<借鏡劉備> 學習古人謀略與心態，提升自我

我路經誠品見到有本書好吸引我

《劉備零成本公關術》


我比佢既引言吸引

「明明中原正統是曹操、笑到最後是孫權，但為何羅貫中偏選劉備做主角？「

又岩喎！ 咁我即管睇下

我睇左頭幾版，覺得好正！但無奈我冇咩恆心，所以我決定揀d 正既同大家分享，咁我一定好快睇哂

少年時期係人生道路既開始，「零負評」劉備大叔既少年時代就有三件事影響佢既人生


事件一

人係青春年少時，遇到好老師係非常幸運既事。因為老師既價值唔止係傳授知識，更重要係為學生示範一種生活方式同人生態度，在於責任，引導學生學識點做人，走上光明大道。

話說15歲仲係小鮮肉既劉備當時佢請左個好勁抽既人叫 盧植



「身長八尺二寸，音聲如鐘

盧植係東漢末年既年經學家、著名將領，佢為人剛毅，師從大儒馬融，為大儒鄭玄既同門師弟，曾兩次平定九江之亂。黃巾起義時為北中朗將，後因得罪董卓被免官。自此隱居係上谷軍都山，後比袁紹請出師做軍師。

至於佢係個性上點堅法呢？ 以下有個例子：

一、定力超群

盧植投係大儒馬融門下。而馬融既講課日常係佢自己一邊坐係高堂講書，佢後排班國色天香既靚女們就一邊係度唱歌跳舞，，坐前佢前面既學生們大部分都比呢班靚女搞到失哂魂，都唔知佢講乜。


而眾多學生中，佢發現盧植可以係「花花世界」前，仍然做到無動於衷，非常難得！

盧植既言談舉止令佢留下深刻良好印象，後來更將侍講位置比左盧植。


確實做好多野都離唔開專注兩個字，簡單至食飯訓覺好多人都未必做得好。

點解呢？

食飯時唔專心，千般計較好多野搞、對住手機，邊有一分心思係食飯上面；訓覺時又唔好好訓，萬種牽掛諗東諗西，邊有心思係訓覺上。

思維散亂，個心都唔知飛去邊度啦

《大學》一書裡面講到 知止定靜安慮得

知止係起點

定係基礎

有定，先可以有資格接住落講靜安慮得。

所謂定，即係擁有專注力量，具備強大意志力，對抗干擾能力特別強，心神都專注係要做既野上面。

盧植就擁有呢份力量

二、有膽識、不畏強權、敢抗辯

何進為左掌控朝局，決定引西涼董卓入局。

盧植有先見之明，勸告何進董卓呢條咸蟲係個危險人物，無奈何進唔聽。

董卓黎到之後，梗係獨攬大權，仲係朝堂上準備廢皇帝，當時成班大臣冇人夠薑出聲，淨係盧植敢抗議。董卓梗係火到上心口，仲即時罷會，話要殺盧植！

好彩蔡邕班友一齊勸掂董卓，唔好殺佢，免佢官位算。

於是盧植告老還鄉，隱居上谷。


總結盧植：

文武雙全，係個大膽識既大學問家

《後漢書》話： 性格剛毅有大節，成日心懷濟世既志向，不好（唔太岩呢味或唔多掂）辭賦，可以飲到一石既酒

《後漢書》話：通曉古今學，好研精不守章句
（呢個小妹我覺得好型 好有生活態度）


15歲小鮮肉既劉備就咁跟左盧植sir 一年幾既時間，足以影響終身。

事件二

劉備大叔家境貧寒，窮撚一名，資源非常有限，但神奇係佢從來唔缺投資者、支持者，每當佢遇到困難時，總有人出黎撐佢


贊助商主要有：

一、劉元起 （無圖）

偉大既讀書贊助商

劉備既阿叔，就係佢出錢資助劉備跟盧植sir 讀書，偉大既叔叔雖然成日比老婆鬧佢出錢比劉備求學，但佢一直堅信劉備將來一定會做到大事。

二、公孫瓚

初始職業介紹強助攻



遼西土豪，生得靚仔，為人講義氣，又有膽識，係河北一方既諸侯，佢同劉備結為兄弟。

劉備打既第一份政府工，就係佢舉薦既。


三、張世平、蘇雙 （無圖）

戰略、政治情報者、金主

劉備組隊起家既資金，就係呢兩位金主提供。
佢地向地方割據勢力同豪門貴族販賣馬匹，由於長時間周旋係呢d 人身邊，所以對天下局勢有了解，同時見人多過我食飯，亦都天下英雄有見解，睇人準！

