[長文]想同大家分享下社會學 「馬斯洛的需求層次理論」

細佬叫算係讀過社會科學，唔敢話教人，但希望係同大家分享下，比一啲完全冇認識既人睇，令大家諗下一步既同時，不忘汲取更多既知識，所謂知識改變命運，識多啲可以幫助係未來做決定。尤其香港基礎教育嚴重缺乏培育年輕人對社會學嘅認識，單靠通識科係唔夠，根本就應該開社會學科。

由於社會科學理論呢通常都係比較冗長，同埋難以理解，所以呢個post會有啲長，如果唔鍾意睇嘅唔好意思，浪費左你既時間。而有興趣睇嘅人，原諒小弟文筆唔係太好。

首先我想講下心理學入門都會學到嘅理論，馬斯洛的需求層次理論。了解呢個理論，對於明白人類各種行為嘅動機係相當重要。

馬斯洛嘅理論基礎建立於個體主義，認為個人的行為、慾望係互相連繫，人類嘅需求係源自天性以及佢哋嘅本能。而呢一個理論繪畫左一系列嘅需求，就好似上圖。你一啲需求係每一個人都會擁有，而且係根據不同嘅層次而逐漸提高。金字塔嘅底層代表着人類最基本嘅需求，而每一種需求獲得左一定程度嘅滿足之後，就會開始追求上一級嘅需要。

最低級嘅生理需求，相信唔需要多講大家都明白，就係大家維持生命嘅必須。唔能夠滿足到生理需求嘅時候，個人嘅思想會變得單一，所謂嘅求生意志會開始啟動，只會諗辦法令自己生存落去。但同一時候，個人嘅思考批判能力同道德觀念會變得薄弱。例如係知道自己再唔食嘢就會餓死嘅時候，人會用盡所有方法去獲取食物，食二手飯甚至去偷去搶。

當生理需求獲得一定程度嘅滿足後，人就會開始追求安全需求，同樣都係低層次的需求，主要係為咗自身能夠繼續生存。例子就好似當一個人經歷過危險嘅情況，就會開始擔心自己嘅安危。受到不公平對待而無法得到申張嘅時候，會開始唔相信制度，唔相信呢個社會，會變得唔敢表現自己同唔相信身邊嘅人。因為覺得咁樣先至可以保護到自己嘅安全。當個人遇上唔順利嘅事，會變得自暴自棄，會食煙飲酒希望能夠獲得一種短暫嘅解決。

社交需求就開始屬於較高層次的需求，例如追求友情，愛情等等。而缺乏左社交需求嘅人，因為冇感到身邊嘅人嘅關懷，會開始質疑自己既生存價值。所以先至會出現誤交損友，同埋為咗融入某一類人而做出一啲違背自己道德同價值觀嘅行為。例如去幫人哋做牛做馬，或者為咗擦老細鞋or同同事埋堆而去食煙。

而第二層嘅尊嚴需求，例如身份地位。開始追求自我價值的個人感覺以及人哋對自己嘅尊重同認可。一啲冇辦法滿足尊嚴需求嘅人嘅特徵包括死要面，經常好積極咁博取人哋嘅認同，貪慕虛榮。例如一啲喺學校入邊好曳成績好差嘅同學，老師唔鍾意佢，同學又唔鍾意佢，由於佢能夠獲得人哋對佢嘅認同，於是平日就蝦蝦霸霸，利用暴力力證明自己嘅強悍。希望身邊嘅人會怕左佢從而獲得一種受尊敬嘅感覺。

有人想睇先繼續

有，純粹知有呢個金字塔

最頂層的自我實現需求亦都係最高層次嘅需求，係一種人生至高境界嘅追求，所謂追求真善美。呢種追求極高難度，所以必須要前四者都獲得滿足，呢一種自我實現需求先至會開始產生。例如係去實踐自己生命嘅意義，去發揮自己嘅潛能。當一個人缺乏自我體現需求嘅時候，就會成日覺得自己嘅生活好空虛好無意義，會好想去搵一啲所謂一個生為人應該要做嘅嘢，會好追求一啲令能夠充實自己嘅事物，例如唔想自己嘅一生白白浪費。同時間，亦都會開始將價值觀道德觀放喺物質之上。就好似一啲真心會為咗幫助其他人而犧牲自己嘅物質、時間甚至生命；一啲藝術家同工匠會用大量嘅時間去做一啲賺唔到錢嘅藝術，單係為咗超越自己；一啲議員，真心認為自己做緊嘅嘢係能夠為社會帶來幫助同轉變而去一啲唔係自己選區嘅地方幫助市民。

而去到最終，馬斯洛係晚期再提出左超自我實現嘅理論。呢一樣野係當一個人感覺充分地滿足自我實現需求嘅時候會出現一種高潮經驗，通常係執行緊一件事又或者完成左一件事件的時候，先至能夠深刻咁樣體驗到呢種感覺，而佢認為呢一種感覺通常係出現係藝術家身上。譬如一位歌手係唱歌嘅時候唱到有忘我嘅感覺。又或者當一個人係做一樣野既時候，再唔能夠感覺到時間，佢做呢樣野嘅時候佢每1秒鐘都覺得比起做其他嘢做一個星期更加充實。

