[得閒分享吓]中文考過7次5**，你問我答

[學術分享]今日教大家點樣整套索捉畜生
https://lih.kg/1310665
- 分享自 LIHKG 討論區

究竟你條死熱狗搬咗去邊？以前係你樓下會收到你個wifi㩒電話㩒到遲到先上黎 而家企翻係同一度乜都收唔到
Between我今年grad啦入中大同我影張相呀屌你我個學位你都有份咖

個陣係city canteen 開班補

補補下真係入左city 下年都grad了

Lm 萬分感激樓主好人有好報

Ce 中文3
中化拎A

今年retake重補中文都係得四
閱讀上年五星星今年得五星
其他三份卷真係唔識考
真心覺得放係中文科嘅努力同回報不成正比
建議將d時間放係自己擅長嘅科會更好
利申：今年best 5有29入得翻u

係city canteen補係2014嘅事喎
你仲未grad？

搬左成年啦

繼續寫下野
好多謝好多舊生 / 朋友入黎傾計
仲有好多人TG搵我
仲有好多係幫仔女搵補習
原來連登咁多成年人上
不過果D就私下講啦
呢度都係分享為主啦

我想再寫下閱讀卷
其實範文果D 背晒係無乜用的
好多人心入面可能會有一種感覺:「都係背架啦」

範文理論上係「需要背」
但唔代表「背左就大晒」
好多時佢問既係推論 而唔係死記既論點

我舉一個好簡單既例子
六國論呢篇文難唔難呢?
睇你點睇
例如老老豆豆 成篇文論點得一個姐
唔好賄賂秦國呀嘛 邊個唔知?
但正正係因為 個個都知六國論係講唔好賄賂秦國
咁你就淨係記得死背呢樣野

我見過太多學生 係用「死背POINT」既方法讀書
咪熟本雞精 考果陣唔理三七廿一
一見到小小Keyword就衝晒出黎亂咁答
最後就好低分
(最慘係佢連自己點解錯都唔知 然後仲要話
其實我好比心機架 點解咁低分架?唔讀啦)
相比起唔熟書 呢d反而係比較多中學生犯既錯

例如呢一條咁:

六國論中 作者引先祖父暴霜露斬荊棘的事跡
有何用意? 試說明之。

打左三句唔小心禁錯回覆

咁呢一條 其實個個都知啦
個用意就係「說明六國不應賂秦 / 諷刺六國賂秦的行為」
但係問題在於 淨係答呢句應該得1分架咋
佢成篇文都係講緊不應賂秦
但大家會唔會SENSE到唔同既例子/論證方法入面
會有唔同既推論過程?

我打個比喻 如果我話:
「你老豆日日返地盤做到勁辛苦先得果D錢
好心你比D心機讀書啦」
我最後既目的當然係「勸喻你讀書啦」
但中間既過程會唔會係
「透過強調家長的辛勞 去突出學生不用功的不珍惜?」
咁閱讀卷呢味野
不嬲「推論」係重要過「答案」架啦
答案通常得1分(有時冇分)
推論先係最值錢

上面果條既完整答案可能係
「作者以先祖父擴地的艱苦,去對比子孫割地的草率,以此突出子孫割地的不珍惜與浪費,進而說明六國不應賄賂秦國」咁上下啦

所以寫到呢度又係好唏噓
其實有冇人明點解坊間好多人補習補到成劈野咁?
你去補習淨係好在意D神技呀技巧呀
其實閱讀卷 推論過程先係最重要
個答案廢架 得罪講句人人都識
但我地最鍾意攬住D神技過世

例如有個技巧又係好出名架嘛
如果題目問你「將A句換成B句 效果會否更好...」
(如果唔明我講咩可以參閱DSE 2013Q4)
我知道好多老師有教答案一定係「唔好」
其實好正常 LOGIC係：
因為原文係作者寫，而作者唔會錯

但係如果你死記知道：一定係唔好
無用架大佬，條題目六分，你答岩：「不會更好」
係零分 你要解釋佢「點解」冇咁好
先會有完整既六分
我又唔係話D老師亂教 始終我無補過唔敢斷言
但係好多時D同學就淨係記住呢D好型既技巧
但實際上根本唔去諗下D完整推論點黎
點樣解釋 你中文梗係補成年都唔合格啦
好出奇咩?

