8月5日天水圍79位被捕人士 天水圍警署到新屋嶺扣留中心的38小時

大家好，我哋係8月5日係天水圍警署外被捕嘅79位人士。
或者大家都可能已經睇過一啲有關我哋被捕期間所受到不合理對待嘅文章，係呢到我地想講多少少。

而以下兩個post嘅內容都係事實，但我哋希望大家可以更加了解我哋係被捕期間到底發生乜事，所以決定開post。

［推上民間記者會］希望講返8月5號天水圍濫捕事件，以及之後不合理地釋放被捕者
https://lih.kg/1429499

8月5日天水圍79名被捕人士䆁放被故意刁難
https://lih.kg/1428748

我哋最主要想同大家講幾樣重點:
1. 被拘留的38小時內完全無機會打到電話
2. 即使多次要求睇醫生都被無理拒絕
3. 保䆁時程序不清不楚，更被故意刁難
4. 多次被警員不禮貌對待及挑釁


首先講下我哋係天水圍警署被捕，但最後被警方送往新屋嶺拘留中心。而新屋嶺拘留中心其實主要係處理非法入境者。
警方對於送我地入新屋嶺嘅解釋係「因為天水圍警署好危險，所以就送我地入去。」
亦有警員講「新屋嶺係邊境地方，你哋班手足都走唔到入去扔石仔咖啦。」
更有警員以恐嚇嘅語氣講「帶你哋返大陸啊！」

係天水圍警署拘留期間，我地79人分別被送往兩個地方等待警方處理。
當時有唔少人主動提出過「想打電話搵律師」，而得到警方嘅回覆係上頭未批准。
當有律師到達，警方以「我哋人數太多，唔知邊個見咩律師。」「出面太多tear gas，所以我哋都唔敢放啲律師入黎。」所以我哋起碼坐咗三至四小時以上先開始陸續有得接見律師。但有人係直到去新屋嶺保釋前一刻先有律師接見到佢。

當時亦都不少人士被噴大量胡椒噴霧而感到不適，有人出現皮膚過敏反應，我哋向警方要求沖洗不適嘅地方。但我哋得到嘅回應係「冇咁快比到水你地沖啊，因為狗屋啲嘢被扔爛哂。」「出咗嚟就預咗有代價咖啦。」
甚至有人被拘捕嘅時候已經有抽筋，痙攣跡象出現，而提出需要睇醫生，但警員（50692）以該被捕人士唔清醒為理由，而拒絕其申請，叫佢清醒啲先call白車。
每次有人要求睇醫生，都只係會話安排緊。而警方為我哋處理傷口嘅方式非常求其，急救警員並沒有為傷者消毒傷口而直接包紮，最終令到被捕者兩處傷口都發炎 。

此外，我哋亦都受到不少嘅言語上嘅攻擊。
例如：「你收咗幾多錢出嚟？出面有人八嚿有人一叉嘢兩叉嘢都有。」「屌你老母閪咁撚細個真係唔撚死都無用。」「反省下啦你哋，以為自己咁做真係好偉大啊？做人要自私啲。」
亦有警員稱呼我哋為「曱甴」，有白衫女警話「你睇下佢哋好似曱甴咁散開晒，我最鍾意睇呢啲畫面。」
係新屋嶺拘留中心期間，警員不停用「條女」形容我哋：「就係呢條女，睇住條女。」亦以「一隻隻」「犯」稱呼我哋：「比三隻你帶先」「有犯到咗」「帶呢個犯入倉」
有警員亦不停洗白，話我哋啲口號文宣做得好，洗到我哋腦。之後又話出面一班示威者攞咗和理非嘅光環，我哋係被人利用。
有人被帶入警署嗰時，有義工問名同身份證，但有防暴警察話「驚就唔好出啦，又要驚又要出。」然後推我哋入警署。
警方不斷以「友善」嘅態度同我哋傾計，例如「話想了解依家啲年青人，之後問我哋出咗嚟幾多次」「之後又話大家齊傾下，討論一下反送中」但實際上嘅原因，我諗大家都好清楚，就係想chok我哋料。

但成個被捕38小時期間最令我哋氣憤嘅係，警方一直以不同嘅理由推搪唔比我哋打電話比家屬。警方一直以我哋未完成落口供嘅程序，所以唔可以打電話。
但當我哋79人完全哂所有程序之後，有警員話可以打電話，但佢哋只得一個電話提供比我哋79人使用。
當我哋填完致電比家屬嘅表之後，大約過咗一至兩個鐘，去到8月6日晚上6點左右就有警員通知我哋可以保釋。當時個位警員話「如果想加快處理保釋，咁就唔好打電話啦好冇？」咁當下大家都應承咗唔打電話。結果保釋程序處理到去8月7日凌晨12點都未有任何回音，所以我哋去到最後都從未打過電話比親戚朋友。

至於保釋手續個方面，我哋男女倉都分別係8月6日中午5點至7點已收到通知可以處理保釋。而保釋金方面，一位CID警員通知我哋可以倉內全部人自己夾錢保釋即走，如果唔係就需要打電話通知親屬交錢。然後保釋金亦由原本通知嘅1000蚊改為500蚊。而當時我哋已經同警方確認係全部夠錢可以自行保釋。
但時間去到接近凌晨12點嘅時候，忽然有警員話有家屬嚟到新屋嶺拎錢比我哋，亦有人需要接見律師，當時我哋覺得相當奇怪。事後發現，律師團隊一早係中午12點至5點到達拘留中心，但警方一直拖延時間唔比律師接見我哋。而且警方亦未有通知律師，「我哋嘅保釋金由1000蚊改為500蚊同埋我哋全部人已經夠錢可以自行保釋」，導致律師聯絡我哋親屬時，變成「誤導」我哋親屬，但實際上，律師們根本不知情。

推

推

推

推

會唔會考慮上民間記者會

推

推推

何式凝呢條甲級戰犯真係唔死都無用

推

推

推到黑警仆街死

屌，估撚到實有仆街野

Fuck The PoPo我屌你老母

推

樓主真係要考慮下

屌你老母 死黑警

辛苦你地 我地一定要全部記錄低他朝一併清算