
21.5-inch iMac 4K (2019新機)
27-inch iMac 5K (2019新機)
特點: 一體機(慳位)，Coffee Lake 八核，USB-C(TB3)，5K/4K DCI-P3闊色retina mon，VEGA GPU (27”)
弱點: 一體機(一鑊熟)，TB3/USB-C port得兩個，LAN無10Gb




iMac Pro 產品線
27-inch iMac Pro (2017)
特點: 一體機(慳位)，Xeon及workstation class部件，4xUSB-C(TB3)，5K/4K DCI-P3闊色retina mon，雙低速風扇靜音，10Gb LAN，256GB ECC RAM
弱點: 一體機(一鑊熟)，非常之貴，VEGA GPU與同級PC比較唔算勁



Mac mini 產品線
特點: 六核option，體積極細極慳位，齊port，4xUSB-C(TB3)，10Gb LAN，RAM可換(不過難搞)
弱點: SSD焊死，無連mon/KB/mouse，唔再廉價，內顯Intel UHD Graphics 630頗廢



Mac Pro 產品線
特點: Xeon，大TDP(與Macs比較)，靜音(與同級PC比較)，可插PCIe卡，可擴展，10Gb LAN，1.5TB ECC RAM
弱點: 入門價位超高(6千USD)，SSD用自閉插


Pro Display XDR產品線
特點: 6K (6016x3384)，DCI-P3，1000 nits，10-bit，1m:1對比度，Thunderbolt 3輸入，霧面選擇
弱點: 入門價位超高(5千USD)，霧面加一千，唔跟stand(收一千)















官網Compare
http://www.apple.com/hk/mac/compare/


官方教育價 (底配)
https://www.apple.com/hk-zh-hiEd/shop
(與大學ownership唔同)

13-inch MacBook Air (2019) HK$8,214(?)
13-inch MacBook Pro 低配(2019) HK$9,599
13-inch MacBook Pro 高配(2019) HK$13,599
15-inch MacBook Pro (2019) HK$17,899
21.5-inch iMac HK$8,088
21.5-inch iMac 4K HK$9,599
27-inch iMac 5K HK$13,099
27-inch iMac Pro HK$35,788
Mac mini HK$6,299


Geekbench Mac機跑分列表
https://browser.geekbench.com/mac-benchmarks


歷代Mac機規格database
https://everymac.com


大型Mac新聞/傳聞網
https://www.macrumors.com
https://9to5mac.com

FAQ 夠唔夠做

Q: 我讀______系，______夠唔夠做?
A: 問你個系d人收風最穩陣，呢度咩人答你都係老撚點

Q: 我主打剪片，______夠唔夠做?
A: 首先剪得嗰三幾條片唔好話自己剪片，呢個級數用途用最廢既MBA都可以應付到；真係有需要既人係專門做video/multimedia既學生或者搵食人仕，係講緊每日都會剪同rend片幾個鐘，咁先有需要考慮張顯要勁d；要有獨顯既MBP 15”同iMac 27”先似樣，或者打大佬用iMac Pro；eGPU係一個新選擇，不過未成熟所以暫時支援仲未充足同埋相關鑊氣唔少

Q: 我主打執相，______夠唔夠做?
A: 執相第一緊要個mon夠大夠闊色，第二緊要drive夠位放RAW，第三緊要有快SSD加速load library/cache，可以有好多要求，不過無一樣係好高，而且可以由外置mon外置HDD解決；要一體化要拎出街就MBP 15”加去1/2TB SSD囉，唔拎出街就iMac 5K最適合

Q: 我主打文書同打code，______夠唔夠做?
A: keyboard好緊要，建議落Apple Store親身試清楚，唔少人覺得2016以後MBP同rMB既butterfly KB同屎無分別，不過your mileage may vary；另外touch bar因為斬走左tactile ESC key同function keys，對某d shortcut/打code app/commandline會不便；留意2016/2017 MBP個KB已經有損壞問題，2018款先開始(疑似)解決；新2018 Mac mini應該幾受developers歡迎因為你bring your own keyboard，行headless唔需要mon同勁GPU

