繼丁利華、張善鵬後，我是進入西貢結界的第三人

嗰把聲究竟係幫你定

就好似Youtube極醜惡果把聲係度跟你唸
本身起雞皮，睇到笑出聲

lm

LM

有幾段字黑鳩咗

樓主係未又入返結界

係夢入面，呢件事好似仲未完

我夢見到好多好多野，我見到自己跌左入一個彩色既隧道，隧道盡頭係一點白光，感覺就好似係水上樂園玩緊滑梯，然後就開始有畫面見到，由細去到大既畫面，先有係呀媽個肚、然後出世、幼稚園、小學、中學、大學……呢種人生階段既過程我見到唔同既人走埋黎同我講野，有好黑人憎既老師、有過左身左既親戚、有比我整蠱過既同學、有過左去既情人…… 而我係講唔到野，有野想講係講唔到，淨係忍約聽到佢地講野；講乜野已經唔太記得，而且仲有過去既情境比你見到，你又係好想去改變或者經歷多次。

但係你只能夠見到，乜都做唔到，果種感覺令你不自覺咁流眼淚，好黯然好銷魂。美好的你好想經歷多次；食你一生覺得最好食既野、同你最鐘意既人一齊、同屋企人好溫馨既時候，後悔既野你好想去改變；錯失左既感情、講左唔衝口而出既說話、做左傷害人既事…… 呢一切都令自己無力感好重，我直頭覺得睇番呢一段片段係一種折磨。

係隧道既中途我不停咁喊，到最尾我已經無留意其他片段。而係呢個時候，條隧道開始變灰變黑，突然間我比一股力量抽左上去，成個環境都係黑色，而我有知覺既時候已經跪左係度。

而當時個畫面，我直頭覺得係包公審案一樣，我跪左係中間，四大怒目金剛企係我旁邊，佢地有成幾層樓咁高；中間就坐左個好似鍾馗著官服既人，講一d我聽唔明既語言，但係都係無聲，情況係電視教左靜音一樣，佢眼神係非常凌厲，大概都估到係審判緊我有咩罪狀咁樣。

唔知你地有無見過怒目金剛，佢地個樣都係好凶狠，你當時係果一個情況會比佢嚇到出左神。(其實係夢入面應該已經出左神) 即係我已經飄起左，我即時比四大金剛一野壓番落地。你會感到唔係痛楚，而係一種好強既能量拍落去一種好弱既能量，兩種力量互相碰撞，而你既感覺係成個人能量消散，大量出血垂死邊緣咁樣。

然後，審判當然係繼續啦。D人話上過天堂見過審判會有片段比你睇番，我面對既情況有d唔同，一個人做過咩衰野好野，心中一數，你一一感應出黎，係審下審下既時候，我不期然係度諗點解我會係度? 我係發夢定係死左? 點解要審我?

而我覺得自己係未死，心願未了都唔想死住。於是我會好想搵人黎救我，但點救? 於是我不斷掙扎希望可以逃出魔掌，但比四個大力士壓住又走得去邊呢。過左無幾耐我力量耗盡就失去左意識……

係我有番意識既時候，我起身第一眼係森林，咦咪住先，點解咁熟口面既，我屌你老母，呢度咪又係果條河!!

點解我走唔出去架!! 我已經無奈到坐左係度苦笑問個左點解要咁對我，呢個係咪一個考驗?

去到呢度大家會以為我係度loop又衝出去又掙扎，點知成個世界唔同左，呢次呢個森林同之前果個環境完全唔一樣。呢度係幾咁清新脫俗，係你無聽錯，清新退俗，不論天色、氣氛、環境都好唔一樣，簡直同宮崎駿入面既動畫一樣咁靚，但我依然無放棄到想番屋企既欲望。

於是我又再不停咁嘗試行出去，神乎奇技地我好順行就可以行番出去郊遊徑，但每次只要我行到出去見到車路，即係落去鯽魚湖果邊有條馬路，一出會見到對面有個中式既圓拱牆，一行出去就會見到白光昏迷一陣又會去原點。一次、兩次、三次、四次……如是者我點樣都走唔番出去呢個地方，由興奮、不甘心、灰心、放棄既心情，慢慢我再無左想出去既欲望。

lm

之後我都無再嘗試行出去，反而諗緊今後有咩打算。

係呢個地方我過左一段時間，發現係同現實有些少唔同，生活條件完全唔同，係呢度你唔會覺得凍、唔會病、唔會肚餓、唔會口渴、唔需要去廁所。只要你諗果個環境係會因你思想而改變，但唯一係唔會改變到大環境或者物理現象，只能夠改變你身體既狀態去適應個環境。

係呢度亦都唔會有時間既概念，唔會有天光天黑，你亦都唔會察覺到時間過左幾耐，呢個地方就好似永恆一樣。究竟呢度係天堂定地獄? 無晒所有生活需要我仲算唔算係一個人? 我係呢一度可以做D乜野?

我嘗試探索呢個地方，我走唔到出去者，但我可唔可以行去其他山度，或者望下出面個世界係點呢。但無論我點走，呢個地方永遠都係一個無盡頭既森林，無其他野無其他動物，似係身處係上帝創造呀當時候既世界，得我自己一個咁。

係呢度漫無目的，而又感覺唔到時間變動既感覺就係你意識會無咁清醒，發緊呆，而又唔分唔到過左幾多時間，成個環境又無跡象話比你聽過左一日未，你成世人都唔會有呢種感覺。我諗神仙就係過緊呢一種生活，唔同既係佢地有法力可以做好多野。記得好耐之前有一套西片就係咁，成個城市得天黑無日頭，之後窮者越窮，富者越富，D人永遠都去唔到郊外，郊外係一塊紙板，後面就係宇宙。而我係相反停留左係森林。

直至有一刻，我諗其實死左會唔會一了百了，會唔會走番出去個夢，又或者同之前一樣呢個世界係帶住我意識走?

我做左一個好大勇氣既決定，就係自殺。成世人都無諗過自殺，偏偏會係咁荒唐既環境做，係自殺之前，我嘗試過係呢個空間會唔會有痛覺。答案係無架!!!! 即係話我點樣死都可以!!! 點解會咁痴線，我明明唔想死；但又想死，好撚矛盾呀!!!

LM

LM

未睇完 不過我上星期又係行左去大枕蓋再落左澗爬落山 一直爬落去就到赤徑

inception咩

屌9你老母用黑字做乜撚野好撚神秘？

留名跟進

文呢

又話未到最後一刻唔會打999
自殺都諗埋咁都唔係最後一刻

消失左?

結界都有wifi
打埋文先搵路啦

想睇

樓主呢？