[問絲打] 咩原因你會飛一個愛你又專一既男仔

價值觀唔夾
目標唔同
太群腳
佢屋企人太難侍侯

我就係咁既意思
我覺得一段感情要互相扶持互相撫平大家既傷口咁先可以一齊走落去
難過困難時知道有個人永遠係自己身旁 而唔係幾粒錫錫emoji 乖啦唔好咁啦 瞓醒就冇事
不過我覺得都係要講既 因為我都想對方有事都會諗起我依靠下我

講就一定要講
始終對方又唔係自己肚入面條蟲
但有時講得多, 對方都係咁嘅回應
慢慢就會覺得講嚟係冇意思
當然我都知道對方已經盡咗力去關心同安慰
無奈只係唔係自己想要嘅方式啫

不過呢方面我覺得無謂去要求
始終安慰嘅嘢唔係人人識同覺得覺得有需要
特別係男仔

啱呀 我都知對方係盡咗力 只係同我想要既野有出入
冇架咁咪唯有唔一齊 所以先至話現實單單得愛同專一係冇用

我明白心靈上唔夾呢個情況, 咁算唔算因了解而分開?

第2個問題我諗身為男仔都好想知道, 就係你覺得男仔做咩先可以令你覺得佢同你一齊過緊難關/支持你?
舉個例, 你男友日日食譚仔, 你淨係話唔想食譚仔但又唔講吓想食咩, 咁可能佢好難哄到你架bor

好奇問吓絲打幾大

呢個例子好錯，無咁簡單
多數係大家處理手法問題

我舉例，如果女朋友工作壓力好大

有d男朋友係好鍾意畀「意見」，話下次點點點咪得囉咁
但明明唔好行業大家未必明個苦況

有d男朋友可能會叫你東家唔打打西家果d說話

又有d剩係講唔好唔開心啦，我地去食餐好之類

如果我男朋友好鍾意畀意見，但我又剩係想食一餐算
咁咪唔夾

樓主例子錯哂 如果食唔食譚仔呢啲無關痛癢既事就冇咩所謂既
好似絲打咁講 男人好鍾意俾意見 幫你解決件事
但其實你諗到既野我都諗到 同你講只係想求安慰 解決方法可以事後講
如果可以俾個擁抱或者寫張鼓勵我既紙仔其實已經夠
我需要係呢啲野多啲 所以我比較鍾意內向獨立既男仔
我覺得相對地會細心一啲

我25

問題係有d事係解決唔到
有得解決仲使咁煩咩
好似遇著個老姑婆上司咁
你畀乜解決方法我都無用架啦
除非唔撈架啫
是鳩但但買杯珍珠奶茶接下放工可能已經好好多

點解女仔覺得男既達唔到自己要求就想要分手？
點解反而唔問下個男既想要咩？
無一對情侶係完全match
點解唔嘗試兩個一齊去互相遷就改變？

1.佢去叫雞
2.雙方價值觀上有極大既分岐
3.佢染上不良嗜好(eg.食煙,賭博,吸毒)而唔願意去改

其實有時候愛情唔係講條件
唔係一個人夠好就感情永遠唔會有問題
如果兩個人之間冇愛 拍拖只係因為對方好
其實都冇乜意思
要揾個對自己好的人唔難
一個相愛而又對自己好的人先難

愛情係需要有愛 唔係淨係睇人品同性格

岩 唔夠愛咪行唔到落去