蔡繼有校風同本地社會時事脱節就眾人皆知，因為讀得cky嘅學生都來自中產以上或者公務員家庭，班家長一放假就四圍飛，甚至試過寫信要求學校提早放假來配合佢地嘅假期，堅離地！
雖然學校口頭上由小學就開始提倡獨立批判的思維，實際情況卻好似中共咁唔比學生質疑學校立場，班膠層亦都奶共奶到出曬面（有個校長個老公甚至本身就係popo）。
由小學開始就搞團帶小朋友上大陸『遊學』
成日同啲親中團體合作，又搞咩4D辯論比賽，咩菁英比賽
五年前雨傘運動個陣請689做講座，仲將個寸佢嘅學生直接趕走
兩年前請『唔得掂』做十五週年開放日嘉賓，同港共關係密切到令人作嘔
之前亦都有舊生發起聯名，相當多學生同老師參與表達港人意願
好彩好多學生都有良知，琴日自發係校舍整左幅連儂牆
(https://www.instagram.com/p/B1_gF5xAz82/)
（係呀，咁撚細幅，班膠層都容不下。dklm）
連儂牆發起人即刻被人照肺
(https://www.instagram.com/p/B2BiXRdABUI/)
雖然有位有良知嘅家長去信校方支援學生都於事無補
(轉自潘小濤fb https://www.facebook.com/27743445015/posts/10157880260190016?sfs=xwa)
知情學生早前收到校方嘅最後通牒，佢地以政治中立為藉口要求學生聽日交出一個『解決方案』，又扮曬野以無法證實嘅『學生投訴』製造壓力比班學生，妄圖將校方嘅無理打壓演變成學生對學生嘅局面。 其實雨傘運動嗰時校方已經不停俾壓力學生來阻止罷課，而之前六月中有同學派反送中傳單個陣亦都一樣受到好多限制，例如由唔比去低年班樓層派再變本加厲到淨系可以派比最高年級！
學校本來應該係一個以學術性討論培訓學生獨立思考能力同關心時事嘅地方。可悲嘅係，學校從來都係社會嘅縮影，尤其係蔡繼有呢類離地藍絲聚集地，會出現一堆中立偽善我討厭政治嘅人都好正常。然而更加令人髮指嘅係呢班偽君子嘅雙重標準。呢頭用『政治中立』打壓學生言論自由個頭就有學生發現校方發比小學生嘅功課上面出現譴責示威者嘅句子，而班小朋友亦都被要求向家長朗讀呢類句子。雖然有傳言話條例句係學生寫，但係從份功課被打印出來派比其他學生嘅既定事實都可以見到校方所謂嘅『政治中立』有幾虛偽：打壓一切反對聲音，默許支持者做任何事。
呢個係蔡繼有對其學生嘅要求：要有責任心，要有求知欲，要對唔同意見保持開放態度，要對學校同社會做出貢獻。仲有赤子之心嘅小朋友已經做到，唔知身為膠層嘅大人又做到未呢？
身為CKY嘅舊生，亦都身為香港人，我地唔會望住我地嘅師弟師妹被打壓而唔出聲。我地要求校方停止一切對學生嘅言論自由做出打壓，徹底貫徹真正意義上嘅『政治中立』，允許支持同反對聲音嘅共存，使蔡繼有學校成為一個真正快樂的學校園地
http://cky.edu.hk/ 學校網傳送門～ 歡迎大家過嚟了解吓我哋學校
Email: info@cky.edu.hk
電話: 2148 2052
學校網傳送門～ 大家千祈唔好打去學校投訴啊！！
最後：
光復香港，時代革命！！！
五大訴求，缺一不可！！！
好擔心學校秋後算帳 