[突發] 原來大家要死咬住721 先有機會嬴 ! ! !

我發現，林鄭月娥越來越深不可測：作為一個特首，失蹤多日已經夠怪，一蒲頭就開記招，卻全部是廢話，令大家摸不着頭腦。她到底想浪費你的data，抑或消耗記者精力呢？沒有人知道。這天跟X先生吃飯，乘機向他請教：「到底林鄭想點收科？」X先生是一位非常熟悉政府方針和內部運作的人，以下是他的看法。

「點收科？等政府個劇本寫好，咪可以收科囉。」什麼劇本？X先生笑一笑，答道：「政府咁多年嘅思路，完全冇變，今次亦唔例外。點解林鄭咩都唔應承你呢？因為未傾掂數，個劇本唔完整，自然唔可以攞出嚟見人……」見他欲言又止，我只好繼續問，跟誰講數？

幾經追問，他終於透露：「有兩方面，第一係721元朗白衣人。呢晚發生嘅事，連撐警藍絲都動搖埋，係政府嘅死穴。你諗吓香港大部分人最重視係乜嘢？自由、和平、安全，好簡單之嘛。721話畀全世界知，原來警察可以唔做嘢，甚至同黑社會合作，然後政府又可以顛倒是非，咁即係話香港好唔安全。唔安全，你就連着咩色衫都要驚，何來自由？

「721好重要，但近排發生太多事，輿論開始失焦。當晚嘅事，根本已經推冧晒政府之前所有文宣。之前政府宣傳，話修訂《逃犯條例》，普通市民唔使驚，因為有特區政府把關，又話你唔犯法就冇事，但721已經一大巴打咗落政府塊面。冇犯法嘅市民，甚至冇遊行嘅市民，一樣可以無差別咁畀人打，警察亦擺明唔理，邊個話政府會把關？邊個話行得正企得正就冇事？事實擺在眼前，政府冇得兜。只要全世界日日提住721，記者次次追問警方調查進度，輿論咬實唔放，林鄭就冇可能翻身。

「今次同2014年好唔同，當年警察只係唔清場，由得市民對佔領者反感，所以你冇咩咬得佢入。但今年警察犯嘅錯太大啦，只要你對準死穴係咁打，政府最後就要讓步。如果想堵塞呢個死穴，就一定要元朗地方勢力交人，呢個就係未傾掂數嘅地方。交幾多人，交咩人，告咩罪，有幾多好處……你估一兩個禮拜傾得完？傾唔完，咪要拖囉！」

我問：「咁獨立調查委員會有冇希望？」X先生說：「呢個就係劇本第二個未完善嘅位。獨立調查委員會，係社會最大公約數，有冇用唔好講，但政府要做，都先要解決人選問題。北京冇反對你搞獨立調查委員會，不過唔代表佢冇底線。近十幾年中聯辦對警隊有好大影響力，會唔會查到啲敏感資料呢？政府搵明顯係建制派嘅人查，係廢嘅，但稍有公信力嘅人，又肯唔肯妥協呢？呢度又係未傾掂數。樣樣都傾唔掂，林鄭可以應承你乜？」

政府一味拖，呢段時間示威者有咩要注意？他說：「政府知香港人怕暴力怕亂，又金魚記憶，齋拖已經成功一半㗎啦。只要打多幾次大交，大家就唔知道邊個啱邊個錯，最後示威者嘅支持就慢慢流失。依家連黑社會都出埋，呢班人冇道德底線，開片係其次，最陰毒係佢可以冒充示威者，抹黑年輕人……」X先生說的抹黑方法，我不便公開，但不難猜到。相比起黑警明刀明槍，更可怕的是黑社會陰招。我現在早一步寫出來，希望將來一般市民評論示威者時，務必運用批判思考，想想是否有人在「移屍嫁禍」。

有什麼是抗爭者可做，但還未做的事？X先生說：「第一，我講多次，就係日日打721呢個死穴，因為林鄭同警方依家完全冇得拆。第二，將民建聯同黑警綑綁，要佢哋永不分離。中央撐警，建制派一定要歸隊，冇可能割席。好多人冇留意到北京撐警，其實係一把雙刃劍，好處係穩定軍心，防止警察叛變，壞處係會累死建制派。大家點解唔日日問吓民建聯啲區議員同立法會議員，『你撐唔撐警』、『覺唔覺得警察濫用暴力』呢？記住問是非題，一係yes，一係no，咪畀位佢遊花園呀。」

結論：和理非行動可以升級，前線要慎防陰招，公眾須有心理準備，前線或受抹黑，勿魯莽判斷。只有大家不分化，抗爭才有望成功。


開始要洗自己個腦 發夢都要提住721
721 721 721

推

推

推

Posh

將黑社會同黑警民賤聯政府一齊拖落水

721

元朗721至今無人被落案起訴一定要煲大佢
每次都高調拉人低調放人
可能真係有人會以為已經拉左班白衫佬

Push

不嬲都係

黑警已經教過大家，要聚焦落一點，同埋係最黑暗一點，先可以著火

一直都記得721

我有野講 721 721 721

啱啊
727 728本來就係想放大721 但最後都係起衝突....

反黑抗暴警！
推

我有野講 721 721 721

push

推

用以下內容代替push:



721元朗恐襲第22日
警黑合作
無人落charge
無警停職

無忘721
記者請日日問

推

推

係拉左呀 不過未有起訴
成班保釋左番元朗汁牛屎 乜事都無
但義士就一捉 48小時內就暴動

721