有女仔問我：你唔係對我有意思嗎？

話說返工嗰度就識左女同事啦
初頭都冇乜嘢都係大家約出嚟食吓飯
大概一個禮拜單獨一齊食一次飯
後尾feel到佢好似對我有啲嘢
例如佢同我單獨食飯前會化晒妝咁
又粉紅色唇膏又戴晒耳環
佢又會撥頭髮露個耳仔，頸出嚟
我讚佢靚佢又笑得好冧咁樣
身體碰撞又越來越多

咁事實上我都對佢有好感
不過我又唔係好確定佢係friendly定係還是點
直至到有一日食飯
傾緊男女關係嗰陣
佢突然間問我

「你單獨約我出嚟食飯唔係對我有意思咩？」

我嗰下就口窒窒講

「errr... 都有嘅」

咁事實係嗰陣好似底牌俾人揭穿咁樣
反應唔切答左啲好冇信心嘅嘢

咁佢就好似好開心咁話

「點解你好似唔係講真嘅」

心入邊嘅感覺就係
可能自己戀愛經驗少啦
以為個女仔問得出咁嘅問題
應該或多或少都對自己有少少意思
好啦咁放工之後就好認真咁同佢講

「我其實真係對你有意思啊」

咁佢就即刻同我講

「其實我講笑嘅咋，你唔好誤會
我當你係朋友咋」

其實嗰刻心情係好hurt
好似俾人玩弄左感情咁樣咁
我就真係唔係好知女仔嘅心係點樣諗
可能係我自作多情啦
冇話怪唔怪佢嘅
可能佢本身自己對感情嘅睇法
又或者好複雜

而家我哋變得好awkward
Feel到佢對我嘅態度冇之前咁passionate


純粹想發洩姐
多謝大家聽我廢噏

好明顯佢對你有意思啦

之後feel到你咁hea佢先轉口

如果係中意就繼續展開行動（有誠意d同冧d）啦巴打

睇完樓主個名都知份人幾幽默，應該唔洗點幫都識做

"你唔係對我有意思咩?"

笑, "咁唔洗樣樣野都有meaning嘅"

一野拖落去就搞掂 唔使講太多

多謝大家嘅意見
其實我講漏咗啲嘢

嗰日放工之後
佢同我講
其實佢已經有男朋友
不過feel到就嚟散
又不斷重申叫我唔好誤會
又話佢對朋友不嬲都係open嘅

我個下心諗
既然你當我係朋友嘅
就咪鬼問我對你有冇意思啦
再者你係有男朋友㗎
你咁樣問人哋好難唔會胡思亂想
所以我嗰下真係好混亂

站喺我嘅立場
聽到佢話佢有男朋友
我嗰下真係有啲唔相信
因為冇理由你有男朋友
又當我係普通朋友
你都咁樣問我嗰條問題
所以我咪話覺得好似俾人玩弄感情

既然佢已經有男朋友
我都係退出算啦
再次多謝各位聽我廢噏

姐係臭雞啦

佢擺明玩鳩你

恭喜你成功做到備用嘅水泡

放鬆d, 女人姐，而且你又唔係愛佢愛到無左佢唔得，回答個陣輕鬆d唔會咁荒

呢d囡
如果你之後同佢一齊到
之後你會同佢現任同一下場
放棄識下一個啦

恭喜施主及早抽身而退

嗱咁樣講
有時d女人好仆街
佢係坐一望二，坐這山望那山
如果你真係feel到大家都有意思就即管去馬
話知佢手上有幾多仔
你就係要做佢既only one
如果你真係對佢有意思，落少少心機搶佢番黎

利申： 現任女友都係搶番黎，下年結婚

臭雞

agree

Feel 到巴打係又純，又天真，比人 chok 兩下就做多左，都㭍左了，可以點先唔尷尬？利申：都有表錯情事件

你話你係戀愛經驗小就唔好掂依條女喇
由佢喇
玩下就得

可以去馬

睇埋下邊
收翻

其實我都係講笑

其實佢比緊位你入架喇
所有情侶都係由朋友開始架嘛
加多兩錢肉緊啦