我發現左呢個空白對話框就即刻問男朋友係咪有刪過訊息同係咪同呢個女仔有野，但問左佢好耐佢都死口話無，又話自己真係唔知點解會無左同佢嘅對話，鬧鬧下佢話不如刪左個whatsapp咪以後唔洗煩。最尾因為佢點都話自己唔知點解會咁同埋證據不足，我都係迫於無奈信佢（之後應承會信佢唔再提呢件事）。但我之後越諗就覺得越奇怪，如果話唔只一個聯絡人嘅對話無左我都信係電話問題，而且如果無同對方對話過又點會無啦啦有個對話框係到？但另一方面個對話框隔離係無顯示最後對話嘅時間，會唔會真係有可能佢地係無對話過？
其實我自己個人係偏向唔信係電話問題，因為我覺得邊有咁岩淨係無哂同一個女仔嘅對話？但另一方面我男朋友個樣又唔似講大話，加上個對話框隔離又無顯示最後對話嘅時間。我而家越諗越辛苦，都唔知信唔信佢好。我真係好想知道個事實，但我知如果我就咁再去問佢都係會得到同樣嘅答案，同埋一定會再鬧交。我唔想咁，但我自己一個又搵唔到答案，有無人可以教我點問我男朋友先會講真話，或者有無人都試過類似嘅情況可以還我男朋友一個清白？
我而家因為呢個問題飯又食唔落，又訓唔著教，我唔想因為呢件事而鬧到分手，但我又覺得男朋友個解釋無咩說服力，令我唔可以信哂佢。希望有巴絲可以指點下我點做。
p.s.我男友係Samsung手機，唔知同件事有無關係。
^同個女仔嘅空白對話
^對話框隔離無最後對話時間示意圖
