爆旋陀螺BURST ベイブレードバースト (20)

1001 回覆
6 Like 2 Dislike
2019-08-20 20:22:28
超Z系列(個人認為)既Ranking表作參考
2018年8月26日暫時評價
我只講面同底,鐵就唔講啦(大部分人用返神代鐵)

B-104 不敗武神 B 售價$109內
不敗武神係屬攻擊型,Z代將攻擊環標誌性既三翼添加左金屬
重量由天帝約9.幾g>進化至19.5g左右,係神代既兩倍
亦都係Z代系列既System(含金屬),雖然攻擊力好高
但因為重量分佈唔太對稱,即使裝左LevelChip都會唔平衡
Z System除左金屬之外都有高低差既玩法,Vl底屬於高身底盤
Vl就可以H底咁識自由回轉,因為大平底既關係就會貼盤邊狂走
甚至會走得太快插盤邊時再插中間擊爆對手
但因為唔對稱既原因佢持久力都好低,所以只限全攻型使用
(感覺上有小小高手控)
*RB10既綠黑色武神係大約重多0.8g左右,即係突破20g

B-105 阿基里斯(Z勇士) B 售價$109內
阿基里斯係今代主角屬平衡型,外型設計為兩邊金屬劍同金屬盾
第一次以平衡型做主角,而且底盤係可以調教高度(有小小似鋼魂巨蟹)
高度係屬於正常同高身之間,底盤就似初代F底/小小白虎既感覺
中間凸起一點,會企到中間之餘亦都可以受攻擊而暴走
配上LevelChip轉起上黎都算唔錯,三尖八角既外型令佢似攻擊多過似平衡型
不過小弟都幾鍾意用,因為拎黎硬攻幾好玩

B-106 帝王鮫鯊 B- 售價$70內
鮫鯊係防禦型陀螺,外型設計係類似波浪型且含金屬去化解對手攻擊
雖然外觀上係完全對稱,但轉起上黎係『發』得好緊要
即使裝左Chip都係咁,本身配上最重既0鐵,所以重量方面都唔差
常見改裝都係配上O底或者At底,大賽同活動都有唔少朋友會用
可惜小弟對佢無愛,大家有興趣可以開發下

B-110 血腥聖槍 B+ 售價$109內
聖槍係屬攻擊型,黎到第三代終於由迷失兩條鐵龍
惡夢四條鐵龍,進化到血腥有五條鐵龍!*中間金色係膠黎唔係金色鐵
鐵既分佈都係靠外邊,而且今次攻擊環起左四隻角
(個人認為係攻略鎮巨Br既好幫手)
底盤係屬於底重心既Sp底橡膠版(有小小似銀河天馬R2F底)
移動速度比以前快左,當然斜Shoot斬中間既持久型易Burst對手啦
但收到玩家意見話Z槍好似冇以前咁勁,但我用落其實未至於咁差
當然都有唔少聖槍Fans啦,個人認為都值得入手既!

B-111 衝擊末日(RB 10) B 售價$69
末日係屬於持久型,今次係由細佬亂次郎使用
概念同神代相約,改為金屬持久翼(高速時展開,低速時收返埋)
可惜就係個Lock同神代差天共地,冇左神代開始末日有廚既感覺
配上新R Frame,三邊高三邊低既設計用落都唔差
底盤就係神代三叉既Wd底
RB10入面亦都有值得抽既野,就係藍色鎮魂巨神
其次就係紅色聖劍,因為有黑B Frame同常用既At底
再之後就有重小小既黑綠武神同湖水綠既阿基里斯
大家有興趣不妨抽下