Q: 我主打VM，______夠唔夠做?
A: 買咩都好，唔可以少RAM，盡加plz如果唔係唔好番黎哭喪；MBP 15” 2018以後上限32GB，iMac 5K 2017後上限128GB，iMac Pro 256GB，Mini 64GB

Q: 我主打某game，______夠唔夠做?
A: 打機唔好用Mac係定律，不過唔高要求既game佢係run到ok高setting，要有獨顯既MBP 15”同iMac 27”或者iMac Pro先似樣，其他依靠Intel內顯既機只可以叫開到隻game見到野行咁囉；eGPU係一個新選擇，不過暫時支援仲未充足

Q: 我主打hea上網/Facebook/睇波/睇Youtube，______夠唔夠做?
A: 2006年Core2Duo小白MacBook都夠做，或者用你部電話夠

FAQ 選購篇

Q: MBP13"定15”好?
A: mon頗細 vs 算大；偏向輕薄 vs 偏向厚重；濕鳩內顯 vs OK獨顯；四核 vs 八核；少少貴 vs 好撚貴

Q: MBP2015 vs 2016 vs 2017 vs 2018 VS 2019?
A: 詳情響置頂post其實list清楚左，2015翻新機同keyboard唔西，USB-A健在，有無顯版，不過真係舊；2016/2017唔好考慮因為被2018/2019取代左；2018有四核六核，2019有四核八核，32GB RAM同埋改善keyboard，係最新最潮不過最貴

Q: 12" rMB vs 11” MBA?
A: 終極太監(全閹) vs 陳年廢老，兩款都難建議

Q: 13" MBPnTB vs 13” MBA 2018/2019?
A: 半閹大監(切撚) vs 半閹大監(切袋)，兩款都難建議

Q: iPad Pro vs 12” rMB?
A: 想要touch mon，用筆寫野畫野，行iOS apps，用LTE就揀iPad Pro；一定要用full sized KB，要行desktop Mac apps，要有data management要插drive就用MacBook

Q: iMac 21.5” 好定 27”好?
A: 首先唔好考慮非4K嗰部21.5”，佢係俾學校/政府大手入既廉價公廁款黎；之後睇你有無土地問題，原則上27”係全面地勁過21.5”尤其個mon同塊顯，27”又可以加RAM不過又唔係貴好多，所以擺得落的話建議27”優先；另外仲有個選擇係揀訂VESA版既iMac，咁就可以用mon臂唔用原裝個底座去慳位

Q: i3定i5定i7定i9好?
A: performance上既分別響rend片，export相，compile之類(半)專業用途先顯著，如果你budget有限而唔肯定自己有無需要就買底配唔好升；真係知道自己有需要的話建議直上MBP 15”因為頂標配已經有八核i9，或者Mini改上六核；留意12” MB / 13” MBPnTB / MBA(2017)就算升上i7都仲只係dual core，效能提升有限

Q: 有無Touch Bar其實分別大唔大?
A: 暫時Touch Bar既實用性仲成疑問，唔太多apps用到佢，有都多數係用cursor/keyboard可以做到既，佢只係多一個途徑去㩒；而且有部份app係仲依靠function keys同esc掣

Q: MBP nTB同TB版，Touch Bar以外既分別?
A: nTB掛名係MBP，其實規格上係正統13” MBA後繼機，佢特登同粒低用電既15w U令到續航力高過TB版，不過少左兩個Thunderbolt3 port同得一把風扇散熱差d；Touch Bar版粒U勁d不過用電快d，內顯勁d，總電量少d，不過有齊4個TB3 ports，有兩把風扇，同最緊要係有四核U；TB輕薄程度同nTB幾乎一樣；2019年低配MBP響唔改內籠用料級數前題下俾埋Touch Bar

