同朋友嗌咗交，但book晒機票準備去旅行

友人一直有遲到嘅問題 約出街十次有十一次都遲到 但因為係好朋友 等一陣唔係問題 通常等半個鐘 甚至個幾鐘都等過 可能本人每次都話唔緊要 最多都係問多一兩句你去到邊冇因為佢遲到發過脾氣 佢係咪就覺得遲到由我企街等佢係理所當然 仲得寸進尺 少少唔好意思都冇 我忍係因為當你係好朋友唔想因為咁而破壞咗嗰日 唔想好似好小器咁

今次嗌交起因係 我生日嗰日約咗食飯 約一點 一點問你喺邊你話搭緊地鐵黎緊 一直話就到 叫我等埋先嗌野食 我就會諗既然就到咁等多陣 一路keep住問到邊一路都話行緊就到 目睹餐廳周圍嘅客人已經轉完又轉 由lunch time滿晒人到啲人走晒下午茶 終於 2點半 到了 我當時已經唔係諗自己有幾肚餓 而係你會唔會覺得要我等咁耐會少少慚愧 其實如果當時有一句sorry呀或者任何一句唔好意思我遲咗咁多 就算係扮嘅我都唔會嬲/失望 講真我都會有遲到嘅時候 唔介意做等嗰個 點知得黎嘅係問我點解要咁準時 聽完之後我好無奈 好想走 點解可以咁理直氣壯同理所當然

以為大家咁熟 生日 冇講生日快樂唔緊要 冇蛋糕冇問題 冇禮物冇所謂 大家食餐飯見下傾計 但可唔可以唔好話我知你其他朋友生日你送咗咩訂咗咩俾佢 有種不被重視嘅感覺

過咗嗰日我同佢講我嬲佢啲咩 佢話我做乜突然咁樣 以前係咁點解而家先話唔得 你知道嗎 失望係時間逐漸累積的 當理所當然同得寸進尺成了你相處嘅慣性 已經唔再係最初嘅咁

前排約好8月同佢去旅行 book咗機票 一千幾 未book酒店 但而家嘅我係好唔想去 我想知取消嘅話係唔係我反應過大 根本冇必要唔去？

趁呢個機會斷絕來往

唔同佢去 同我去😉

好明顯佢唔重視你啦,係我會絕交

去到咪你眼望我眼

Checkin嗰陣自己揀單機嘅位坐 唔好嘥咗機票錢啦

同我去

佢問唔明點解咁小事要嬲，我覺得如果做朋友做至咁，就算曾經幾友好都會心淡

遲個半鐘真係好撚過份

咁都要開post

老實講,朋友之間慣性遲到依樣野,我覺得唔係小事黎

你以為大家係朋友？由佢嘅表現睇，佢只不過當你係用嚟攝時間嘅閒雜人

如果係因為啲咩遲起身啲垃圾原因
我以後都唔會再約佢

情況同現時政治情況一樣
一方忍得太耐，總會頂唔順

唔想去咪唔去
你都顧及佢感受咁耐
顧番一次自己嘅感受

首先我覺得個朋友都唔尊重你。
佢好似對你唔似好朋友關係，似攝時間。
我勸你唔好同佢做朋友，講堅。
因為朋友唔係咁。
如果你夾硬同佢去旅行，我覺得辛苦嗰個係會係你自己。

我以前會有種感覺 覺得自己唔講就唔好話人呢樣個樣 但係我發覺唔講就會出現呢種情況

所以我同自己講 舊既無得講 忍得就忍 忍唔到就睇自己想唔想斷捨離

新相識一律事不過三

我好明白樓主既感受 其實你當佢係朋友 佢有無當過你係朋友？你會唔會對你朋友做同一樣既野？人生苦短 無必要令自己唔開心 依d人 真係盡早斷絕來往 反正得你自己一邊忍忍忍 你開心得去邊
最緊要 自己開心就好

我都試過類似既事（book 左機票未book 酒店但鬧左交）
跟住我自己一個照去（不過前提係我本身都唔介意自己去旅行同有經驗）

講真我住新界佢住九龍，約親都係九龍區，我搭巴士出去要1個鐘，佢屋企行10分鐘都到嘅商場都會遲半個鐘，反省自己每次都忍，搞成咁我都有責任

約早條仆街一個鐘

約1

我唔介意一個人去 只係諗緊放唔放棄呢段友誼

有啲仆街嘅朋友 早啲撇甩早解脫
最後都係會淡唔會再約 咁不如就早啲了結
唔係嘅話會俾佢傷多幾錢重