B-113 地獄蠑螈 A+ 售價$70內
地獄蠑螈係屬於左回轉既平衡型,攻擊環有轉Mode既設計
有聚集一齊既五刃攻擊Mode,或者係十刃既防禦Mode
左轉之餘仲要攻擊環都有成21g!
而且鐵既分佈係外圍,轉起上黎都幾直
配上Op底,一個不可動球體既防禦Mode,或者底盤偏差既攻擊Mode
(有小小似鋼魂烈風山羊)但實用底卻唔太大
建議都係O/At底半守半攻幾好打
遇上左轉鎮巨Br的話都可以削死佢
情況就好似混沌打神鷹一樣(玩開既朋友會明白)

B-115 天弓力士 B+ 售價$70內
天弓力士係屬於右回轉既持久型,攻擊環會係高轉時因離心力而令兩把弓撐開
低速時會收返埋增加防禦力(似獅王神能力),外觀比較對稱轉起上黎都幾直
配上Et底,外觀上似始源末日既R底盤,不過今次個兜就用上低摩擦素材
加上係低重心,持久力都唔錯
如果要玩既話可以好簡單配上0.Et已經幾好打

B-117 重生鳳凰 A+ 售價$119內
重生鳳凰係屬於右回轉既防禦型,攻擊環因為有兩層所以會要擊爆兩次!
即使第一段外框被擊爆,(飛行道具)繼續留係盤內到對戰完結,如果執起就係犯規
因為本身有兩層已經有一定既重量,所以除左衫之後攻擊環極圓
難以擊爆!而且配上10鐵,重量同0鐵有得匹敵,所以都係受歡迎既鐵之一
Fr底係接觸點(非自由回轉)低摩擦球型加外側係橡膠組成
官方解說大概係中間時因低摩比較襟轉,受到攻擊後用橡膠邊加速反擊(好似係)
常見組合都係配上O/At/Et底等等

B-118 猛噬獵豹 (RB 11) B 售價$69
猛噬獵豹係屬於右回轉既攻擊型,攻擊環會係對戰中升高(有小小似爆裂護靈機關)
可以咬住對手攻擊環作出強力既一擊!(講係咁講)個Lock都係三格高既
配上新外框L Frame,重量暫時比B環仲要高
特性係可以上下都裝到(重心一邊較高一邊較低),不過低重心好易因暴走時磨地炒車
配上淺藍色Ds底盤,都係常用既部件之一
RB11仲有好多吸引既副產品
例如黑惡夢藍血腥紫三叉之外,仲有隻紅色版獵豹,雖然配置唔一樣
但個攻擊環都可以當次獎之一啦
最伏既副產品有:
黃巴哈(得個黃L Frame有用)
白武神(得個面有小小用)
綠鮫鯊(最撚伏,接近冇部件岩用)
都係果句,如果大家新玩又冇咩部件不妨抽下,始終都係特別色黎

B-120 破壞聖劍 A- 售價$109內
破壞聖劍係屬於右回轉既攻擊型,攻擊環有鎖實既普通型態以及解鎖既Buster型態
Buster型態係把大劍會伸出小小增強攻擊力!
可能好奇怪點解聖劍有A?因為今次隻聖劍轉起上黎係對稱唔會太『發』!
真係好感動,以往聖劍係以不對稱做噱頭
今次竟然轉得咁順暢,真係喜出望外!
配上1'(Dash)鐵,係1鐵既強化版之餘仲增重左小小
即使1'鐵唔對稱都唔會令聖劍轉得『發』,所以係3on3選擇部件時又唔洗頭痕啦
新底盤Sw,係Ir既強化版而且係屬於高重心
底盤兩側亦配上金屬小型劍!底盤重量又再提升
鍾意攻擊型既朋友真係好錯過

B-121 超Z三陀螺改造Set 絕對值得入手 售價$199
點解咁講呢?首先配上初代玩家一定識既飛狼銀白!
而且有超Z魔犬,岩岩先係日本扭蛋機出無耐就普通商品化啦!
仲有隻橙色阿基利斯(今次有閃貼架!)
而且阿基利斯內含D Frame,其實係配比破壞聖劍專用!
底盤又包含常用既紅Ds,綠At,仲有小朋友好鍾意用既Br
以前Br得神改Set先有而且賣299,今次199已經可以入手啦~
所以岩岩新玩既朋友可以買左呢套先啊!