Q: 買MacBook / MacBook Pro / MacBook Air / 21.5” iMac應該幾時加RAM?
A: 上面全部款既RAM都係焊死，姐係你要買時即時決定要幾多RAM，完全唔可以事後加 (iMac 21.5”係插槽RAM可以事後加，不過要撬開mon玻璃再痴番埋好大陣象)

Q: 買27” iMac / Mac Mini應該幾時加RAM?
A: iMac機背有RAM槽門，Mini要拆晒成個底板就見到RAM槽，姐係你要買時可以唔決定最終要幾多RAM，可以事後自己加/換

Q: 咁幾多RAM夠? 8GB夠唔夠做，我駛唔駛加?
A: 定律: 當你需要問呢個問題，就姐係你用途上有可能有需要用，而因為唔可以事後加同埋日後apps只會越黎越大食，所以最好都係加啦；如果budget有限而真係有需要，建議買低一個款甚至買舊野都唔好慳響RAM

Q: iMac 2019買咩RAM?
A: 記住21.5"無外接RAM槽，只有響27”先可以簡單買後自己開門加；跟機RAM spec: PC-21300 DDR-4 SO-DIMM 2666MHz CL19，牌子唔講費事被賴炒高個價，留意Apple跟機本身插既config係兩條4GB或兩條8GB或四條8GB，姐係你訂32GB的話係插滿唔會有空槽；維修時Apple有權要求你插番原廠跟機RAM先受保

Q: Mini 2018買咩RAM?
A: spec: PC4-21300 DDR-4 SO-DIMM 2666MHz CL19，牌子唔講費事被賴炒高個價，留意Apple跟機本身插既config係兩條4GB或兩條8GB或兩條16GB，姐係你點樣訂都唔會有空槽；維修時Apple有權要求你插番原廠跟機RAM先受保

Q: Fusion Drive vs SSD?
A: Fusion Drive係將一個細SSD同一個大HDD撈埋黎用既功能黎，理論上係同時解決速度同容量兩大矛盾，聽落好正不過實戰係有限制；響iMac既然係desktop機，可以比較輕易插平價外置HDD増加容量，不過要拎出街既Mac要依靠內置既PCI SSD響實用上就唔易用外置方法；所以如果對部Mac既performance有要求，應該考慮改訂原生內置SSD，因為Apple最近用既都係頂級blade PCI SSD有千幾二千MB/s；注：1TB Fusion個SSD只有32GB，2/3TB Fusion先有128GB

Q: SSD幾大夠? 128GB夠唔夠做
A: 情況同16GB iPhone類似，128GB總有人唔覺唔夠，macOS實際上只用十幾廿GB，如果你係極低用量user上吓Facebook同睇AV，咁128GB唔會話唔夠；不過只要你開始用部機黎做野，又或者入歌入相就會開始塞爆；最新MB/MBP系列因為SSD焊死，出廠後唔可以加，建議買時有大食大，當然日後data可以擺外置HDD不過作為portable咁樣會阻礙幾多你要自己衡量

Q: 有無獨顯分別幾大? 內顯夠唔夠做?
A: 插大mon/多mon同極低要求game，內顯足夠應付；不過要去到打普通新3D game同rend片做CAD就建議盡加獨顯；記著GPU係Mac既弱項，如果3D同rend好有要求，要考慮iMac (Pro)，TB3 eGPU外顯，舊Mac Pro插大卡，Hackintosh等途徑，或者放棄Apple叫Gay Cook去含

Q: Mac Pro係唔係摺，點解咁貴不過又唔係勁?
A: Apple認左2013年出既垃圾筒係失敗作，下一代Mac Pro既後繼將會2019年內出不過終極天價；衣家個垃圾筒版本絕對唔建議買，iMac 27”性能上幾乎完全過左佢頭，仲要連埋隻靚mon

