首先，想多謝原POST比過意見我嘅每一位。每一個留言都成就緊一個新嘅抗爭手法。唯一可惜嘅係，數十個負皮嘅朋友並無比我一個聆聽佢地意見嘅機會，留低建議去幫助我地去改善個計劃。
香港人，特別係相信和平表達方式，一直有夢遊嘅和理非朋友，有冇諗過原來你地嘅行動，都會迎來被套上「非法行動」之名嘅一日？元朗發夢被反對，今日就到旺角發夢被否決，你地仲會唔會為左我地嘅屋企、無數咁多個因為發夢犧性嘅人出來，話比個政府聽，香港，其實係我地屋企，唔到你亂來？
［行動內容］
正所謂兄弟爬山，我地咩方法都支持！但係有冇諗過和理非同勇武嘅腳步已經離太遠？勇武派已經好多活動啦，係時候到和理非為勇武分擔！在集會，遊行，快閃、不合作運動同埋罷工之外，有冇諗過透過經濟手段去讓我地嘅敵人嘗苦頭？容許我在此為大家介紹「商場戰」。
行商場仲有咩好？
（１）合法集結：警方之後都會一直發反對通知書，咁嘅情況下，商場就係一個提供比人合法發夢嘅理想地方。如果大家肯去試新手段嘅，試想像下：「入到去唔叫口號唔貼嘢，約埋一個商場齋行行企企唔買嘢齋撳手機，唔需要阻住人哋入去購物，只需要迫爆個商場逼到啲人唔想入去消費，佢就算查晒所有人身分證，分到你邊個係抗爭者，都唔可以拉你，而呢個行動就持續到政府正視問題為止，啲商場最叻咪閂冷氣，佢閂冷氣咪走 開冷氣咪入返去囉，window shopping唔犯法㗎wor！」唔好唔記得商場嘅呀媽就係各大地產商！
（２）民意高地：如果針對一啲大陸人成日去嘅商場，就唔會好似其他不合作咁樣比人話我地擾到民，因為本地人一早就已經失去左行哩啲商場嘅權利。如果狗仔真係入去商場搞我地，係其他人嘅眼中佢地就係精神分裂，「不勝壓力，胡亂打擾市民日常生活」。
另外，大家嘅行動可以做多步，去支持小店。小店一直都比政府/ 領展/建制商戶剝削，光顧小店係直接金錢支持，同時拎到愛社區既光環，會得到更多"中立"人支持。（３）實際經濟賞罰／借力打力
對建制商戶不消費即係施加經濟壓力，日子一長，利益行先嘅商家實會嬲豬，就會出聲，總商會就係例子，有財有勢嘅人去對政府施壓，好過我哋班勇武發夢去食催淚彈。
（４）革命思想：大家都知香港人好善忘，如果無哂不反對通知書，好多人都會唔敢出，好快大家就會當無事。而家係一個戰術真空期，必然要有所行動去保著大家團火。加上好多勇武重年輕，發得夢多身心都需要有個地方休息，喺商場入面勇武同和理非聚首，可彼此支援心理同經濟開飯問題。
［實際操作重點］
（１）不黑衫：無記認，仲要混埋入內地遊客到，令狗仔無從入手。「發夢見到十零二十萬人著五顏六色嘅衫沖入去
狗仔唔識捉」（２）不口號：無辦法證明我地因咩事出現。另外，其實我地就算咩都唔做，單純網上宣告我地嘅目的，再到時到候出現，對方都好清楚點解會有咁大班人出現。
（３）不消費：自己準備食物飲品，一個仙都唔好用。
（４）浮動集散時間：例如：一至三點開始集合／七至九點可以慢慢退場。
［細節］
地點（待定）：
深紅基：沙田新城市、ifc（恆基都有份）、旺角MOKO、尖沙咀新太陽、上水廣場、觀塘apm
九龍倉：海港城、時代
港鐵：圓方
信和：屯門市廣場
新世界：K11
時間：待定 ｗｅｅｋｄａｙ？星期日？
原ＰＯＳＴ：
［你地有冇諗過抗爭其實可以咁？］
https://lihkg.com/thread/1387789/page/1
參考條目：
［Weekday 升級支援方案 『和理非』都可輕鬆參與！］
https://lihkg.com/thread/1391869/page/1
［集思廣益］和理非自發不合作運動
https://lihkg.com/thread/1380453/page/1
＂但我懇請你們不要被仇恨支配自己，在危難中，仍要時刻保持警覺與思考。＂ — 梁天琦
求下大家一齊討論，我地比狗犀利，係因為我地係人，識得思考。
光復香港 時代革命
大陸人唔會見你商場多人就唔去