B-122 亡靈魔龍 A+? 售價$109內
亡靈魔龍係屬於左回轉既持久型,能力同上代一樣有橡膠係攻擊環
作用係遇上右回轉對手可以低速Shoot而吸收對手既力量轉化為自己轉速
橡膠翼會因高速時要保存回轉力而收起,低速時會展開吸收對手
底盤Ab底有設計同Nt一樣有彈弓,接地時因壓力而收起
甚至會變成平腳,貼盤邊暴走,而且尖腳範圍有隻碟
同R/Et底相約,逆回轉時最後有機會跣贏對手
但對住同轉向時有機會因為Lock唔夠硬而比較難打
整體都係值得入手

B-123 右回轉長繩發射器Set 售價$149內
內附長繩版右回轉發射器,手柄及柄把,而且有阿基里斯Xt底強化部件
Xt+ 可以有三個Mode切換(攻擊防禦持久)
有愛既朋友可以買黎一試

B-124 左回轉長繩發射器Set 售價$149內
內附長繩版左回轉發射器,行山扣及重量穩定器,而且有亡靈魔龍外框強化部件
P Frame,作用係令陀螺臨跌地時因比較圓而比攻擊環先接觸陀螺盤
跣多小小,基本上買左魔龍朋友都會買埋呢套Set

B-125 死亡冥帝 (RB 12) A- 售價$69
死亡冥帝屬於右回轉平衡型,攻擊環係官方自稱最重
而且配有新T Frame,可以向左/向右裝都可以,Z'底有金彈弓唔容易被Busrt
RB12入面仲有其他有用部件,例如蠑螈面/天弓面/獅王入面既Ds'底
都係熱門部件之一,都算值得抽呀

B-127 超Z武神 B+ 售價$109內
超Z武神屬於右回轉攻擊型,其標誌性既三翼代表武神之外
今次仲有覺醒系統,就係當陀螺手既發射力度去到一定程度時
會展開紅色超Z翼,頂住Lock而給予對手強力一擊又唔會輕易被Burst!
Z鐵係鐵同Frame一體化,有V Frame既外觀之外仲有橡膠
可以削弱對手回轉力,增加你Busrt對手既機會(官方話)
Ev底係會隨住你玩既次數磨蝕而進化覺醒,增加移動力!

B-128 超Z改造Set S 售價$349內
超Z改造Set內有超Z巨神!聖盾,末日及聖槍
而且仲有0鐵及Omega鐵極實用部件!
底盤又有Vl',真係超抵入
超Z巨神依舊可以切換左右回轉之外仲有覺醒系統!
可以大膽講句係現役Z代最強攻擊環當之無愧!

B-129 超Z勇士 A- 售價$139內
超Z勇士屬於右回轉平衡型,同初代一樣有劍盾既外型
而且搭戴覺醒系統,發動時藍色劍盾位會展開防爆系統
付予對手強力一擊之餘自己亦防Burst!
00鐵亦都係暫時咁多鐵入面最重果粒,但因個體差會有小小重量分別
一般有24-25g已經可以接受!
Dm底係可以調教高度,適用於唔同既對戰方式,有高有低亦有攻擊同平衡轉換
附有長繩版左右旋風發射器,發射勾已修正可放心使用

B-130 飛空騎士(RB 13) B 售價$69
飛空騎士屬於右回轉持久型,係超Z世代直徑最大既攻擊環
三翼扇葉既設計可以減底空氣阻力(好似係)令持久力上昇
E Frame係呢代RB先有既,設計同騎士攻擊環相約
直徑大之餘又係減底空氣阻力
Et底外觀上似始源末日既R底盤,不過今次個兜就用上低摩擦素材
加上係低重心,持久力都唔錯
2019-08-20 20:22:43
B131 死亡鳳凰 A+ 售價$74
死亡鳳凰屬於右回轉防禦型,係超Z系列最後一隻
設計同重生鳳凰相同,受到攻擊時有機會外框脫落攻擊對手
有機會"Kick"死對手,但最主要就係似DLC咁將死鳳外框裝上重生鳳凰度
成為完美鳳凰(最重Layer約27g)絕對係主流機之一
0 At唔介紹啦,出左太多次

