[機場真係好緊要] Trump: 美墨圍牆核彈都唔撤，至多攬炒。發生左呢件事後當日即跪低

我係P牌 · 2019-08-08T16:04:18+08:00

絕對唔係標題黨，我想簡單同大家講下今年年頭，美國有史以黎持續最耐既政府停擺事件。 Trump想起美墨邊境圍牆，然後叫墨西哥找數，大家都聽過啦，因為佢捆綁埋政預算案，民主黨話唔撤回就攬炒，結果造成美國史上最耐既 government shut down。（題外話：港共都成日用呢招將花式洗錢綁埋d民生野一齊過，泛民一拉布、港共就屌佢拖住民生）停擺期間，新聞通常只會見到美國國會點蠟燭開會呀，政府部門唔開個類，不過好多時冇講係重要部門要繼續開，不過冇人工（唔一定會事後補番人工，需事後經國會通過，當然每次都會過啦），美國人一向冇儲錢習慣，突然斷糧斷個幾月，有d人窮到就算唔交租供樓，都冇錢入油返工，冇錢開飯。其中兩個重要政府部門分別係機場安檢(TSA)，同機場控制塔人員，先講前者，好多人真係冇錢入油渣車返機場返工，初初就渣uber（美國市郊地區，uber一半接既單都係去機場）順便返工，好快就發現不如直接請病假，射波全日渣uber幫補家計。機場安檢服務對象只係一般市民，姐係搭唔到私人飛機既窮撚。對Trump同佢d 有錢佬朋友/金主黎講，who fucking cares ，所以由12月22號停擺日開始，全美國大部份機場安檢需時越黎越耐，不過Trump企硬，次次同民主黨見面都講到明：圍牆核彈都唔撤，至多其他野讓步。頭先講過呢d重要部門其實係做緊義工，之後未必會補水，又或者可能只會補你返工個d日子，請病假事假唔補。到左1月10號，國會通過左補水法案（Trump 16號簽署生效），姐係話，而家d重要部門員工可以大條道理射波，因為講到明點射都有糧出，咁大家各大部門開始越射越狼死啦。到左1月25號，射波風終於吹到紐約LaGuardia機場既控制塔人員度，個日朝早因為控制搭唔夠人，機管局(FAA)宣怖機場暫停運作，直至夠人返工為止。個個紐約既私人飛機，包括著名既Trump 757 私人飛機，都係泊哂係個度，咁Trump既金主/好友們梗係即刻咋哂形啦，即刻打俾總統屌佢老母，當日中午，Trump就宣怖批三個星期臨時撥款，結束呢次史上耐既美國政府停擺。故事話你知，幾十個機場控制塔人員射波，足夠令美國總統幾小時內跪低，仲嚴重過你成間航空公司罷工。當然，任何部門罷工都有佢作用，不過只係呢個部門特別緊要姐。提提你，三罷個日， 1/3控制塔人員請左病假（香港控制搭人員唔俾罷工，不過可以射波）： https://lihkg.com/thread/1407694/page/1 大家可以諗下，有邊日有d重要人物黎港，黎多次機場大罷工，記住要係個日既唯一活動，其他示威集會當日必須讓路。 Source: https://en.wikipedia.org/wiki/2018%E2%80%9319_United_States_federal_government_shutdown