雖然我係P牌仔
但係我都想大家聽我講一次
今日下晝三點我希望手足們千萬唔好去北角迎戰
相信心水清嘅巴絲們都已經好清楚
尋晚北角事件根本係按照曬軍政府同支聯辦嘅劇本行
劇本如下:
1.
支聯辦先搵人喺啲福建佬we7谷放風
話示威者入夜之後要黎討伐福建人
利用福建人嘅團結煽動佢哋吹定雞
2.
入夜之後拉人去北角警署
引示威者去北角救人
造成示威者大舉進攻北角嘅假象
3.
喺各大平台放風表示北角集結嘅福建佬出黎準備打人
將去緊北角警署嘅手足引過去英皇道嗰邊
務求製造北角福建人同示威者正面交鋒嘅情況
4.
利用尋晚嘅衝突事件
繼續喺福建人身上加鹽加醋
鼓吹佢哋叫更多嘅人落黎保護自己同胞
5.(有可能即將發生)
示威者收到風北角有大量福建幫集結
為左保護北角嘅手足同街坊
一時衝動落曬去北角迎戰
6.(100/100bad end)
不論誰勝誰敗
成功勾起本來只關心生計嘅福建人同本無意對付福建人嘅示威者嘅矛盾
完成拉一派打一派嘅計畫
造成民眾打民眾嘅局面
令示威者接下來嘅運動增加左不必要嘅阻力
我係一個福建人
我喺一個福建人嘅家庭長大
但係我更加係一個香港人
喺香港出世 喺香港大
今次嘅運動令我兩兄弟同深紅老豆嘅關係完全撕裂左
但係我冇後悔過做一個深黃
我只想大家唔好再流不必要流嘅血
有朝一日
可以大家大家齊齊整整
喺煲底除曬啲gear相見相擁
慶祝我地抗爭勝利
所以
大家可以聽小弟講
陣間千祈唔好去北角迎戰嗎?
唔好比港虎同支共奸計得逞
等班福建佬吹曬雞黎到一個黑衫人都冇
等佢哋知道原來冇人諗住攻擊佢哋
比一個思考嘅機會佢哋
好嗎?
佢哋普遍知識水平低
脾氣暴躁
如果佢哋出到黎真係見到有手足出現
佢哋就會放棄思考
當曬所有示威者係敵人架喇
佢哋大多數都只係只重視生計
唔係好理政治
只要今次知道自己原來俾人利用左
做左人地嘅棋子
以後就唔會隨便出黎架喇
我地冇必要中計同佢哋樹敵
手足們陣間千祈唔好落北角呀!