FAQ 配置/使用篇

Q: Apple Care+咩黎，買唔買埋好?
A: 所有一手Mac你以正途購買都會連一年保，買埋Apple Care+係另加兩年，姐係共三年；其間包零件任換保養，除非極明顯人為破壞如爆mon同入水的話就可以俾HK$799整；另外Mac係全球保，無論你響邊個國家買部Mac，只要響有Apple插旗retail store同有authorized service provider既地方佢都可以check你保養status，確認到你部野仲有保就會幫你整(人為損壞可以有例外)；官方描述係需要你買機90日內決定續唔續AC+

Q: 翻新機 vs 正價機?
A: 翻新機經過Apple換殼，換走壞parts(如果有)，同埋再過出廠test，照有Apple Care一年(亦可再加多兩年)；網上好少有人report話翻新機有特別問題，你可以當無端端拎左個折；當然買正價機有食第一手處既滿足感同安全感

Q: 點搞分期?
A: 去豐澤/百老匯買，or 去Apple Online Store買，之後打上銀行卡務中心做「現金分期」「購物分期」

Q: 大學notebook ownership / programme 有無得upgrade CPU / RAM / SSD / Fusion?
A: 無，響嗰度買一定要買「標配」，想加野一定要出街外買；街外買都仲可以用官網教育價，只係無ownership個再低少少既價，同埋無堆濕鳩贈品

Q: 插外置mon點搞?
A: 如果你部Mac有Thunderbolt 2，係可以直插Mini DisplayPort既mon；有HDMI port就好明顯更易；得USB-C/TB3的話就要留意，Apple隻TB3>TB2賓州係唔可以當miniDisplayPort咁直接出mon(要chain內有另一個TB device)，你要搵一隻USB-C轉DP或者USB-C轉HDMI既插或者dock；有好少部份既mon已經有USB-C/TB可以直插新Mac用到，暫時包括LG Ultrafine 5K/4K，原生有USB-C既mon (LG/DELL等等)，舊Apple Thunderbolt Display(同TB3>TB2賓州)等

Q: iMac係唔係可以當mon用?
A: 以前得，衣家唔得；PS4可以用Remote Play，插LAN線ok順，得720p不過PS4 PRO有1080；另一個貴既option係買Elgato HD60s，佢係插USB3既capture卡黎，有即時唔delay既HDMI入mac功能，不過個價錢夠買一個mon

Q: mon貼有無用?
A: 原本個mon已經有足夠既防反光同防污coating，除非你非常粗用部機一定要加倍保護個mon，如果唔係無需要；有人用家報告話，某d貼有可能會痴到甩coating，而且Apple官方都唔建議擺任何野響摺埋既MacBook中間

Q: keyboard套有無用?
A: keyboard位置有少量散熱功能，如果長期完全封閉有可能令部機承受不需要既熱；再者keyboard套既物料，再加上用家手油，響摺埋部機時因為有形狀同餘熱係好大可能會痴番上mon，可以破壞coating甚至整花；當然如果你好粗用部野，又成日驚倒瀉野入機，咁平衡過風險後你可以用既；不過再講多次，Apple官方都唔建議擺任何野響摺埋既MacBook中間

Q: 外殼又好唔好?
A: MBP系列一向好硬淨，正常用途最多係整花，應該要好高跌落地先有問題，再者呢個程度既撞擊有殼都未必保到你；當然想同部野著衫，想特別粗用，或者用有功能既殼或袋咁係你鍾意；注意：一般硬殼會整厚部機好多，理論上或多或少會阻礙金屬機身散熱，而且會加厚ports與外面距離搞到部份插線或者hub係插唔盡

Q: drive無位了，點算?
A: iCloud可以俾錢加容量，係同Mac/iDevice合作無間既雲，速度同uptime一流，可以考慮

Q: BT係唔係會chur SSD
A: 好明顯會，如果你成日BT，最好加個外置HDD射去用；當然一GB半GB應急係無咩事，唔好日chur夜chur就OK

Q: USB-C係唔係同WiFi有干擾?
A: 係，設計USB班天才選擇可以同2.4GHz共震既spec，所以如果你個三方配件響shielding做唔足，係有可能插響Mac時干擾部機既2.4GHz性能；解決方法係轉用5GHz AC...，或者搵一隻無事既hub/device...

