守宮拎上手請教

我初初係幫佢執屎嗰時先捉起佢再即刻放佢喺第二個箱，又或者好似樓主咁慢慢撥佢去第二個箱

網上啲人話豹紋守宮如果唔夠鈣啲關節會變圓，我無搵過圖，唔知實際係點，亦都唔想見到
因為啲人話一旦關節出咗問題，就只可以阻止佢惡化，無方法醫番好
亦都有人話香港咁潮濕，暴露喺空氣中嘅鈣粉好易變壞，而且變壞係會起白點，根本就唔知點睇
所以幾日換一次都無所謂，反正用量咁少

佢地成日都m到，要走入個洞度拎安全感架
放佢喺啲陰陰地嘅位置，由得佢自閉，得閒同佢對望傾下偈就得架啦

之前我隻衰女唔肯食野，我以為佢塞蛋，帶咗佢去睇獸醫，嗰個獸醫都算係香港比較出名嘅爬蟲類醫生，佢都係開呢隻鈣粉俾我

即係我屋企依家有兩盒

你問個獸醫？
姓余，聽個同事講個醫生間唔中就上電視
寵物睇醫生一定唔會平架啦

新上手脱皮都要特別留意住，上個月我見佢一邊眼腫腫又開唔大，無晒心機淨係訓，原來脱皮脱唔晒，眼內仲有啲皮，只有等佢下次脱時再脱返先無事

新手想養邊款守宮最易上手?
另外係唔係一定要食活蟲?

豹紋或者肥尾
可以餵grub pie,但未必隻隻肯食

喺隻眼入面脫唔晒，咁都俾你睇到

每次佢脫完皮之後我都會捉佢上手幫佢檢查脫得乾唔乾淨，如果仲差少少會幫佢扯甩塊皮，因為由塊皮喺度好似有可能會有病

聽講如果係苗嘅話可以慢慢教佢食，不過至於點教就真係要問人啦

再唔係可以試下餵蟲乾，好多聞到啲味都肯食

諗住蟲乾 係怕食慣活蟲唔食乾

我嗰隻見到蟲乾仲興奮過活蟲
可能我買嗰包乾唔晒，係有少少液體，所以開咗之後要擺雪櫃，同埋唔可以擺太耐

其實活蟲真係幾麻煩，首先要考慮啲蟲之前食啲乜，會唔會無乜營養，跟住又要諗睇下點樣令啲蟲有營養啲，同埋買活蟲多數一買就要買好大量，好難存放

好多食慣蟲嘅都唔會肯食人工糧

餵人工糧係咁
我一開始買咗樽細嘅GRUB PIE，餵晒之後就買樽大嘅，點知開咗一兩盒之後佢就開始唔肯食啦，浪費晒

人工糧貴過活蟲，不如食活架啦

grub pie好平，一樽開到好多盒，一盒食到好多日

我上網睇買咗番屋企之後，要餵啲麵包、生果、菜俾啲蟲蟲仔，等佢地有營養啲，但係我餵完之後佢地會分泌啲好似泥咁嘅野，跟住就好快死晒

反而我買咗返黎乜都唔餵就可以擺到食晒為止

唔該巴打 咁糧果方面唔洗擔心
想問埋豹紋BB一條幾錢左右?
廢事做左水魚

豹紋係睇基因，幾百到成千都有
新手就睇眼緣啦

我見初生幼體係平啲，成體大大條就成千

苗一定係平啲，但啲色未定
可以問老闆基因名再上網睇啱唔啱

新手推薦high yellow或者tangerine