其實睇你咩要求
spade soLio 啱家庭車 有細路同有老人 上落方便 因為有電趟 ,
二黎空間大。
如果你話成日都係兩個人,咁我覺得jazz polo Swift 會啱d 。
上面 soLio spade 冇乜力,個籠又膠到爆。 如果係多平路揸都冇咩野,但係呢d車係香港,係有個好明顯既缺點。
你知啦又多山又多彎,當你坐滿人上斜 你就知到慘。 地板油都唔去,斜路燈前停 再開車,直頭龜咁慢,的士都咇鳩你。
係香港,扭力係重要d,尤其是低扭,swift ,polo 有 turbo, 係香港係著數d,起碼斜路起步會爽d 。
你買新車 有保養 ,頭幾年一定有咩問題,如果係 polo 過左幾年 正常會多d濕星野整。 如果考慮埋二手價,咁 jazz 就好保值。
我個人會揀 jazz 。樣幾靚,空間大,內籠都唔差,又有撥片玩下,維修保養都簡單,又有二手價。 缺點就係 CVT 波箱,無段變速,但無可否認CVT 波箱係唔影壞同保養簡單。
利申 我係 Honda fans,唔鐘意勿屌