Q: 我成日俾部野電親，咩事?
A: 接地不足令到有stray current由Mac電容傳番出殼外，電力唔足以成為安全問題不過的確會好煩；Apple既火牛有第三條接地線解決呢個問題，不過要用原裝廷長線先有呢個contact，就咁用短插係無；舊機跟機已經有呢條線，新機無跟要同Apple百幾蚊買，不過有人話可以去Store向精靈R到條；電源相關危險，建議用副廠野要小心選擇

軟件apps篇

Browser
Safari (Apple自家跟機)
Chrome https://www.google.com/chrome/browser/desktop/index.html
Firefox https://www.mozilla.org/en-US/firefox/new/
Opera http://www.opera.com/computer/mac

Instant Messenger
iMessage (Apple自家跟機)
WhatsApp https://www.whatsapp.com/download/
LINE https://line.me/en-US/download
Skype https://www.skype.com/en/download-skype/skype-for-mac/
QQ https://im.qq.com/macqq/
阿里旺旺 https://alimarket.taobao.com/markets/qnww/portal-group/ww/index
Adium (集qq, yahoo, google, facebook, msn, icq, etc) https://adium.im

Video
mpv (最快最順) https://mpv.io / https://laboratory.stolendata.net/~djinn/mpv_osx/
IINA (mpv改良UI) https://lhc70000.github.io/iina/
VLC (play到最多format同stream) https://www.videolan.org/vlc/download-macosx.html
SplayerX射手播放器 (自動搵字幕) https://www.splayer.org

Live Video Streaming / 睇波
SopCast for mac http://www.sopcast.com/download/mac.html
Streamtorrent http://download.pcmac.com.cn/mac12321.html

Music / Streaming
iTunes / Apple Music (Apple自家跟機，近年太亂，不過過野去iOS必須)
Spotify https://www.spotify.com/us/download/mac/
VOX (播高清檔) https://vox.rocks/mac-music-player
Audirvana Plus (播高清檔) https://audirvana.com

Audio
一系列小型audio工具(包括routing，recording) http://www.rogueamoeba.com/airfoil/mac/

iOS / iDevice
iFunbox http://www.i-funbox.com
iMazing https://imazing.com

Office
iWork: Pages, Numbers, Keynote (Apple自家全免費，要去AppStore download)
MS Office 365 for mac http://www.microsoftstore.com.hk/HK/Office-365‎
LibreOffice http://www.libreoffice.org/download

Creative Suite
Adobe CC http://www.adobe.com/CreativeCloud‎
一堆freeware (免費取代Adobe CS6) http://www.makeuseof.com/tag/say-goodbye-to-adobe-creative-suite/
Affinity Photo (Photoshop alternative) https://affinity.serif.com/en-gb/photo/
Pixelmator (Photoshop alternative) http://www.pixelmator.com/pro/
Sketchapp (Illustrator alternative): https://www.sketchapp.com/

Gaming
Steam for Mac http://store.steampowered.com/macos
EA Origin for Mac https://www.origin.com/en-hk/store/shop/mac

Emulator
OpenEmu (PS1/PSP/GB/GBA/NES/SNES/N64/NDS etc) http://openemu.org

BitTorrent
Transmission https://transmissionbt.com
Deluge http://www.deluge-torrent.org
qbittorrent https://www.qbittorrent.org/

Network
FileZilla (FTP) https://filezilla-project.org
Transmit (FTP) https://www.panic.com/transmit/
iStumbler (scan network/WiFi) https://istumbler.net

Unzip
Unarchiver (解zip/rar/7zp/gzip/tar etc) https://theunarchiver.com
Keka http://www.kekaosx.com/en/

File System
Paragon NTFS https://www.paragon-software.com/ufsdhome/ntfs-mac/

Backup
TimeMachine (Apple自家，自動hourly incremental backup)
Carbon Copy Cloner (bootable clone) https://bombich.com

