大家對天馬苑點睇

慈雲山有直車到的確係好方便既，但我睇左一排都係麻麻。上得山都係想清幽小小，但同鬧市無分別的話我又何苦上山住呢。日日放工時間黃大仙上慈雲山條小巴隊見到就恐怖，天馬仲有得行，慈雲山就無呢支歌仔。

天馬苑去東西九龍，大西北好方便，中九龍同過海都有巴士，唔想巴士既落去樂富/黃大仙都係5-10分鐘。
入沙田過條隧道就到。一程小巴落到又一城又去到慈雲山，入機場又有巴士，個交通圈算係咁啦。最弊係無野買JEI，得惠康7仔。

無紅VAN呢樣就輸小小既。其實住得天馬，落黃大仙樂富係基本野，唔會覺得特別煩。正如住翠竹，黃大仙根本係生活既一部份。如果要方便，樓下又有商場超市個D，龍翔道以北個堆天馬、天宏、翠竹、遠小小宏景、新麗、瓊山就唔係呢杯茶了。個邊勝在環境好又未叫太偏僻。

利申 : 天馬撚

等我睇多幾天馬既盤先

淨係落樓下龍翔道既巴士已經秒殺慈雲山啦
再唔係行落黃大仙/樂富地鐵站基本上15分鐵內一定到
行得快既話7-8分鐵就到 係夏天辛苦少少會爆汗

住慈雲山基本上冇得揀你搭地鐵既話一定要駁一程車
放工時間37m條隊排到地鐵站口

天馬最差既地方就係個垃圾商場冇野食
但行落樂富廣場就乜都有

補多句樓下機場巴士A車35分鐘到機場

以前個商場未賣果時天馬苑係好住既，去邊都方便，向正全香港既正中心，紅隧唔塞車既話渣車去銅鑼灣最快紀錄10分鐘就到，樓下都有啲鋪頭仔食下飯飲下茶既

但自從領展賣左個場之後變左死城，衣食住無樣得，個平台啲花花草草死哂無人清，蚊患嚴重，多左自由行拖住行李出出入入，好多單位裝修拆哂啲牆去偷多啲空間用，而家個商場業主仲拆埋茶樓拆埋電梯話起老人院，停車場攪到不知所謂，封哂L8 L7 2層唔比人泊車，車身高果啲車一落L6以下層數既話個車頂實刮頂，我由細住到大，見證住天馬苑興衰，到最後真係頂唔順咩都無已經搬走左

而家咩價

依家415呎叫6m

same same . 住左好多年，中間搬走過，不過最後都係買番天馬苑。

對居民黎講，無左商場停車場真係好慘，以前鳥語花香，依家殘破不堪。領展同房署正pk

聽朋友講 佢間7仔唔係24 係真唔係

係
有急需麻煩落橫頭磡7仔

俾領匯搞到咁，好慘。

早年抗議過，但照樣步長發邨後塵。

而家賣左俾第二個業主
暫時未有發展計劃
希望換左屆區議會有返起色

有間茶記，質素ok
講食既選擇，肯駁程車既話有竹園商場夜市，九龍城，又一城
再遠些少已經有沙田旺角

現崇山會好啲囉

鬼唔知你老母係女人

我覺得唔值
諗唔明點解咁貴

佢地理係就係九龍區中心
仲近龍翔道
有人話行去樂富黃大仙近
冇野拎得閒好天就話
我就唔信你想日日行
基本上唔好當有商場
買野你9成都係要出去
奉勸想買要諗清楚

另外間格真係好差同細

最尾果句真

個商場咪一樣咁頹，領展賣左個場俾基匯後，仲最近仲趕走埋地下兩間好食既越南粉同星馬菜

果間越南粉高質呀
價錢唔貴 份量又多

415呎果隻都OK 呀…

最大係呢個size 緊係ok，但$6m

講間隔，400尺左右黎講算唔錯喎。
無走廊，唔係五門歸心，拆騎樓可以做大廚房，無主力牆點改都得。唔想半黑廁又少煮食的話，廚廁掉換都仲得。係睡房細左啲

個個frd 黎到以為600呎，完全無浪費空間。