<借鏡劉備> 學習古人謀略與心態,提升自我

48 回覆
19 Like 1 Dislike
2019-08-24 00:04:39
巴打,會唔會可以分享下你對劉備推銷術既睇法?
2019-08-24 00:34:25
點解笑到最後嘅係孫權嘅
2019-08-24 05:10:17
2019-08-24 06:12:01
你講個啲野 我全部都識
2019-08-24 09:19:12
我估應該係作者以三國(曹、孫、劉)去計,而非最後既司馬懿 ?

I don’t know
2019-08-24 09:21:18
咁堅? 請指教🙏🏻🙏🏻🙏🏻
2019-08-24 10:42:07
小鮮肉劉備建印象、造聲勢,獲得大量粉絲,仲自組團隊。

本來勇字擺心口,開始飄飄然既劉備,其實係平息黃巾之亂中差d 奶野同柒左⋯⋯⋯ 迎黎左佢第一個考驗


適逢大漢朝政腐敗,內憂外患,國家氣數直線下降;加上,大旱令全國農作物失收,國家一於少理稅唔減要照收,民怨沖天

巨鹿人張角(有圖)


佢就係呢個時候發起黃巾起義,大漢極速陷入混亂

漁陽人張純同佢同鄉張舉趁機起兵反漢,佢地同遼西群烏桓大人丘力居結盟,一齊一路殺殺殺劈劈劈,劈到肥如,再係個度屯兵!

佢地兩人移書去州郡,並且張舉自稱天子,張純(無圖)自稱彌天將軍、安定王,擁張舉做皇帝。

張舉(有圖)想漢靈帝退位,取替佢




校尉鄒靖率兵要討伐張純,劉備經 平原劉子平先生既推薦,佢先有機會可以帶領佢既團隊總數百幾人加入 。


劉備參加呢次行軍異常High ,佢騎係馬上面,見到浩浩蕩蕩水蛇春咁樣既軍隊,有人係度揮旗、士氣高漲、又有d 馬既叫聲,見到如此畫面,佢不禁內心high 起來,因為佢終於要做一番大事,開始FF未來

點知突然

埋伏半路既黃巾兵四方八面衝出黎,一切太突然! 官兵冇心理準備,一下子被分截成幾段,陷入混戰

劉備身邊個百幾人,好快就比黃巾兵吞沒,佢亦比三個騎兵丁字形圍係中間,佢拔劍在手、咬牙迎戰,但冇幾下就受左傷,而對面既敵人有增無減。

情急之下,佢諗左一招

詐死唔郁

佢扮傷重不治大叫一聲,翻身落馬,跌落地下郁都唔郁,班兵以為佢死左,所以掉轉頭加入其他戰團

劉備本來受左傷,再加咁樣跌一跌,好撚痛!但唔緊要,佢忍

(下回分解,要番工)
2019-08-24 11:11:12
你會覺得劉備哭出個天下只係你讀書唔夠
2019-08-24 11:12:16
劉備既仁德係漢末三國之中確係數一數二
唔太了解三國就請唔好妄下定論
2019-08-24 13:36:02
咁你覺得劉備既仁德係三國係點?
2019-08-24 13:51:10
糜芳降吳而不非糜竺,黃權投魏而不罪其族
任徐庶投曹
刺客不忍刺殺其
不屠城
攜民渡江
不惜身發兵救孔融、陶謙
2019-08-24 14:06:53
強帖留名
好欣賞古人既貞節,學到好多人生道理
2019-08-25 01:26:14
情急之下,劉備諗左一招

詐死唔郁

佢扮傷重不治大叫一聲,翻身落馬,跌落地下郁都唔郁,班兵以為佢死左,所以掉轉頭加入其他戰團

劉備本來受左傷,再加咁樣跌一跌,好撚痛!但唔緊要,佢忍

一直堅持到天黑,戰場上喊打喊殺聲逐漸消失,戰場上邪雀無聲,屍橫遍野,淨番幾匹無主人既戰馬係度哀嗚

突然!