B-132 銀牙白虎(RB 14) 售價$69
大家無睇錯,RB14既大獎係銀牙白虎0.Xt,絕對係90後既回憶之一
不過睇得唔打得,都係收藏啦~~
Z代最後一代RB,對下開放好多特別版顏色陀螺
例如要買野換既紅蓮血腥聖槍及金色不敗武神
打活動先有既邪神傳說巨神及紅蓮Z勇士
仲有當年要1/72買Starter機率先會中既黑色版鎮魂巨神
最後係電盤特別色既Z代日月神

GT系列
B-133 皇牌神龍 B+ 售價$179
皇牌神龍屬右回轉陀螺,本體含有攻擊型皇牌,防禦型岩守及持久型格蘭
三個攻擊環比你互換,以及有斬鐵
St鐵係含有彈弓既四枚刃,反擊時比對手強力既攻擊
Ch底係一個平腳既底盤,但含有金屬!淨係底盤已有14g
所以係高轉時可以發揮重量優勢擊飛對手
最後係修正版既左右輕便以及當年青龍外觀既拉力條(詳情睇上面)

B-134 斬擊武神 B+ 售價$89
斬擊武神屬右回轉攻擊型,繼續係標誌性三隻上段刃
可以強力咁擊飛對手,不過個Layer得兩格Lock
為Pw底而出現既攻擊環,以及有烈鐵
Bl鐵含有三隻翼,高回轉時會伸出黎,增強攻擊力
Pw底有平腳之餘有小小鋸齒,能夠咬盤邊暴走
當力度達一定水平時底盤會縮入去頂住彈弓令到Lock變緊(小小似防爆)

B-135 戰神阿修羅 B- 售價$89
戰神阿修羅屬右回轉防禦型,攻擊環上版六把劍組型既12隻連打刃
抵消對手既攻擊,不過Layer比較鬆..
Hr鐵係同神代既翼龍相似,會一部份膠係自由回轉令到可以卸走對手攻擊
Kp底係球狀既自由回轉橡膠軸,無咁容易跌低之餘亦因磨擦力咬住對戰盤
唔容易被打走

B-139 魔法魔龍 B+? 售價$119
魔法魔龍屬左回轉持久型,攻擊環上有咁多代魔龍最多既橡膠
官方解說係奪走對手回轉力!甚至靜止情況放係盤中間都可以吸收到回轉力
Rs鐵外圍部件能夠自由向右回,但向左就會固定
能夠對右轉對手時更加吸收!
Rs底中間係尖腳而側邊係比較平滑既圓型,去到最後有滑動效果
而且被攻擊時可以重整姿態
*魔龍A1 Base感覺好似實小小
*有機會中金色異色版,市價約$500-600

B-140 宇宙武神 B 烈風天馬 A RB14 售價$74
今次RB14Rare1宇宙武神及Rare2烈風天馬
宇宙Base係分上下兩層,外形圓之外仲減低磨擦增加持久力
11.Et唔解說啦,出左好多次
而Rare2既烈風天馬就真當年鋼鐵戰魂既主角鋼銀河使用既陀螺
屬攻擊型既三枚刃能夠將對手擊飛!而且外型比較圓所以持久力亦都唔錯
因復刻關係,以前係金屬既三翼就轉為膠而且再係攻擊環裡面增加左金屬
重量都有大約19g,日本玩家更研究配上Xt+可贏鳳凰/左回轉等等
有主流機既感覺,所以今次評價都幾高!
*宇宙武神有機會中金色異色版,市價約$350

