就係每個人都幫手出少少錢，出少少力，買啲其他人會需要用嘅物資。
個List咩黎？
呢個Excel係我同幾個朋友一齊整嘅，紀錄嘅係721遊行路線一帶可以買到有用物資嘅舖頭（駱克道、SOGO、皇后大道東為界）。當中包括常用嘅頭盔、3M眼罩、N95口罩、索帶、長遮、浮板、etc.
Drive版本
https://drive.google.com/file/d/1x6zXeAE_vwbkJbDP9K79dhpgDBJKt-xX/view?usp=sharing
下載版
https://docs.google.com/spreadsheets/d/e/2PACX-1vR652KqyLCum3fApHfQmLuLmiFp2Ub5_PzpZYP7j5pBTy2L68Chf8FbMAcRBA2dxQ/pub?output=xlsx
喺黎緊兩日或者遊行當日，你可以視乎需要，去呢啲地方進行補給。如果你有閒錢同人力，我希望各位善長仁翁可以買多少少，分享俾其他有需要嘅人。
咁樣做有咩野用？
1. 保護好自己。依家警犬愈黎愈猖狂，就算你係和理非都照樣摳。無人知721警犬會退化到咩程度，我個人建議參與黎緊遊行嘅人最起碼買定防護用具，簡單d講準備full gear，保護好自己好緊要。
2. 就算自己用唔著，都可以分俾人幫吓人。喺現場嘅都知你每帶多個頭盔，現場就會少一個人喺無防護嘅情況下比警犬扑穿頭。當然現實就無咁理想，但聊勝於無，頭盔一個先幾十蚊左右，有機會救人一命嘅野，小弟都會懇求大家多啲去買。
3. 一齊分散金錢同人力嘅負擔。一個頭盔幾十蚊，百個就係幾皮野。就算夠錢買，夠唔夠力一個人搬都係問題。大家都知現場能調度嘅物資始終有限，如果每個遊行人士可以幫手買啲有用嘅物資，其實係能大幅分散呢啲負擔。
Excel File使用須知：
1. 請認清需要先買，避免浪費。有時有啲朋友行得前啲，你可以問吓佢哋要啲咩物資，確認完後Filter番相應物資再決定去邊度買。如果問唔到，會建議優先買頭盔、眼罩、長遮、口罩（非普通口罩）、水同乾糧。
2. 請注意如果買物資支援煲底，有機會俾警犬charge你協助非法集會。（如有錯請指正）所以記住呢個風險，呢啲事發夢先好做。
3. 記住喺香港行街買野，警犬都係可以話你形跡可疑，所以買物資嘅時候自己小心。
4. 留意大部分有賣常用物資嘅舖頭係唔做禮拜日orzz，建議可以早兩日買定/搵朋友買定/喺自己嗰區自己買。遊行當日請Filter走星期日休息日嘅舖頭。
5. 物資價錢以查詢當日（最近）為準，但唔排除會臨時加價。請預鬆少少Budget。
6. 離開集會或你確定自己用唔著買番黎嘅物資時，希望你可以將你嘅物資留俾其他有需要嘅人。但切記要好好思考自己係咪真係唔使再用，保護自己都好緊要。
7. 如果你當日有用Google map搵舖頭，記得嗰晚Del曬d紀錄佢。
8. 一個人嘅力量同金錢（至少我係）有限，量力而為，適當時可以搵人幫手（警犬唔係人）
後記
考慮到遍地開花嘅情況，如果今次條List有用幫到手，我同我朋友會搵時間做埋其他區嘅清單，但呢啲野都可以遍地開花架啫，我都會鼓勵各區嘅熱心人士可以為大家提供有用嘅資訊。
總之，721香港人加油，唔好出事。
（因為上一篇應該太悶所以無人睇，今次試吓Display得好d）