劉備聽到有人叫自己,仔細一聽下,係自己手下搵佢,佢即刻用盡全力叫,佢班手下先搵到佢而化解危機。


初體驗既經歷令佢真實咁感受到戰爭既殘酷,自此佢買左個教訓變得更小心謹慎。


呢件事上雖然劉備柒左,但從中佢既急中生智同臨危不懼好值得學習,更重要既係佢事前認清若要做大手,必須要穩打穩陣

係事業起步階段,遭受到挫折同打擊絕非壞事

孔子曾經講過:
跌過落係小溝裡面既人係唔會跌落懸崖下面

只要遭受過打擊、比人撥過冷水之後,人先會清醒。

當時呢件事就令劉備清醒唔少,開始冷靜去判斷形勢,以個陣佢所累積既個丁點人脈同資源,想係短時間內獲取突破性既發展,基本上係冇可能,必須穩打穩陣,逐步黎

// 前進既道路充滿艱險,急於求成只會導致極速滅敗、失敗告終
2019-08-25 01:34:24
Lm
2019-08-25 17:46:04
留名
2019-08-25 23:03:01
優勢放大論

緊急情況就似一個放大鏡,放大優點,同時亦會放大缺點。

正所謂:諗得早就做得好!

所以,一d 風險預演一定要提前做,就好似防火演習,定期練習、反覆練習,咁樣一直到熟練,當緊急情況真係發生時,你就會應付自如、唔會瀨屎


睇番劉備

佢係鄒靖既軍隊裡面,屢立戰功,自黃巾之亂後冇幾耐就提拔為安喜尉,走上佢人生中既第一個管理崗位,事業總算起步,考驗亦緊接一個接一個

以後講既三個案例都幾精彩
2019-08-25 23:53:42
由於太精彩,太型棍! 我會打快d
成為安喜尉後考驗案例一:

鞭打督郵

有睇《三國演義》,大家都知張飛打督郵呢個故事。

而實際上根據《三國志》既記載,打督郵個個係一向溫和內斂既劉備

首先為大家解說咩係督郵


督郵係官名黎,始於西漢中朝,郡守屬吏,掌監屬官。即係黎睇檢查你班地方官做野做成點?發現你做野唔太掂既,就上書朝廷淘汰篩走你,原意係想杜絕地方官良莠不齊既情況。

關於督郵,原來大詩人陶淵明都有段因唔願向巡察既督郵折腰而好撚型辭職既故

話說大叔陶淵明41歲個陣,佢最後一次出仕,做左85日既彭澤令。

郡督郵黎縣巡察,縣吏就叫佢應該著得整齊d 好d去恭迎郡督郵大大黎。
陶淵明就嘆息話:「我點能夠為五斗米折腰向鄉里小兒。

好撚型同有骨氣

即日辭職

後來佢寫左驚世巨作《歸去來辭》,裡面講解佢辭職既決心同心情。佢好坦白話打呢份縣令政府工,係為生計所迫;之所以辭職,係因為寧願肚餓,都唔想違背良心去逢迎上司、混跡官場

佢寫既呢篇霸氣hater 文 就成為一篇千古佳作

而劉備當時岩岩做左安喜尉(主管治安既副縣長)冇幾耐,佢就好似陶淵明咁遇到檢查工作既督郵大大

但可惜督郵大大呢份job 好快就演變成收受賄賂,假公濟私既不良風氣。個陣冇靠山、有可能係淘汰list入面既劉備,一收到風,都已經即刻突登同呢位督郵大大溝通一下(準備要折腰,為事業低頭)


仆你個街
(劉備內心os)

估唔撚到呢督郵大大都擺幾大架子,根本冇諗過見佢,直接將佢拒於門外,呢下將劉備內心怒火燃燒

屌你老母
搞埋呢d 仆街歪風邪氣口氣仲咁撚大
(劉備內心os)

於是劉備:

屌督郵大大老母,一野直接衝入去佢住個間客棧,然後綁係樹上面大大力鞭佢二百下,再將個官印掛係佢條頸度,走撚左去

以上呢段故係劉備職業生涯裡面最瀟灑、最撚霸氣既一次
2019-08-26 01:18:53
照道理黎講,劉備個性咁溫和、咁忍得,冇可能咁意氣用事啊!