B-142 審判小丑 A+(只計攻擊力) 售價$89
審判小丑屬右回轉攻擊型,則有兩枚超大橡膠刃攻擊對手
擊中對手時就好似"捨身撞擊"咁,對方受高傷情況下自己都彈飛
官方都解說過係有運氣成份,有機會將廚機一下擊飛/擊爆!
而且內則有小橡膠可以卡住鐵既部分等佢冇咁易爆
配上有塗裝公差鐵,猶如開左覺醒模式一樣!
以攻擊力黎計可算係最高級別
0T不多解釋了,以前哈帝斯都有出過
Tr底設計係外圍組件係對戰時不停回轉,令到底盤變化為尖腳/凸起平腳
令到動態不斷切換,極難觸摸
*有機會中金色異色版,市價約$350-400

B-143 恐懼龍王 B+ RL1 售價$40
以前Random Layer只有扭蛋版而且得日本/台灣有
今次官方將佢設為第一代用盒包裝,而且有編號所以香港能夠入手
恐懼龍王屬左回轉防禦型,機能於神代相似
受到攻擊時會變成圓形,抵擋對手攻擊從而減低被爆機會
不過巴哈既Chip Lock做短左小小..所以裝好多底都會係無Lock既感覺
建議換上魔龍Chip或者『幻』部件,咁樣就會比之前硬
至於RL入面有皇牌武神閃,RB13飛空騎士紅色版,死亡鳳凰綠色版
基本上唔中皇牌武神都無咩伏呢

B-144 雙星聖槍 S-(只計攻擊力) 售價$89
雙星聖槍屬左回轉超攻擊型,其設計超斜攻擊刃及Base含金屬龍令到攻擊力大Up!
聖槍亦都係唔少Fans愛機,Z代設計太差令到無咩人用
反而GT就將佢攻擊力發揮至極致
Dr鐵設計重心較偏重左右,龍形膠位亦可增加攻擊力
Sp'以前迷失聖槍都出過,今次以Dash版登場
漩渦形狀與對戰盤接觸,可令陀螺暴走攻擊

B-145 毒液惡龍 B+ 售價$179
毒液惡龍係首隻重心鐵一體化及左右回轉Chip對應既陀螺,
盒內含右轉毒液攻擊環及左轉滅絕攻擊環
Vn鐵向下伸展的6枚刃使重心向下穩定迴轉,能夠反彈對手的斜向攻擊
Bl底能夠係對戰時分身,令到子機同攻係盤內攻擊對手
(若兩隻陀螺同時Over/Burst Finish,剩子機回轉並不視作勝利,要母機係盤內先計勝利)
而且包含紅黑LR輕便發射器(已修正版)
*主要都係買個Chip,因為一體化後比一般鐵+Chip重2g多?

B-146 閃燃神龍 佳亞青龍 RB16 售價$79
閃燃神龍屬右回轉持久型,攻擊環有6粒金屬球,隨陀螺回轉時向外側移動加強的離心力從而增強持久力
Ar鐵都有4粒金屬球,可以係尾速時減低摩擦力(講係咁講)
RB16同時亦有2002年推出既佳亞青龍聖獸,攻擊環有兩隻巨大自由回轉攻擊刃(佳亞有紫色Ar鐵)
亦都有副產品綠色閃燃阿修羅Base,所以都尚算抵抽
如果唔想抽可以出現時點爆旋一格購買(明打手)
閃燃神龍約160-180,佳亞約150-160(唔包價格浮動)

B-147 劇毒九頭蛇 RL2 B 售價$39
劇毒九頭蛇屬右回轉防禦型攻擊環,外圍獨特的橡膠刃令到對手的攻擊不能傳達至陀螺本體
減低被Burst機會(講係咁講)
而且RL內有上修左既岩守及戰神Base(會Lock得實小小)

