佢靠文攻武嚇, 嚇唔走和理非, 分化唔到勇武, 所以, 下一步係階段性妥協
首先係五大訴求, 會用似是擬非既方案, 五個入面實現兩個, 收唔收貨丫?
五個入面實現三個, 收唔收貨啊? 我成立調查會, 亦放走義士, 條例撤回, 收唔收貨丫?
呢個時候, 一定會有人想收貨, 尤其係年紀偏大既和理非, 猶其係對警察不滿既嗰一班街坊.
佢地未必會明白真普選既意義, 可能仲有人相信政府成立既調查委員會真係可以撥亂反正.
可能會有人相信義士放走左就無事. 其實, 以共產黨既尿性, 每一條佢都唔會實現, 呃住你先,
但想用利益化走我地既支持者, 逐步孤立. 統戰, 就係中共最常見亦最大效既手段.
所以, 我地既五大訴求, 要往前一步進化, 將五大訴求既理念歸一, 就係追求『公義公平公正』.
我地連登仔當然明白五大訴求背後既理念, 但街外人唔明. 仲有好多人會用昔日既準則去睇五大訴求.
我舉個例: 釋放義士, 同獨立調查委員會, 兩個要求係對立. 警察要查, 示威者唔查, 咩道理?
骨子裏大家已經唔相信義士被查係會受到公平審判, 呢樣連登仔好清楚, 但街外人唔清楚.
要同佢地講到明, 政府失信, 信佢唔過.
再舉個例: 你求普選又點? 普選左市民有飯食啊?
答: 你唔普選, 由中央任命既政府, 你點相信佢地既委員會唔會自己人查自己人? 你點相信政府唔會再推送中條例? 只有由市民普選出黎既政府先會順應民意, 由民選出黎既政府先可以獨立調查.
五大訴求, 骨子裏係為左追求更高層次既野, 但淺藍至深藍, 甚至部份淺黃都未必能夠明白.
當去到政府階段性妥協, 佢地好可能會縮沙, 叫我地收貨就算.
所以我地要喺呢件事發生之前, 先講明五大訴求係互為椅角, 是旦少一樣個社會都會崩潰.
敵人已經行前一步, 我地要制敵先機, 先封左對方既進擊之路, 以免階段性分化喺我地之間出現.
文宣組, 拜託了.
