大家對天馬苑點睇

先講佢地點,係黃大仙同樂富中間。行去黃大仙/樂富應該都係15mins 內,再唔係坐小巴去樂富地鐵站都係5-10mins 左右。

樓下個商場就廢廢地,得間惠康同7仔,依家就整緊上同落既扶手電梯。唔知之後有咩搞作

屋既座向南果d 緊係無得頂啦,可以望對面海,但E 座會望到墳景。

東面就望馬仔坑公園，遲下果到會起體育館

A座西面望星輝豪庭,好大太陽 但見有竹園道入龍翔道既天橋轉彎位唔知會唔會影響風水

向北就望晒獅子山,價錢應該係平d 。景觀開揚,前面就得返翠竹花園 。
有無巴絲打知向北係咪比較風涼水冷?

同慈雲山一樣
吊腳

叫天不應，無車(馬)勿住

係呀…裡面咩都無😂

個人覺得衰過慈雲山

睇過幾間, 對龍翔道就好嘈, 高層如果望返地鐵個邊會望到墳

星矢住呢度(好似係)

依家415呎都要6m

街坊？

慈雲山方便10倍。無限通宵紅van去旺角 10分鐘到

唔係呀…最近有去睇過幾個盤,感覺 都唔錯。但係要6m 就要諗諗

有無巴絲知向北會唔會好風涼水冷?

天馬苑優點缺點都好明顯。

優點
1. 空間極大，我諗全港無邊個屋苑有咁大公共空間，望到咁大片天。
2. 交通方便，香港正中心，去邊到都好少可超過1小時車程。巴士方便，地鐵要坐小巴或者行10分鐘。絕對方便過慈雲山。
3. 坐向靚，地勢較高，向東，西，南都好開揚，望哂東中西九龍。風涼水冷。
4. 法團管理ok，已踢走舊法團。
5. 開則實用，唯獨半黑廁要扣分。
6. 獅子山近在咫尺，要旺要靜兩相宜。


缺點
1. 商場停車場問題。俾領展整死個場，再賣俾下家，風波不斷。
2. 得超巿同7仔。
3. 對正龍翔道會較嘈。


旺又唔旺，靜又唔靜，
近又唔近，僻又未算。
樣樣都有咁囉。

會。冬天向北既單位會幾凍下。山風吹落黎都幾係野。

天馬苑仲慘過隔離公屋竹園，竹園話晒有街市有商場有室內運動場，仲有個巴士總站，又有lift同電梯駁落去黃大仙站
天馬苑基本上如果冇車去邊都要步行一段路先有車搭

6m 買到富強苑?

天馬苑交通收曬你地皮啦

全港最方便居屋黎。。。。

香港地要行15分鐘已經唔算係就腳