男友whatsapp有個奇怪嘅空白對話框

首先講過乜係無可能會講返你知，
其次係再有機會，講完都會del成段對話架啦
唔好再問你bf，當自己諗多左算啦。

如果你過唔到自己嗰關，仲係日諗夜諗
你就慢慢揾證據，
例如揾個女仔fb，睇下個女仔有無bf，
你bf同佢喺網上有無交流各樣

其實你想點呢？

睇你樓上嘅回覆你其實已經唔信佢，只係未搵到確實證據證明佢呃你

如果佢真係冇呃你呢？你又會唔會信佢真係冇？點證明佢真係冇？

如果俾你搵到證據真係有呃呢？你係咪可以分手？咁如果唔分手你以後又仲會唔會繼續信佢呢？

個問題其實已經唔係佢有呃你定冇呃你，而係你到底想點，搞清楚自己想點先啦

有好多人呃下呃下成世，又有好多人呃佢食碗魚蛋粉都忍唔到

明冇？

我都好清楚佢一定唔會講比我聽佢地講過啲咩，我而家淨係想confirm 兩樣野：第一，佢係咪del左啲訊息，第二，佢地兩個有無路。第二點我應該會用樓上巴打個個方法，直接send d曖味對話過去，咁成件事就水落石出。我知我之後無可能扮到無野，咁不如講哂出黎仲好。

我已經搵到個女仔fb，同埋個女仔開嘅fb page，我男朋友有like到個page。不過老實講，呢啲完全稱唔上證據，但我可以搵到就係得咁多

我決定左會再同佢講多次件事，順便用埋樓上巴打個方法，如果咁樣都chok唔到任何野，我會選擇相信佢+以後唔再提呢件事。

你平時都係有小小風吹草動就迫問bf?
其實我覺得未必係有路有做過乜，分分鐘只係好普通9up講幾句，但又醒起怕你嬲，就del msg

講真如果只係一個空白msg你就咁緊張，
佢會燥都不難理解

佢唔講你知內容一黎可能真係唔記得，
二黎佢話左內容你聽又要解釋做乜del，
如果佢答怕你嬲所以del，你又一樣會嬲
話唔記得會係最好答案，
如果佢係偷食，會成個對話del

你件事要你自己先諗得通

我明白你依家會好不安好唔開心，會質疑對方仲係咪鍾意你，點解會做出咁樣嘅行為，到底係因為啲咩先要隱瞞你del對話
你可以透過呢一件事分析佢仲係咪一個值得信任嘅人

當你真係需要諗到分手嘅時候
你可以回顧返屬於你哋開心嘅回憶
如果仲有feel仲有留戀嘅話
可以搵個機會同佢坦白溝通

如果對方唔願意同你溝通嘅話
或者你地係對方心目中都唔係你哋想想像中咁重要
你會有個答案俾自己

而家呢一段不安浮躁嘅時期
係要靠自己渡過嘅
相信你渡過咗呢段時期之後
你個人會變得更加成熟
會明白到係一段感情入面有太多猜疑係件對自己同對對方都係件好辛苦嘅事
祝你有一段健康快樂嘅感情啦

一定要加油
人生係屬於自己嘅

最怕係失去左自己，最怕係對自己唔好

分得手 你最好唔好知咁多 追問會仲難受

你只諗到自己聽唔聽到想要嘅答案，
我唔太建議你用呢啲方法，呢啲只會令關係變差

無。今次係第一次，之前一直都好信佢。

其實佢其他fd/ group 啲對話我有啲有都睇過，佢有稱呼某啲女仔fd做🐷、有少少曖味對話，但呢啲又唔見佢del？但唯獨是個個女仔啲對話del哂。咁你明我覺得點解呢個空白對話咁可疑未？

想得太多啦，如果真係whatsapp問題呢
同埋都係解釋唔到點解淨係del對話唔del成個人麻

多謝絲打打咁大篇鼓勵我

我知咁做關係一定會變差，但我真係好想知佢地有無野

我都想係whatsapp問題，但頭先咁多位巴打都幫我測試過，而且係得一個人嘅對話無左，唔係幾個啊，我真係好難說服到自己係whatsapp問題

可能佢唔夠醒呱，唔識/ 唔記得del得徹底啲。

同意，有心要食打電話講都得，打字大機會留底，幾麻煩，個Bf del左對話姐，個女仔無del家麻

多謝巴打呢兩句，不過可能我需要啲時間先領悟到。

係既，成世流流長難不免會講過大話，如果係啲無關痛癢嘅事就無問題，但今次對我黎講唔算係小事，所以我覺得有問題。如果真係條女approach 佢，佢無受嘅話，咁佢怕咩比我見到？我反而會欣賞佢tim。另外個女仔無見過我，分分鐘都唔知我存在啦，應該唔會係我壞話。

我無check佢電話記錄，唔知有無打過電話。

但我又唔識個女仔，更加無可能睇到佢手機啦。

唉

想問下係邊日發生？ 確實日子

點解咁問？

多個方向諗下咩事 早幾日ig wtsapp 死 有冇re install 過？

5號啊。以我所知就無。

wtsapp 4 號 死過🤔

單憑一個對話就斷定有出軌係無咩說服力
除非同時有其他嘢 例如對你越嚟越冷淡嗰啲
唔好再提住 睇定啲先 有個心理準備