想分享小小同深藍父母對話既心得

彪標嫖 2019-08-10 00:42:49

近呢幾日大家發現文宣做唔夠，重新提出番文宣既重要性
小弟想分享下自己同深藍親戚既對話，到呢一個星期，食飯個陣終於見到佢地有小小轉態或者叫做願意睇多小小對方既意見/立場 ; 分享完比身邊後，都有朋友同我講佢地兩老都開始轉態所以想開心share

呢到有小小既想法同大家分享

1. 當父母睇CCTVB有偉論個陣，主動坐埋去聽佢講先唔好反駁聽佢講哂，比佢諗到咩就講。切記要心平氣和，明白大家一定會嬲想即刻屌柒佢地，但要先冷靜。各位巴絲打可以用藉呢個機會黎訓練大家對呢場社運既了解令到自己說服人地個陣更加有自信等。因為佢地係你父母唔會真係想斬死你，當然我知有D巴絲既父母係真係好激進咁呢D情況可能就唔work 要再諗

2. 當大家好難得可以忍受到父母既偉論，你就可以同佢地講講哂啦麻? 咁我都有D野想講，記住，中間一定唔好打斷父母佢諗到咩都比佢講哂佢，然後再分享你既想法，先唔好反駁佢地住以分享為主例如要不是政府...我會買唔起樓之類著重分享自身而唔係反駁 (通常你聽哂先唔會一開波就屌柒佢父母或者對方都會願意聽多小小呢小小已經好重要)

3.分享完好多父母都會屌後生仔唔捱得老豆個陣點點點我眼見就係事實你比人洗哂腦之類，呢個時候一樣要平心靜氣最重要講野慢D，一點一點講，中間佢想駁你個陣你可以講 : 阿仔我一開始都靜靜地聽哂老豆你講既野先你地係我父母都想你地聽下我講下溫情牌大部份時間都有用。

逐一反駁完之後，父母又會有一番理論 (可能你係會覺得極之on9) ，你可以主動提出我都好想了解老豆/老母既想法到底有冇咩實際既原因相/影片去令到佢地有呢D想法，記住佢地比咩唔合理既都要睇哂。跟住就到你既回合，你可以講阿仔已經睇哂你相信既野咁你地都要睇下阿仔相信既野 (溫情牌好重要) ，文宣出動，佢地比5張相，你地就比50張相+片，記住唔好即刻就強硬語氣叫佢地相信; 你就話想你地都睇下我睇到既世界係點，唔係要你地而家相信

如果佢地仍然唔信唔緊要，不停loop，keep住做(例如我每次食飯有機會都會傾，番到公司食早餐個陣都狂share下文宣比佢地睇佢地覆咩都唔好理面對面先再討論)，同大家連日黎咩分化打壓冷處理都要堅持一樣，要改變人先嘗試改變父母開始

P.S 因為我成功令到極之深藍既兩老開始睇下蘋果/立場，或者佢地呢一刻都唔係好信得哂但態度好明顯改變左好多已經足夠

TLDR : 嘗試靜心聽哂父母先切記中途反駁，溫情牌，堅持 ; 當然有D CASE好極端唔岩用就笑下屌完就算

記住屌我要用不推文回覆!!覺得有用先推

光復香港!
時代革命!

彪標嫖 2019-08-10 00:43:03

自推唔知幾多次