同朋友嗌咗交，但book晒機票準備去旅行

你是好人

231 回覆

1004 Like 23 Dislike

可憐的小貓 2019-07-13 14:59:29

你上得黎問得就即係其實你仲重視喱個朋友
好多野講左出口就收唔返

做人留一線日後好相見

唔鐘意佢遲到咪唔好約佢囉
又唔使反面既

冷靜幾日先再決定啦

焦糖脆餅 2019-07-13 15:00:17

過來人朋友唔多
投資錯時間係啲唔尊重/重視自己既人度
最後忍唔到將佢既重視程度放到最低

佢見你真係唔理佢
仲有你心既就會反省搵返你
如果仲發返你脾氣唔理你咁就放生佢啦

你之前寵壞左佢

如果佢知道你朋友唔多
冇左佢你就冇乜朋友佢會會仲囂張打橫黎
唔好比佢將自己遲到得咁過份既責任合理化

多麼蠢的蠢豬 2019-07-13 15:00:46

我都會遲

遲就後join

叫人等埋真係超級自私

嘟嘟 2019-07-13 15:06:07

屌，算數啦。我都大撚把呢啲frd，自己明明應該係最遷就佢，結果佢反而撲埋去一啲識咗無幾耐嘅人度，又小小事po曬ig多謝人又盛，睇到都真係幾灰。
樓主唔使話放唔放棄佢嘅，以後唔好主動揾佢就得，等佢唔好覺得幾衰都有人等佢，你嘅存在唔係必然㗎，無謂自貶身價啦。
佢對人地做嘅野即係你而家對佢做緊嘅野，所以意味佢喺人地圈子都係得唔到重視嘅一個，將來佢落寞嘅時候總會再揾你，到時你再考慮教訓佢或者重新接受佢，不過依種人都係保持番適當距離好。
樓主出去識多啲朋友啦，佢平時無喺其他地方無提你我諗都係因為你少朋友、無人識，所以去識多啲人，令自己好似受歡迎啲，同埋會開心啲㗎。

跌咗條J 2019-07-13 15:13:38

有個舊朋友我忍咗佢好多鑊，有勸過暗示過，甚至累積到我頂唔順嘅地步兜口兜面指出佢有咩令我唔舒服，佢最後個態度令我心淡到不得了，佢怪責我點解唔一早同佢講，潛台詞係「搞到你咁討厭我，都係因為你唔同我講咋，我邊度有錯呀？係你錯呀。」，但其實我用唔同方式講咗好幾年，係佢聽唔入耳，又或者聽完根本無認真諗過。最後一根稻草係發現佢原來喺secret IG數我不是，又話好想朋友有咩就直接講嘅？自己又要用咁嘅方式鬧人，最後我決定咗以後都唔會再理佢。

有啲人覺得自己成日搵成日約成日關心人、對方有咩事就盡可能關心佢、而對方都要好似佢咁樣先叫朋友；有啲人覺得朋友可以自由自在，隨興約出嚟都可以、唔會俾壓力人又不求回報先叫朋友，做朋友無話邊種方式一定啱、亦都無話邊個偉大啲識諗啲，講到尾係睇有無互相尊重。

合則來不合則去，既然感到不被尊重都唔需要因為咁而嬲，世界咁大，點會識唔到朋友

誰大誰惡_誰正確 2019-07-13 15:18:37

我有FD都係咁但佢第一次咁做我就即刻絕左交
樓主真係忍得

咁你玩哂啦 2019-07-13 15:19:11

過來人
試過係條街道等左個幾鐘
講緊係喺佢屋企樓下等佢
雖然唔係因為呢件事斷絕來往
但好後悔點解唔早啲咁做
勸樓主有得走好走
寧願一個人去旅行通常呢啲人去旅行仲麻煩

_貝碧托夫_ 2019-07-13 15:19:17

有個fd 都係咁

試過幾個fd 圍來去打beeno 約 8 點
然後都預咗佢遲到所以改到 8 點半先食
點知我地開始打嘅時候佢仲未起身

電話完全唔通
我地打到接近10 點嘅時候佢先急急腳趕到黎話尋晚打機打通宵訓到岩先先起身

然後成日約咗去佢屋企打機去到佢屋企樓下都未起身

打電話都冇人聽最後打到佢呀媽都頂唔順聽咗個電話

蟹柳兒 2019-07-13 15:28:59

八月個旅行就唔好一齊去喇
心裏面一定有條刺
一間大家睇大家唔順眼
分分鐘仲衰多兩錢重

拿你個朋友慣性遲到呢，仲要成個半鐘咁q過分。
我第一個反應係「絕交啦屌」。因為我好好好好憎人遲到

我曾經分别同男朋友&朋友因爲遲到嗌交。個人經驗我發現慣性遲到嘅人係唔識分配時間，又或者係覺得同你friend同你close所以先覺得要你等無咩所謂啦唔需要咁chur。mi mi mo mo咁就搞到結果遲到。

我又唔覺得你朋友揾你sip時間嘅，起碼你哋都一齊去得旅行，應該係幾好嘅朋友先會做。所以我個人認為又唔好話去到絕交咁絕。

我自己呢，開始接受到人哋遲少少。塞車呀急屎呀總有突發嘢。但係呢，明知自己遲，唔該早啲講定遲幾多。就算我出咗門口都唔使一條友鳩企。我自己周圍行下都好過罰企。

你無通知要遲嘅情況下，我最多只會等多十五分鐘，你未到我會走人。自此我我個遲到朋友無遲得多過十五分鐘(雖然都係無準時過