守宮拎上手請教

守宮已半成體有16,17cm，仍然好細膽好驚人，完全拎唔到上手，一捉就發晒癲咁，有無巴打都係咁呢

養左幾耐？豹紋多數比較唔介意上手

年頭二月開始養，唔知點解到而家都唔比上手

試下伸隻手比佢聞下唔好一野捉起
唔比上手你點換野

平時執屎換野用個膠盒放佢前面推佢行入去

用隻手係個肚度鏟起佢，攞多幾次等佢習慣

不過我唔知佢驚嘅程度啦，唔知會唔會驚到斷尾

如果佢想斷尾，條尾尖會不斷左右左右郁

到時就攞個膠盒cup住佢啦，等佢冷靜返再算

我平時拎起佢都會掃一掃個頭先, 等佢有反應先夾佢上手

謝謝各位指教，事源有次佢驚到全身抽畜申直晒唔郁，我以為佢嚇死左，不過隔一陣又無事郁返，比佢嚇死。又試過有次佢驚到連痾兩棟尿，好似失禁咁。

咁驚就唔好迫佢住啦

試下伸隻手指俾佢聞下奶下先，同埋多啲同佢對望下傾下偈，間唔中輕輕力篤兩下佢個頭仔，同佢慢慢培養下感情先啦

同埋佢地好似特別驚人地搞佢啲腳

養呢d係咪要餵佢食甲由？
我覺得佢地幾qq 但要餵甲由真係不了
我驚到懶屎

唔一定嘅，如果自細養嘅話，可以試下餵佢地食糧
我嗰隻喺街執番黎，食咗大半年之後扭計唔肯食，要轉番食蟲

兜住個肚攞上手會易啲
不過有啲都會咬人
利申:我果幾隻十次咬四次

想問下係咪有個whatsapp守宮買賣group?

我隻無試過咬我怒吼我，個樣唔會凶，佢淨係自己驚青，唔知會唔會守宮女細膽啲

我淨係用麥皮蟲養，有人會餵蟋蟀，應該無乜人用甲由餵，唔使驚

其實有呀，我每日有摸下頭仔有對望下，一摸頭又驚青走返入洞縮埋

男女都會咁
就係驚先咬人
養爬真係同養貓一樣要有心理準備會傷

佢鍾唔鍾意偷走架？
鍾意嘅話就試下喺佢偷走嗰時，擺隻手喺佢前面形成一條走出黎嘅路，睇下佢肯唔肯自己上去

佢唔鍾意嘅唔好迫佢，一陣搞到佢驚到拒食就麻煩

我嗰隻都係女仔黎，俾人棄養，跟住執咗佢返黎，一開始都係會咬人，但係可能太鍾意偷走，所以養半個月已經會見手就上

間唔中會想偷走架，向上抓下抓下咁

你試下喺佢爬到呢個狀態嗰時，擺隻手喺個箱邊，睇下佢會唔會順住你隻手爬出黎

膠箱個邊滑，如果佢抓抓下抓到我地隻手，就可能會覺得偷走成功咁順住爬出黎

慢慢黎啦，祝你成功

成日訓死左個款好搞笑

發熱墊就天氣凍先要，我就隔住個擺喺箱底，發熱墊下面擺多塊毛巾，咁嗰個位就會好夠暖

糧就去漁佬買GRUB PIE，細樽都係幾十蚊，點開就要請教啲職員，佢地都好NICE，買返去睇下佢肯唔肯食，唔肯食就可能要慢慢教或者索性餵蟲

仲要買鈣粉，呢樣好重要，缺鈣有機會令守宮造成永久性嘅傷害，買嗰時問清楚係要有D3嗰隻

箱我喺魚街買80左右，濕洞淘寶買好平30蚊樓下，兩個兜兜，一個裝水，一個裝鈣粉，你買得再貴加埋應該都係70蚊左右，我自己買多舊假木俾佢爬下或者訓喺下面，都係幾十蚊

記得一定要整個陰位俾佢，佢地無安全感嘅時候就會衝入去啲又黑又窄嘅空間度卷埋一舊