匯豐控股苦主哭泣區

我學生哥輸得起

58攞咗三手，等到50再攞多三手

下行中 做咩不放

Drop to 0 la

大家還好嗎，又跌左一蚊了

等緊50蚊入

諗緊50溝唔溝貨好

64.5 1 手

67.35@6000 T.T

我相信依排唔係得病貓有事,媒同黨鐡,中電同領都有問題
證明係全香港都出左事

yes. 其實真係好明顯.

利申 開左張細期-1

80入都未驚過，最多攬炒
以前2x都試過啦

地產股都跌到咁都知

日日來哭泣

買滙豐收得皮，banks 冇間買得過

75走晒 120股碎股

45蚊再入

捱唔捱到去下次派息

有排你坐，

全球經濟衰退

有啲愈回購愈跌，
回購唔代表啲乜

戒除「撈底」習慣，買入處於上升週期股票改善投資表現🔥🔥🏆🏆

近日同個有十多年投資經驗既朋友食飯，講起近期股市表現，朋友立即反應雀躍，分享佢既投資心得，以下係部份對話內容

我：「近排中美貿易戰好似越打越激烈，股市都跌了不少，你之前買入的匯豐控股如何，有沒有止蝕?」(朋友約於$70左右買入)
朋友：「哈哈，越跌得多越好，我都係低位再買入，而家真的好抵買(便宜)。」

本人深知朋友脾性，經常自喻價值投資者，最喜歡「撈底」(逢低買進)同「坐貨」(買入後不理會股價表現而長時間持有該股票)，每次「撈底成功」就會耀武揚威，當股價於買入後繼續下跌，朋友就會用「好股唔怕坐」或「買黎收息」做理由，為其辯護。然而本人與朋友相識多年，其「撈底成功」次數少之有少，往往「坐貨」居多，多年來投資表現浮浮沉沉。

回顧歷史，匯豐控股（港股代號:00005，下稱「匯控」）股價2007年曾見最高$150，假設股價由高位回落3成至$105，對於當時不少散戶來說絕對是千載難逢的「撈底」機會，然而現實往往是殘酷的，匯控股價於2009年3月宣佈「世紀大供股」後跌至最低$33，縱使散戶能捱過「世紀大供股」並一直持有匯控收息到現在(匯控由2008年至2018年共派息4.56美元(約35.6港元)，可參考早前美股操盤室貼文)，如投資者不慎於$100樓上「撈底」買入，以現時股價再加上多年來所收股息，相信不少散戶投資者仍然未返家鄉。😢😢

參考金融怪傑，馬克·米奈爾維尼－≪超級績效≫一書，投資者理應只買入處於第二階段（上升期）之股票(詳情可參考「多空操作秘笈」中提到股票股價的四個階段，分別為：第一階段－築底期；第二階段－上升期；第三階段－派發期；第四階段－下降期)，第二階段往往是公司業務處於高速增長或有機構投資者不斷買入該股票導致，股價上升趨勢往往能持續一段較長時間(半年甚至數年時間)，投資者能於短時間內獲得股價上升帶來的盈利，創造複利效應並達至超級績效(往後再發文章分享)。

馬克·米奈爾維尼認為不應在第四階段時買入股票，因為股票股價持續下跌，事出必有因，可能是公司估值被嚴重高估或內部出現流動性問題等等，然而很多散戶投資者往往會墜入所謂價值投資陷阱，尤其是一些被傳媒過份吹奉的公司或傳統大藍籌股票，對其業務過份憧憬，當公司股價由高位回落一個較大幅度，心理上會覺得很「抵買」，但往往忽略股價表現正正反映公司的前景，更甚者當初投資者買入該股票的理由是因為覺得「便宜」及「抵買」，因此當股價再下跌時，投資者會更貫徹當初信念，買入更多股份，並相信股價終有一天返回家鄉。

縱觀歷史，多隻股王於大跌後亦未能重返高位，強如匯控於2008年金融海嘯後十多年間股價亦未能重上$100樓上，弱如思捷環球（港股代號:0330）股價由百多元跌至個位數。散戶投資者因資金有限，經過一輪「溝貨」(即不斷逢低買入希望拉低平均買入成本)後資金被鎖死，又不願止蝕，結果錯失買入其他處於上升週期股票的機會。💸💸🙈🙈

本人觀看匯控股價圖，現時股價明顯處於第四階段下行趨勢，因此再嘗試勸揀朋友

我：「匯控好似進入下行週期，或者先止蝕，待股價步入上升週期先再買會較好。」
朋友果然以標準答案回應：「怕什麼，遲早升番，好股唔怕坐，而家仲有7厘息，唔買就蠢。」

聽完佢回應後，我就沒再提了。

P.S. 2019年8月23日匯控收市價為$57.1，比朋友的「撈底價」又再下跌一成。💔💔

Source: Yahoo Finance

<純屬分享，不屬投資建議＞

買得匯豐都係為左穩定高息
要炒上落/ 增長 點會買佢

收息都要睇咩位買
收息股跌除時蝕本

等緊33蚊痾煙