鬼唔鬼，可以停啦

我都唔明其實理解不同人既唸法真係咁難？
明明槍口對出，你覺得啱咪做，個idea唔啱你咪做其他野囉？有乜好互屌呢？硬係要人地buy你果套，做人flexible d好無，be water架嘛

你同一大班朋友平時都要咁相處架啦，依家見到d人分化得好誇張到有d奇怪，好似突登有人煽風點火咁

利申：和理非之後唔小心上埋前線，做埋文宣組，依家加入埋輿論大軍

唔想俾人分化到，最先一定由自己入手。
我有自己嘅心路歷程，可以同各位分享。

利申：
我自己對泛民私怨極深，
更加係完全反對和理非。

當初開海富橋拆大台，
到旺角黑夜警黑合作，
到信多學聯一次升級，
之後被水喉速龍清場，
朝早睇住成班黑警係海富橋向群眾舉中指。

我已經對泛民嘅抗爭方式完全死心。

之後光復，睇到另一線光茫，
但到魚蛋，變成另一個絕望。

對果刻嘅我黎講，對抗港共付出係必然，
比較身邊同路人，只係好彩未出事果個。
唔願衝擊，不冒危險，言論有利都冇用，
講再多共產黨都唔會玩完，香港冇出路。

係唔係好絕望？

到69，
其實見到好多新人再行緊舊路，
我都唔期望會有咩野成果得到，
只係作為孤狼陪大家行埋條路。

到612，
我都未覺得其實同5年前有分別，
只係盡人責盡人事，好彩又冇事。

到616，
人數不跌反升，去睇返所有野，
冇612就冇616，616只係和理非，
真係又冇用？

一開始我支持兄弟爬山，只係唔想泛民又篤灰，
俾個空間大家盡最後努力去掙扎，有可能衝擊，
但616個情況俾左個機會，我去思考一個事實。

咩野先為之付出，付出左點先變成有效嘅付出。

付出事實真係無分大小，20萬人去唱今天我冇用，
幾百個教徒去唱Sing hallelujah to the lord就有用，
唔單純係付出多少同行為本身，即係個辦法有冇用。

而係有人咁去做，越多人認同，
佢嘅效果就越大。用今日去講，
包圍狗總其實都係白企同鳩坐，
雞蛋咪又係玩膠同多餘加幼稚，
我地絕對可以咁去認為咁去講，
咁個付出就一定係白廢係冇用。

但作為勇武撚嘅大家不如諗下，
你衝擊有士氣定冇士氣嘅黑警？

如果文宣可以做到
黑警害怕手無寸鐵示威者到唔敢放工，
黑警冇裝備冇佈陣只敢隔住門屌老母。

會唔會係一件有用嘅事？

的確，
香港眼前嘅時間好有限，
未到2047就會全面赤化，
但正因為時間已經咁有限，
不問和理非或勇武嘅付出，
不分陣營都應最大有效化，
大大小小嘅付出累積起黎，
我地先會見到真正嘅希望。

勇武屌和理非成日發夢等外國打救，
和理非屌勇武冇槍冇炮搞唔死中共，
咁先係將雙方付出無力化嘅大惡行。

所以，大家應該珍惜，
香港有幾百萬和理非同幾萬勇武撚一齊反共。
咁先係兄弟爬山，各自努力。
咁唔係一種盲目盲從嘅團結，
而係一種互相合作互相利用。

就算辦法唔一樣，你唔認同佢個辦法，
都要基於利用去認同佢嘅付出同目的。

再講一次
唔好批評別人認為有用嘅辦法，
只要推廣自己認為有用嘅辦法，
兩件事完全冇衝突。

和理非唔會跟你勇武嘅辦法，
但勇武得到佢地支持會更有力。反之亦然。

所以，大家要堅持住，唔係叫你盲目團結，
而係更懂得利用不同陣營嘅付出去幫自己。
更加要提醒自己，
中共唔會樂見香港人以任何方式團結起黎。

可能有account 洗皮

Push

唔好再靠正負評投票決定，
依個世界冇示威冇遊擊係靠公開投票決定。
現場一定係最能判斷，大家提供資訊就好。

你呢篇字海其實又可以出多個post
好認同你嘅想法
雨革我只係去過幾次冇過夜
清場當日都係到

成個雨革我完全對政治各方面嘅嘢毫無概念
都係等發號司令
睇下高登啲人有咩見解
我根本發表唔到啲咩影響到成件事

直到近呢幾年一路係網上面睇哲學心理學歷史尤其支那歷史去增廣見聞
真係發覺睇嘢會清晰咗
明白雨革失敗原因係分化，冇對準政權，同拖太耐


其實我哋面對呢種新抗爭模式都係新手
要時間去磨合

現場情緒都好高漲
根本冇心機了解大家想法
冇時間修飾自己用字
冇空間沉澱自己思想


如果今晚留底嘅人明白連登啲人係擔心佢哋安危
而連登嘅人明白到唔應該控制人哋嘅行動
咁就唔會有出面嗰幾個post出現

團結係大家有共同目標而結合
並非大家做同一樣嘢
無需要投票去決定
反而係用連登討論下留定走嘅pros and cons
幫大家決定清楚留定走



有人話香港人好似ai咁識自我學習
希望大家能從今日行動獲得啟示

今日大家付出咁多，大家真係理智，真係為大局，就唔好再去否定自己人決定同行為，更多去揾做得好嘅野去認同，去做文宣。

要找出別人行為缺點是很易
但要學習別人的優點卻很難

多讚，多推廣
可警示，少批評

push

agger

可惜既係示威時間有用既post好多都推唔到上熱門...
好多人落左場