GUI / Interface
iStat Menus (響menu bar放icon去monitor系統) https://bjango.com/mac/istatmenus/
Duet Display (將iPad變有touch既Mac mon) https://www.duetdisplay.com
AstroPad (iPad+Apple Pencil 做畫板): https://astropad.com/studio/
SizeUp (割window) http://www.irradiatedsoftware.com/sizeup/
Moom (割window) https://manytricks.com/moom/

Touch
Better Touch Tool https://www.boastr.net
MagicPrefs http://magicprefs.com

Cursor
SteerMouse http://plentycom.jp/en/steermouse/
CursorSense http://plentycom.jp/en/cursorsense/
ControllerMate https://www.orderedbytes.com/controllermate/

Input method
Yahoo! 奇摩輸入法 (Windows排字速成倉頡/廣東話輸入***已摺不過可用) https://goo.gl/5giS7U / http://www.macuknow.com/files/download/YahooKeyKey-OSX-Leopard-1.1.2535.dmg / http://mactivityhongkong.blogspot.hk/2016/12/macos-sierra.html
OpenVanilla (Windows排字速成倉頡/廣東話輸入) https://openvanilla.org / https://www.pcmarket.com.hk/2017/01/26/mac機中文輸入更新openvanilla/
《六碼筆畫》G6輸入法 http://www.miniapps.hk/g6code/

System
smcFanControl (控制風扇) https://www.eidac.de/?cat=40
Macs Fan Control (控制風扇) https://www.crystalidea.com/macs-fan-control
OnyX (系統維修) https://www.titanium-software.fr/en/onyx.html
XRG https://gauchosoft.com/Products/XRG/

Mac mini 2018用家自己換RAM步驟
https://www.ifixit.com/Guide/Mac+mini+Late+2018+Memory+(RAM)+Replacement/115309

新Macs暫時伏位:

Mac mini 2018粒iGPU得Intel UHD 630，插mon只要係4k或以上而唔係1:1 scaling，用家報告係狂lag
https://forums.macrumors.com/threads/mac-mini-2018-intel-uhd-graphics-630-pros-and-cons.2150795/

T2 chip導致kernel panic，mini都有份連boot都boot唔起 (暫時影響唔算廣泛)
https://forums.macrumors.com/threads/any-t2-related-crashes-with-2018-mini.2153202/

用同一粒chip既MBP 2018已經有2500個回覆討論個問題
https://forums.macrumors.com/threads/2018-macbook-pros-crashing-with-bridge-os-error.2128976/

奇怪地新MacBook Air明明都係有T2 chip不過未見有任何報告有事
不過；
MBA個mon除左無DCI-P3闊色，同MBP個mon比較係超暗 (270nits vs 500nits)
https://forums.macrumors.com/threads/macbook-air-2018-screen-brightness.2153000/
粒CPU得7w，續航力好好不過力量完全唔夠
KB係用Butterfly gen3，已有報告同MBP KB一樣壞掣 (暫時未廣泛)

自從2017年尾Apple開始擺一粒T2 chip入Macs去處理sub-system同security方向功能
暫時已經有T2 chip既Mac:
iMac Pro 2017
MacBook Pro 13" TB 2018
MacBook Pro 15" 2018
MacBook Air 2018
Mac mini 2018
講到可以加速boot SSD，加強hardware security例如mic同cam唔會被hack等等:
https://techcrunch.com/2018/10/30/apple-t2-security-chip-microphone-eavesdropping/

不過粒chip被發現會阻礙第三方維修，改裝或者純粹換部件之後要run software同步先俾行
https://www.theverge.com/2018/11/12/18077166/apple-macbook-air-mac-mini-t2-chip-security-repair-replacement-tool

data recovery尤有困難 (呢樣野有好有唔好)
https://9to5mac.com/2018/09/20/apple-t2-data-recovery-transfer-imac-pro-macbook/