以下分析原因有三:

1. 督郵大大根本唔會亦冇諗過比機會佢,保唔住份工既成數大,就算保得住,下次或者下下次都未必保得住,甚至身敗名裂既風險,例不如放棄、另起爐灶

2. 佢睇透呢條官場之路既腐敗黑暗,佢決定唔同流合污

3. 佢已經搵左後路,所以冇後顧之憂,出盡力屌尻個仆街


然而,呢個鞭打督郵係劉備職場初期既一次價值觀同領導風格既挑戰



成為別部司馬後考驗案件二

感化刺客講義氣

劉備鞭打完督郵大大,就帶住自己既手下去搵公孫瓚,而公孫瓚都非常讚,佢即刻安排劉備職務。

當時公孫瓚(有圖)正值同袁紹(有圖)展開緊激烈緊張之戰,爭奪河北,等住用人



公孫瓚重溫圖


袁紹


要記住

想人幫你時,你先去幫人

「如果你能為人地付出,人地就會為你付出」
呢個你劉備一世既基本邏輯叫用幫人既方式求人

成全人其實就係幫自己,一切就自然水到渠成!
於是劉備就幫公孫瓚打袁紹,獲得新既工作平台同機遇


公孫瓚比劉備做別部司馬
呢個職位係一個獨立既統兵官,做左呢個位後,積極加入呢場戰鬥,係咁立戰功,好快就擔任平原令,有自己既根據地。

《三國志》上 「試守平原令」,呢個「試」字代表左公孫瓚對於劉備擔任呢個pose 既能力有擔心既成份,不過劉備叻仔黎,用行動證明粉碎公孫瓚呢份擔心係多餘


劉備上任後,做左3件事

1. 外禦寇難
保境安民,抵制來自外部既搶掠,維持一方既平安
2.內豐財施
做好地方經濟發展,改善老百姓生活
3. 聚攏人才
從來唔擺地方官架子,禮賢下士,尊重知識、人才

而且,當時地主、富豪囤積居奇,導致貨幣貶值,餓死者超級多。劉備對外打擊盜賊、土匪,對內施行良政。無論民聚、土子、商人都可以同佢一齊坐底飲茶食飯,不分三六九等。

劉備咁做之後有咩效果?


好多人都黎投靠同歸附劉備

不過呢個局面就有人歡喜,有人愁

劉備係中原地區終於擁有自己第一個根據地,佢係鞭打督郵大大事件中獲得經驗值,到佢做左平原令後,非常豪氣大方宴請賓客、豪傑。一時之間,名聲直線上升,有識之士都即刻投靠佢。



有日,有個人黎劉備屋企赴宴,劉備就一如往常咁待客甚厚,呢個人見佢如此仁義,於是就向佢爆料:


原來!!!


原來呢個人係刺客黎,本來黎到劉備屋企想一野殺尻佢,點知唔知頭唔知路既劉備對佢非常尊重,從同劉備既言談間令佢唔小心做左粉絲,於是就決定要揭露郡民劉平(無圖)呢條仆街既陰謀


劉備知道左之後,比刺客從容而去
亦冇追究處罰劉平既惡意行為,從呢件事可見佢對呢類陰謀早已心裡有數、胸有成竹。

從古至今,凡做大事者必然唔能夠避免有敵人對自己進行刺殺、誣衊等等⋯但好似劉備面對呢d 事件如此從容,確實世間稀有

佢呢種領導風格,無意間感召一個靚仔大英雄加入自己團隊,呢個人就係:

常山趙雲趙子龍(有圖)



雲身長八尺,姿顏雄偉
佢本來跟袁紹,但發現袁紹份人原來咁撚小氣、個心又狹窄,所以就改跟公孫瓚,係公孫瓚旗下時同劉備認識左,後來借兄喪向公孫瓚請辭,同劉備臨別時更一度好撚感性講:「終不背德也

後來後來兩人重遇,劉備以一招

同床共枕

以表示佢對趙雲既無條件信任,受到如此恩寵既趙雲自然對佢忠心耿耿

係治理平原同接納趙雲,代表住劉備通過左團隊管理既考驗,形成左獨特既以仁義情感為核心既領導風格同做事方法
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