我係天水圍少女本人
啱啱喺狗屋保釋完出黎
當然手腳係有擦損瘀傷少少流血 但個人都係平安嘅
不用擔心我沒有被女女女
因為連續夢遊左幾日無晒長褲著唯有著條長裙出黎
搞到走光真係唔好意思既令手足擔心又損害了各位眼睛
我之後都會著返長褲架啦
至於有無拉埋底褲呢
因為當時實在太混亂連本人都fact check唔到
當時係一堆男防暴禁實左我
亦聽到無限句「臭雞」「八婆」「啱啱屌得好撚開心啦」
同時亦被強行除口罩、甩左頂cap帽
我叫左好多聲「女警」「記者」
然後就被一堆防暴叫我「嗌乜撚野」再加上扯我頭髮
有男防暴大叫「女警」
但班防暴包到咁樣係咪真係女我唔撚知
我無辦法企起身就被拖行近一條馬路
期間不停大叫「我條裙呀」
直到過左馬路先有女警接手
我講左好多次「我起身行」先批准俾我企起身行
入狗屋好窄嘅門口時亦將我推跌落地
有at least 5隻狗禁低我 有男有女
入到狗屋我非常合作我無野講我無野講我無野講
然後有戰友幫我搵律師協助
6:30am我就保釋左出黎
慶幸家人一直非常支持體諒我
可能我心臟比較強大
我知道新聞畫面一定非常不堪入目
亦知道有風雨蘭聯絡左我
睇左新聞 喺連登追左post
我無流一滴眼淚 無情緒激動
反而追post一看 好多手足比我更激動更憤怒
感激素未謀面嘅手足會如此心疼小弟
明白各位手足憤怒心痛之情
但我好希望各位盡量保持冷靜唔好衝動
亦求求大家珍惜自己寶貴生命
對我而言今次嘅事真係無咩大不了
但係我眼見勇武手足受傷被捕
烈士犧牲自己生命死諫
係我內心最傷最痛
我唔希望再損失任何一個手足
我地仲要等到成功嘅一日
所有人喺煲底除低口罩相見
到左嗰日 各位手足俾一個free hug我好嗎？
Btw. 我唔介意手足用我嘅事件做文宣
如果我嘅事可以引起世界更大迴響我會老懷安慰
不過希望打下格仔唔好起我底啦
兄弟爬山各有各做
辛苦晒所有文宣手足
對唔住我現時要休息一下暫時出唔到黎罷工
我好想出黎感謝每位手足嘅努力 辛苦你們了
仲有天水圍13:00狗屋聲援小弟嘅集會
感激所有天水圍國嘅手足
我唔會再因為自己住天水圍而恥與為伍
天水圍係我值得自豪的家
當本應解決問題的人選擇冷待，反而熱衷於將香港的命運放上賭桌作政治豪賭，我們需要的，不是以自己寶貴的生命和他們對賭，而是在苦難中煉成堅毅與盼望。
我衷心祈求每個香港人都能夠平安渡過這個歷史關口。
－ 梁天琦致香港人的信
光復香港 時代革命
