指的是以興趣、目標、標準和意氣相投而結合
不為大家做同一樣嘢
即不為大台主義
亦不為只集中做同一樣嘢
即能遍地開花（例如光復行動）
借用天與地一句說話
和諧唔係一百個人講同一說話，和諧係一百個人有一百句唔同說話之餘，又互相尊重。大家追求嘅係和而不同，求同存異
唔係支共式和諧，即得單一聲音
以常見口號作例（略修改）
認清目標，撤修例救義士！
槍口對外，兄弟爬山，一齊努力
不分化，不指責，不割蓆，不捉鬼，不篤灰
拒絕假消息，封鎖假輿論
自己香港自己救
其實頭三句都係講緊團結
第一句
只要大家以大目標為前題嘅行動都唔怕失焦，
當然前提所有嘢要經充分討論同得民意支持
第二句
將團結形象化
第三句
將團結具體化
團結好難從做啲咩去理解再化成行動
所以透過唔做啲咩會容易理解
不分化
即不使工作瓦解分裂，單純團結相反
其實不指責，不割蓆，不捉鬼，不篤灰都係不分化細項，但只係呢四個重要啲分割咗出嚟講
不指責
意思唔係唔檢討
而係唔好認為自己一定啱晒
以良好心境語境語氣態度溝通
用文明理性關心他人形象
分析單嘢優缺點比對方
令對方明白做啱啲咩做錯啲咩
一個好嘅檢討通常配合一個改善建議
取長補短
你要做嘅係說服對方
而唔係以上帝視角指責對方
活動失敗好多時因為同路人態度差
形成惡循環
最終灰心失去參與活動同討論嘅動力
例子有：跆拳道巴打事件、失焦撚
不割蓆
和理非勇武互相結合，互為攻盾
先會發揮最大力量
如果冇和理非支持勇武派
冇正當性因為未試過和平手段就用武力
冇民意支持嘅武力只會淪為空洞嘅暴力
容易被抺黑
不能以人數壓制對方
難以退場
如果冇勇武支持和理非
被無盡冷處理
有效嘅直接抗爭有限（612 可如常二讀三讀 71立法會如常運作）
無法揭示警權過大，一直溫水煮蛙
基本和理非都有底線，政府容易預測其行動作針對性應對
不懂以武制暴，被打死都係只會拍攝而不制止
不捉鬼
所謂捉鬼即指出對方唔係同路人
仲係卧底添
人與人之間充滿懷疑就會分化
若非有明確證據指出係鬼
不如唔好去捉
因為九十九%係捉唔到
而且懷疑嘅同時形成咗好多抺黑嘅空間
互相猜疑嘅空間
當然你見到隻真嘅鬼就去捉佢啦
網絡世界嘅捉鬼（捉一毛）
可以用起底代替
若果無效則建議冷處理
但往往熱門就係呢啲post阻礙討論。。。
中共為何採取分散注意力，而不是直接反駁的策略？羅伯茨說，中共意識到，政治就是控制話語權和制定議程。中共政客和政府官員希望人們談論對當局有利的話題。他們的算計很簡單：如果他們反駁批評，那只會擴大人們對這些事情的注意力。因此他們的策略就是，忽略批評，轉移注意力到其他話題上。
現實世界中嘅捉鬼取而代之係捉行為
如果對方行為有錯
例如係咁影大頭相
你就禮貌叫佢del
如果唔肯就明顯有問題
del咗就觀察下條友
承認自己係冇證據
去求證就啱啦
不篤灰
基本就係割蓆再宣戰嘅終極惡劣行為
所以獨立出嚟講
如果係戰友點會篤灰呢？
基本唔會帶來任何好處嘅行為做嚟做乜？
另外要做到不分化其實好多嘢留意
停止標籤效應（扣帽子）
標籤只係方便溝通同快速大概認清事物特性
但亂貼標籤同扣帽子反而會令人睇唔清事物本質，而且會自我局限
最佳例子就係和理非同勇武
兩者不是二元對立
甚至可以同一人有和理非同勇武嘅一面
停止單純以標籤攻擊、因人廢言同亂貼標籤
請以事論事
另一經典就係黃藍絲
大佬2019年仲黃藍絲，唔使對住塊鏡講我都打冷震啦
今次運動我哋係白絲
希望大家盡量用返白絲
消除黃藍對立
亦盡量唔好叫對方藍絲
消除對方身份認同
可以叫對方做“送中”
“為虎作倀”“助紂為虐”“賣港”“盲撐”
請自由發揮
停止失敗主義
其實做任何嘢都有缺點
停止無限放大缺點及無視其優點
請給予實際行動建議
如果活動已經做咗
就停止出post 指責，除非你係第一個提出呢個觀點，唔係就集中討論
如果活動已經準備好晒且有一定民意支持
就停止叫人唔好出席、吹淡、盲屌
尤其係出一個新post去屌
係呢個位作失敗主義基本沒任何好處
俾實際建議就ok，建議為實際可做嘅活動
如果活動未準備好
就可以盡情屌（要遵守不指責原則）
同樣請集中討論
最近光復行動就係一例，極大量人開始屌失焦，
但基本兩日後已經要搞，屌上水光復失焦係為乜？
停止出post講已經輸咗/就輸/重演雨革嘅單純負面post
我明，你想激勵士氣
但問題無力感先係主旋律
用負面激勵法會有反效果
嘗試用多啲正面詞語去鼓勵
咁啱有人用咗類似概念開題
但大家睇下最後寫返鼓勵說話幾好
睇完真係有正能量又唔同
5年前既內鬥終於出現喇！！！！
https://lih.kg/1310103
停止膠化運動
膠化就係分化，
架空人哋活動意義或玩到自己友嗰啲根本係搏屌
令到人想退出同不信任大家
如果避到呢兩樣嘢，玩下膠輕鬆下又無妨
因為唔想長期咁繃緊
防止一毛滲透
打定強心針！
因為事實支共安排咗好多間諜同網絡打手帶風向！
你！將！會！面！對！無！限！分！化！考！驗！
哈佛大學教授Gary King引用團隊研究結果，證實五毛黨的確存在，且估計每年製造約4.48億則假社群網路貼文，內容多為支持政府的言論。面對間碟首先要保持冷靜
因為佢哋都識挑起我哋情緖
例如：
失敗主義
離間（讚一邊鬧一邊唔俾建議）
仇富
憎恨飯民
返工不了
轉移視線
然後用
第二教條：凡是敵人反對的，我們就要擁護；凡是敵人擁護的，我們就要反對理性思考咩應該講應該做，
唔好被對方挑起情緒
三毛成功例子：
難題：點樣叫人唔好去光復行動
方法：離間
光復行動係失焦，聚焦去金鐘
金鐘了無新意，不如遍地開花
知名分化撚：熱普城（包括大灣駒）
見到佢哋唔使理佢哋，已有多次成功分裂泛民本土前科
熱城係私怨撚 普係共諜
寫咗三千字
得閒又有人睇再寫埋剩底啲規則
唔好TLDR