類似例子仲有好大一堆
有時間我會再慢慢整理

好文留名

有時我會諗
香港地你地英文唔合格都算啦
畢竟唔係個個人家長都識講英文
如果成長環境無薰陶 可能肥都合理

但係點解你可以考到連自己母語都唔合格?
係唔係真係中文咁差?
十個人有四個會連LV3都無?
會唔會其實係因為你讀書既方法本身就有問題呢
中文科補習幾乎係全香港最多人補既一科
但反而同時都算係最多人肥既一科
如果係咁
會唔會係我地比錢補習既時候
本身就唔係學緊真正重要既野?

樓主>yylam (認真）

好想睇作文同綜合技巧　樓主會唔會講少少

其實咁多人唔明/唔肯去明閱讀卷點玩，同傳媒煲大「作者都攞唔到滿分 = 唔識答」有一定關係

利申：冇補過樓主，單純有感而發

Cls 好有古代文人feel

巴打講得好岩
呢個問題以前我有寫過一篇好長既文去講
但唔知篇文去左邊度

但係簡單D講
其實考評局好多時考既係「藝術手法/賞析」
換言之係作者「點樣」表達佢既情懷
係一個推論過程
例如好多時考評局既答案要我地舉文本依據啦
用文中既例子去證明作者點表達呢樣野

但係D記者好鬼鍾意拎份卷去問作者點睇
作者通常直接答:第九味咪人生既滋味囉
喂大佬 作者無答錯架喎
但係考評局係需要我地指出
「從曾先生的際遇裡 我們感受到 人生大起大伏倒不如平平淡淡過一生,正如一杯白開水,也能喝出個道理來」
咁呢D句子 你係咪真係覺得作者唔識? 佢自己寫架
俗D講句 作者係答你都晒氣
佢唔會解釋佢既「撰文過程」
佢只會直接講佢既「感受立意」
咁你可唔可以話作者唔識答?
我諗作者係「無答晒」 唔係「唔識答」

咁可唔可以話考評局出得唔好?
一個中學生 理論上係應該要有從文本推敲既能力
而要求你闡述清晰 條理分明
其實亦係一個學生應有既能力
咁樣係邊個錯?

我會覺得首先係傳媒渲染
其次係學生欠缺獨立思考 人云亦云
所以咪搞到咩作者都唔識答囉
(利申 我考Reading卷考過十次 ce al / 8次dse)
我10次都無失過手全A/5** 而且通常比5**個分高十分左右
唔係想話自己有幾叻
純粹想講 如果真係作者都唔識答
點解D 6分題我次次都答得中呢?
其實係有個邏輯係度
只係大家唔鍾意去研究
而鍾意一味跟住大隊鬧鬧鬧囉

SORRY帶返個頭盔先
呢度指既係大部分既文憑試題目

如果真係講到果D
作者「講到明」藍色窗簾只係因為個窗簾真係藍色
而考試答案強加咩憂鬱既象徵意義果D
就應該真係個考評局過份解讀
^上面條題目都好出名唔知有冇巴絲打見過

但果條唔係香港題目黎 係大陸題目黎

如果你問我 我印象中絕大多數香港DSE既閱讀卷題目
係的而且確可以推到個答案出黎
我唔係話真係次次都滿分
有時候都會睇漏眼做錯
但往往事後未睇返MARKING之前
重新睇多次篇文 都會搵到答案既一啲蛛絲馬跡
我從來唔覺得閱讀卷係「作者都唔識答」
而係「作者唔會答晒你咁笨實」

巴打言重了
我認為大家走既路線唔同
大型補習社一對萬幾
佢要教Skills係無可厚非
因為只有呢d可以面對大量學生
速效教到人野

我唔係走呢條路線
所以好多野都完全唔一樣
我真心覺得呀林sir係好有料
因為我幾年前有睇過佢d notes(from my student)
我覺得好多人既批評有小小吹毛求疵
但問題既癥結其實係在於
「大型補習社」呢種形式存在限制
而唔一定係個老師教得差

或者我換個講法
如果我比YYLam好認真咁同你一對一私補三年
你覺得你中文會唔會都仲拎lv2?
我相信唔會

所以我好少評價其他老師好唔好
我主要係覺得大型補習社既學店運作模式本身已經不合時宜
所以以前我先唔Join

我諗我會打埋閱讀心得先
不過呢排有d忙 update會唔定時

巴打過譽了
其實係香港好多人只求平淡過人生
錢係搵唔完架 既然係咁點解唔做d自己開心既野呢
何況係香港地如果無父幹係發唔到達呢個事實我大學yr2就發現左
好多人成日問我買樓未
其實我出黎住左五年淨係租金已經交左一百幾萬 學生交既學費其實全部去晒業主度架啦