B-148 聖殿天馬 B+ 售價$89
聖殿天馬屬右回轉持久型,當攻擊環被回血時會伸出反擊刃
如果對手擊中金色反擊刃,攻擊環將會回復Lock到第一格,令到難以被Burst
10P不解釋了,以前都出過~~
Lw為低重心設計,而且含有自由回轉既金屬部件,增重後能夠維持穩定回轉

B-149 GT改造套裝 S 售價$239
GT改造套裝絕對超值
首先由斬擊神龍包含既Omega底曾經要打App或者香港抽終焉星石先有
今次就終於以平民化登場,有14g既Omega底可以用重量黎玩反擊既配置
之後就係恐懼龍王7W.Om,W環繼超Z改造裝後再次登場,亦都係常用既環之一
0m就係第一季O底既金屬波底版,增加重量之餘粒鐵珠都幾順
最後就恐懼攻擊環雖然係RL1既Rare,但今次配上幻膠!雖然重量比起其他鐵較輕
但幻膠能夠卡住個Lock令到唔容易退Lock防止被擊爆!曾經日本官方活動獎品要2000?左右
呢盒既重點就係帝爵巨神Bl.Dm'啦,GT巨神係唯一可以同一個Base左右回轉切換
攻擊環有巨大橡膠刃以幫助逆向吸收,不過重心鐵就固定左係攻擊環不能夠拆除
雖然只有22g左右,但係攻擊環有一"點"能夠緊緊卡住舊鐵!比覺醒機能更防爆!(真.SSS機)
Bl鐵就係斬擊武神鐵,今次就以黑色翼登場(型好多)
Dm'係超Z勇士既底盤Dash化,今次推出修正左轉Mode時卡唔緊既情況
所以係絕對抵玩!

只作參考,畢竟大家對每隻陀螺改裝同玩法都唔同

當然大家都可以睇我Youtube Channle SIUBIN88
https://www.youtube.com/user/siubin88
雖然好唔專業但都希望比到資訊大家
Thanks

間唔中都有聚會約戰
片段回顧:
https://www.youtube.com/watch?v=sS0lhq2_kyE
https://www.youtube.com/watch?v=SUhS8LJ8up4
https://www.youtube.com/watch?v=_rserDEhgng
https://www.youtube.com/watch?v=x9x2B-yvqX0
https://www.youtube.com/watch?v=CGo8FQnIysM
https://www.youtube.com/watch?v=09epvnVCkIs
https://www.youtube.com/watch?v=rHAIZZQIudM
2019-08-20 23:01:07
LM, 愁巴生日快樂
2019-08-21 00:00:18
愁巴生日快樂呀

btw日本好似有G1, 聽聞有公開賽

唔知會唔會有香港人去玩
2019-08-21 07:33:35
多謝各位
2019-08-21 11:41:08
想問下呢到仲有無人有儲鋼鐵戰魂
有隻未開嘅烈火雙魚 想放/換個隻玄武時計
2019-08-23 16:23:03
有冇巴打放黑主角set入面黑00鐵同金C
2019-08-23 16:30:08
金c咁好襯又實用
2019-08-23 18:40:48

開黎打
2019-08-23 19:00:54
2019-08-23 19:31:14
不打了不打了
落街拖絲打好過
2019-08-23 20:00:39

2019-08-23 20:29:55
唔貼
2019-08-23 20:33:06
貼左好柒
2019-08-23 20:48:42
聽晚我都有巨神隊
2019-08-23 23:21:04
今次b149有d個膠袋會有韓文字
2019-08-24 12:03:18
今晚去唔到
2019-08-24 12:25:25
今晚地址係咩?
2019-08-24 13:21:50
惠荃體育館8-11
2019-08-24 13:22:00
2019-08-24 16:52:48
韓版個電子盤幾錢,香港有冇鋪賣?
2019-08-24 17:47:36
係咪大窩口出會近d
仆街屋企都未返到
2019-08-24 18:25:05
近少少咁
2019-08-24 20:00:13
遊黨鐵河dllm
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