佢地係劉備身上課左大量資金，仲話埋比佢知大量戰略同政治局勢情報。

可見劉備非一般人啊！

到底劉備大叔點解咁多人願意幫佢？



劉備， 身長七尺五寸，喜狗馬、音樂、美衣服

佢跟左盧植sir 一年幾，但佢並唔樂於讀書、做學問，而係鍾愛於犬馬、音樂、美衣。

惟呢d 都係廣交朋友既渠道。


劉備有個處世Style

「少語言，善下人，喜怒不形於色，好交結豪俠。」

先講 「善下人」

《論語》：「敏而好學，不恥下問」
呢個「下」解 向學問修養不如自己既人求教

劉備善於同身分、影響力都不如自己既人打成一片，如果套用現代既話即係：

交際手腕好，口碑好、影響力大


其次，喜怒不形於色

即係情緒管理做得好，從來唔係人地面前情緒失控：情緒大起大跌、大喜大悲、拍枱鬧人、睥人、得意忘形⋯⋯

通通都冇

從來都係溫和中正、和顏悅色

人要做到呢d 非常唔易？ （但值得留意，提醒自己）


咩係貴族？

「貴」 上面係「中和」既中，下面係「寶貝」既貝

以「中和」為寶貝。


為人處世一旦失去左「中和」兩個字，言語極端，情緒大起大落，就唔岩領袖人物既標準。
（但我覺得就算唔係目標要成為領袖人物都岩用）


因為劉備做咩事都深沉大氣，有一種風範，於是各路「贊助商」就爭相出現。

呢段我覺得好岩思考既一段，對於個人也好，而家社會也好，所以我獨立一個post ! 打埋我都訓


人同人之間既感情有三個面向：

鍾意 / 唔鍾意

信任 / 唔信任

需要 / 唔需要



有d人好鍾意，但唔信任：
比如穆念慈鍾意楊康，佢好撚非常咁鍾意，但唔信任。


有d人好信任，但唔鍾意：
比如李世民對魏徵，一邊鬧「必殺此田舍翁」，但一邊比獎勵。


有d人好撚需要，但唔鍾意：
比如呂布搶左劉備既根據地，劉備好撚需要曹操幫自己打敗呂布，但劉備從來都冇鍾意過曹操。


今晚完，聽日繼續

多謝支持

LMGCHI

高汁留名

lmlm

其實三國盡歸司馬懿
你提劉備，哭出個天下
只係做到 <厚黑學> 的面皮厚
而黑心腸完全沾不到邊
亦唔想你用到

有啲知識學黎係防止瀨嘢！

Lm學野

多謝你既補充，我確實唔太了解三國

當初因為鍾意玩三國殺，所以買左呢本書 。

劉備係三國殺既技，仁德

而佢本人確實亦沾唔上 亦好同意佢面皮唔止成寸厚，文武都唔多掂，所以對我黎講佢確實幾傳奇


而呢本書亦一定唔會同厚黑學黑心腸沾上邊


本書係好純粹分析由佢一個由草根窮撚、文武都唔多掂既情況下，慢慢成為蜀國之主，同臨老搞信託呢一路黎，劉備值得借鏡既公關技巧+部分三國既人物值得學習特質，歸結出管理或個人層面都適用既point

事件三

桃園結義



講呢事件前，先要講解咩叫朋友？

現代去理解「朋友」為大家有交情，互相友好。

而係古代既角度，原來「朋」同「友」 其實係兩種概念


「朋」係會意字，由兩個代表貝殼錢幣既「月」組成，解「同利者為朋」，大家因利益一致，所以一齊做野走埋一齊，

「友」都係會意字，表示兩隻手互相配合做野，解「同志者為友」，大家志趣相投，心意相合。


劉備大叔有贊助商，佢有「朋」，
但佢更需要志趣相投既「友」
否則佢依舊係寂寞唏噓既大叔

因為：

// 身邊冇人，叫孤單（缺朋），心裏面冇人，叫寂寞（缺友）。

孤單是需要一個人，寂寞是需要一顆心。

有時候，周圍既人越多，你既心願感覺到寂寞，因為缺乏左一個心意相通、志趣相投既人。

係茫茫人海中，知音知己難搵難求，就係呢種感覺！


幸好，個天比佢遇到關羽同張飛。（有圖）



關羽




張飛


「桃園三結義」 史書係冇記載，係小說家羅貫中作既神來之筆，傳遞既概念好好


話說劉備、張飛、關羽平亂黃巾之亂有功，於是係桃園慶完功第二日，三個人就決定結拜。

// 桃園中，三人焚香再拜而說誓曰：

「念劉備、關羽、張飛，雖然異姓，既結為兄弟，則同心協力，救困扶危；上報國家，下安黎庶。不求同年同月同日生，只願同年同月同日死。皇天后土，實鑑此心，背義忘恩，天人共戮！」

劉備係事業岩岩起步個陣，就識到佢地。三個人之間建立既信任同忠誠

忠義
（三國時代既人非常講求忠義兩字，最記得就係一心不能事二主）

係幾咁熱血可貴

呢份情誼，幫助劉備度過無數艱難時刻。

財富唔係最好既朋友，但朋友係最好既財富


「桃園三結義」亦有一個延伸總結

維持友誼既三大因素

一、相似，志同道合
二、互補，資源、性格互補
三、互惠，識得同人分享、理解關懷、同理心


中國古人一句話：

天時不如地利，地利不如人和

小鮮肉時期既劉備就已經占左「人和」

「桃園三結義」既故事亦有另一個想表達既係：

朋友之間真正既對待

古人既智慧不斷強調：

幸福既生活唔係你點過，而係你同邊個一齊過

成功既道路唔係你點走，而係你同邊個一齊走


心理學有個「照鏡子原理。
一個人係照鏡個陣，你對塊鏡做咩動作，鏡裡面既人就做番咩動作。

呢個原理運用係人際關係上，就係你希望人地點對你，你就先點對人。

中國有句話：「捨得捨得，先捨後得」
（我個人幾鍾意中國古人老祖宗既智慧思想，細心睇係好多文化寶藏，但我唔鍾意近代中國）

受教了

我只係拋磚引玉，跟大家學野

仁德與黑心腸係2個極端黎
一陣搞到你多重性格

不過咁，另一個值得學既係 推銷術
當然係睇書自學
目的除了改善表達能力外
也是提防推銷

當然，有一日撈到無得撈要做sales
你就知道實用！