用家選擇唔行macOS，boot去Lunix或者bootcamp唔支援既舊版Windows有困難/限制
https://www.phoronix.com/scan.php?page=news_item&px=Apple-T2-Blocks-Linux-UEFI
有人話入recovery mode降低security setting可以boot番，不過唔知個情況會維持幾耐
https://www.omgubuntu.co.uk/2018/11/apple-t2-chip-cant-boot-linux

另外，T2引起唔正常既Kernel Panic (macOS大炒)
https://www.digitaltrends.com/computing/apple-t2-chip-may-be-causing-imac-pro-macbook-problems/
暫時MBP2018被廣泛報告奶野，Apple Store響排解/維修/退貨方面相當不合作
https://forums.macrumors.com/threads/2018-macbook-pros-crashing-with-bridge-os-error.2128976/
iMac Pro都有報告不過用家人口太少不能確定嚴重程度
mini同MBA亦太新，未夠sample pool

T2有一個新問題，有好廣泛報告講audio interface出晒事，drop out同jitter等等
https://www.gearslutz.com/board/music-computers/1228743-mbp-high-sierra-mojave-coreaudio-overload-bug.html
https://uadforum.com/support-troubleshooting/39617-kernel-panics-imac-pro-2018-macbook-pro-related-t2-chip.html
https://www.forum.rme-audio.de/viewtopic.php?id=26881
http://www.motunation.com/forum/viewtopic.php?f=2&t=65227
https://forums.macrumors.com/threads/do-you-have-any-issues-with-audio-on-the-mac-mini.2153841/
https://forums.macrumors.com/threads/macbook-pro-2018-speakers-crackling.2128234/

LM

不過Made in China呢

上個post有個巴打問usb c to hdmi
淘左條綠聯iMac暫時都ok

得 Mac Pro 唔係

新嘅係

基曲同侵見過N次面都唔肯讓，Mac Pro寧願硬食關稅都唔番美國整
本身整開舊MP嗰間德州廠好似衣家淨係組裝賣美國本土既iMac

坦巴
我係上個post問apple tv airplay果位巴打
我想問下Apple TV 做唔做到上一啲睇動漫既網去睇動畫
我主要想拎佢黎睇戲睇動漫

10 年 mac 齡路過

某程度上Apple唔係唔想搬，早牌日經出咗篇嘢話Apple已經叫班Supplier一齊揾吓東南亞有咩地方代替
但Apple揾嘅好多都係喺強國設廠嘅台資公司（富士康、緯創、廣達etc）
即係話某程度上係靠呢幾間嘢揾食 （配件就多數真係強國廠）
緯創前牌就喺印度設咗廠做iPhone專俾印度（又係因為關稅食水深），但只係做緊iPhone 6S SE 同7
今年仲運咗啲過去歐洲市場賣
不過富士康都喺印度設咗廠，兩間嘢今年都可以有本事生產旗艦級iPhone

但生產線唔係話搬就搬
因為現實係以生產技術、產能同成本嚟講強國個平衡點依然係冇得鬥
其他一係有技術但高成本，一係低成本但冇技術
所以啲廠都好頭痕#

某程度上Apple係獨特，因為佢地同一款SKU個出貨量同業界其他人比係極大，先會出現「唔可以隨便轉場」呢個問題，因為一轉去其他地方就算解決到技術同物流都解決唔到成本

不過我估佢地一早已經開始抽身，反正iPhone個勢唔再有以前咁勁，以後盡量拉闊產品多樣化，同埋收入傾向電子服務多於硬件，將來更有保證
你見Apple Music都開始出個browser版同埋近排ApplePay/Card就知，佢地係想做平台多過賣電子垃圾

係ownership買咗macbook pro 送咗一張mon貼
想問下你地有無用mon貼
我記得apple好似話唔好用....

我iPhone iPad都冇用mon貼

Q: mon貼有無用?
A: 原本個mon已經有足夠既防反光同防污coating，除非你非常粗用部機一定要加倍保護個mon，如果唔係無需要；有人用家報告話，某d貼有可能會痴到甩coating，而且Apple官方都唔建議擺任何野響摺埋既MacBook中間

13吋pro 定 air 好