大家唔好再標籤自己係「和理非」或者「勇武」

雖然連登唔少人講過，但都要講多次。

真心唔好再標籤自己係「和理非」或者「勇武」，根本就唔係mutually exclusive。睇咗telegram啲公海成晚，大家開始變得好敏感，將意見講到兩個extreme，和理非屌勇武衝動累事失民心，勇武又屌返和理非係分化撚。

其實咁多自發嘅行動，一定有啲行動好有爭議性。現場環境瞬息萬變，現場前線同冷氣軍師接收到嘅資訊又有機會完全唔同。你可以話「耳聞是虛，眼觀為實」，亦都可以話「當局者迷，旁觀者清」，對錯真係好難一句講得清。激烈辯論係自然會發生嘅事，咁係證明咗我地陣營嘅人都有獨立思考。你幾時見過藍絲識得互相檢討？每次行動都有激烈辯論係好事黎架！！！覺得要使用武力與否，就主動解釋一下好處，去說服大家，而唔係一唔認同對方，就即刻屌勇武衝動累事、失民心、騎劫行動、係鬼，或者屌和理非係分化撚、散水撚。一黎第一句就屌，邊個都唔想再聽落去啦。大家辯論後，會接受返對方，最後識得和解，先係真正嘅不分化、不割蓆。

「勇武」、「和理非」從來都唔係二元對立，非此即彼。我地唔係藍絲，諗野千其唔好犯咗「假兩難」嘅謬誤。邏輯學上，A嘅對立只會係not A，而唔係B。例如：黃(yellow)嘅對立係「非黃」(not yellow)，而唔係藍(blue)。左(left)嘅對立係「非左」(not left)，而唔係右(right)。男人(male)嘅對立係「非男人」(not male)，而唔係女人(female)。勇武嘅對立係「不勇武」，和理非嘅對立係「不和理非」；但勇武、和理非兩者係non-mutually exclusive event，並非互相矛盾。

淨係講機場嘅行動，都可以分到好多類人：
(1) 有冇靜坐？
(2) 有冇同遊客解釋？
(3) 有冇派文宣？
(4) 有人挑機，會唔會加入罵戰？
(5) 阻唔阻離境閘口？
(6) 認唔認同死守機場？
(7) 認唔認同舉美國國旗？
(8) 認唔認同毆打敵人？
(9) 認唔認同用塑帶綁住佢？
(10) 認唔認同唔俾佢走？
(11) 認唔認同搜查佢個人物品？
……如此類推。

每個人對每條問題嘅立場都唔同，你諗到n條呢啲Yes/No question，就會有2^n個唔同嘅combination，成千上萬種立場。根本就唔係只係得勇武、和理非兩種人。假設我支持用塑帶綁住鬼唔俾佢走，但我唔認同打佢，咁我究竟算唔算叫做勇武？又或者我淨係坐咗係到阻住離境閘口，冇份打公安，理論上我冇用任何武力，咁我又算唔算「和理非」？

再分細啲啦，和、理、非、勇、武，五隻字都代表緊唔同意思：和平、理性、非暴力、勇猛、以武制暴。你想點分解再重組都得。「和勇」、「理非武」、「和理武」，甚至進化做「勇武和理非」，形態多到你數唔哂。BE WATER，水都有液體、固體、氣體啦，點解大家覺得每次行動，自己只可以屬於其中一個陣營？

呢種二元對立然後互屌嘅局面，就係分化、割蓆、篤灰嘅幕後黑手。想嬴，一定要改變二元對立嘅思考方式。連勇武同和理非之間界線都break唔到嘅話，唔好同人講自己係water。正確態度係大家都要覺得自己係「勇武和理非」，然後係唔同行動之間可以隨意改變形態。

最後講多次：不分化，不割蓆，不標籤
Fight for Freedom, Stand with Hong Kong

講得好啱多謝你推爆你

根本大家搭埋同一條船
唔需要分和理非定勇武
亦唔需要每次都不斷強調唔割
講唔割 就好似仲有割呢一個選擇咁
事實係無啊 我地只可以一齊上一齊落

不要分得那麼細

講得好好！
大家都係同一個見標
互相補足

其實大家都係真香港人

推

thx 終於
我自己就係2邊都得嘅人
唔希望大家標榜咗勇武就一定係衝動，和理非就一定係懦弱。
總之大家各種形態，睇現場需要變身

不要說「和理非」、「勇武」
試下講「和理非行動」、「勇武行動」
兩者唔係二元對立
大家隨時自發，任意走位，唔需要限死自己

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
係咪覺得太多post太亂？我地整左個策略、行動、文宣方向精華


https://lihkg.com/thread/1472357/page/1
包括行動方向、文宣方向、檢討、戰術等等

推呀

推

i push you

無符號化，希望818，黎個和平理性既遊行，大家可以著出街衫，無口罩無頭盔，以市民姿態，去表面支持任何行動，令警察既執法失去正當性

和理勇

推

Agger

認同

推

樓主講得好啱！呢啲標籤係有流動性嘅，無謂分得咁清

勇武行先死先 仲要比人話係鬼累街坊，同埋真係無聽過話割和理非，只有和利非話割

香港地，做和利非好易，做勇武好難，得罪講句勇武珍貴過和理非 10 倍

利申：支持勇武，支持各有各做

名就算拉，你做到心裡面唔分先算，好過得把口得個名