多謝巴打肯為呢場運動諗多步，做多步。但我認為巴打係態度正確，方向錯誤。
法庭不會受聯署影響。警察今次有幾濫權，又或者話警察平時有幾濫開權，一眾法官一定非常清楚。問題只係個別案件入面有幾強嘅證據去證明警察是否有濫權問題，同埋佢地嘅濫權對於案件有咩影響。
我認為聯署只會令活動失焦。聯署係make noise 但唔係散播資訊嘅方法。係一個迫使人做野，以唔係說服其他人加入你嘅方法。換句話說，平時信警察或對警察做野有信心，又或者係認為警察因為今次事態嚴重，濫權亦無所謂嘅人，唔會因為聯署以加入你。調番轉，佢地只會，又或者只需要做番一個撐警聯署，咁呢個聯署嘅作用即可以抵消。
所以，要做，就應該繼續以更多文宣，多方面揭露警暴問題，令更多人成為我地嘅盟友。
多謝巴打，因為我個想法係聯署簽名果陣，係一邊係旁邊講解，播片講述黑警濫權濫捕，同時做埋文宣，當然係IDEAL CASE，唔知有無人力物力做到。