喺社會學上馬斯洛呢一個理論係屬於個體主義，強調個人嘅自由同權利嘅重要性，同時亦都相信每一個個體都能夠擁有自我獨立嘅美德同埋個人獨立嘅能力。個體主義係主張反抗霸權同對個體嘅約束，尤其係來自國家或者社會嘅強硬力量。所以信奉個體主義嘅人係會反抗將個人地位放置於社會或者共同體之下嘅集體主義。同時間信奉集體主義嘅人會稱呼個體主義為個人主義，因為佢哋覺得個人主義即係自私。就好似應唔應該由政府去建立全民醫療保障，個體主義會認為每一個人都應該為自己嘅健康負責任，唔應該由社會去分擔。

而集體主義就係主張個人應該服從於團體、民族、國家利益嘅一種思想。呢一種精神係極權主義國家裏面比較普遍，會被用黎鞏固個體對於某種領袖嘅絕對忠誠，唔係權力核心嘅個體就會因為咁而失去左同集體相等嘅權利。雖然話集體主義比較多係獨裁嘅地方出現，但理論上佢係有自己嘅好處。譬如當有急情況嘅時候，大家都會覺得為咗集體利益應該先幫助老人家，女人同埋小朋友。又或者係日本武士精神為咗保衛集體而犧牲自己。共產主義同社會主義入邊嘅經濟體系，因為專注於集體主義之上，每個人嘅工作同埋生產都係由中央集權操控，能夠有效咁平均分配大家嘅付出同收入，所以理論上係唔會產生太過離譜嘅貧富懸殊現象同階級差距。

講到呢度其實已經延申去到社會學既層次，我想停一停比大家消化一下，理解一下以上嘅嘢同現今香港社會有咩關係。

廢老：有得住有得食有工開就夠

之前讀書有學過
推

仲讀緊

利申：心理J

社會學係無TLDR, 因為每一樣野都係多角度而且唔係非黑即白，都冇所謂嘅對與錯 如果巴打有興趣既希望你比少少時間睇下，對於我地而家爭取緊既野我覺得會好有用（我打得好辛苦，好多年冇寫thesis, 仲要係中文）

簡單講

啲中老年人咁多年嚟都仲停留喺搵錢搵食，最底層嘅需求，但就衝出嚟阻住其他追求更高嘅層次

哩需求分階段我係同意，但我一直都好懷疑用金字塔去類比晒唔係咁適合

金字塔類比係適合啲原始人嘅思維，受過正常教育嘅人可能溫飽唔係佢最重要嘅需求，唔好意思咁講句，自我犧牲嘅烈士，其實佢哋係直接追求傳統金字塔嘅第4/5層，多過第1/2層彈嘅生存需求

莊子．秋水入面有一節係講，子非魚，焉知魚之樂

我唔係你，你唔係佢，佢都唔係我，大家追求嘅嘢唔同

可以咁講，有好多人都因為覺得未能夠滿足最基本物質上既追求，而唔太理解其他人既追求，理論上可以話老人家、中年人痛年青人係對於需求唔同步從而形成對立。亦有可能係因為根本上意識形態上既分別，大家想要既野唔同。但都有可能係因為好多不同既原因（經濟、政治、背景）而令到大家某一階段既需求無可能被滿足（俗稱社會嘅錯）

中四通識就已經有教

大部分廢老生存左咁耐都未試過上第二層

佢哋追求有得住有得食有工開冇錯

佢哋錯在阻住其他人追求同佢唔同嘅嘢

錯在信一個未來真正會阻到佢搵食嘅政權講：哩班同你哋唔同需求嘅人係會阻著你搵食

佢哋係睇唔到信共產黨，將來連佢哋嘅1/2層都不保，屎都冇得你食

無錯，呢個理論中各項需求的先後順序，唔一定每一個人都一樣。

理論中對於生理需求既層次嘅解說係人類對生存最基本嘅需要，所以唔係話原始人先至啱用
但當然巴打你講得好啱，對於每一個人來講滿足需要嘅條件都唔一樣，所以對於一般人來講可能係有食足三餐；對廢老來講可能係盡快唔洗做就可以夠錢叫雞賭波馬，所以令佢地太專注於冇可能完全被滿足嘅物質追求；但對於對民主有追求嘅人來講，係呢一刻我哋只需要可以食個包唔會餓到暈就足夠提升到去下一個層次嘅追求

係嘅，但相信通識堂上都好難會有機會同時間將討論延續到去社會學理論，因為研究社會學理論係好需要講求自身嘅興趣（因為太悶同啲文太長太難理解），同埋要經過同唔同人進行大量討論先至能夠獲益，相信都冇乜中學會有咁良好既學習氣氛（包括我自己當年落咗堂都唔會點研究）
而且仲有好多人係冇經過通識新制嘅洗禮

修正返 係「原始．人嘅」唔係「原始人．嘅」 太眼瞓自膠

應該講 人嘅原始需求

都岩 幫推

咁至於阻住其他人追求同佢唔同嘅嘢，就未必能夠用呢個理論去解釋得太多，都會牽涉到每個人係政治上唔同嘅信仰同睇法，eg.文中尾段個體主義同集體主義既對立。

Then we are on the same trackexact same meaning