鬼唔鬼，可以停啦

鬼唔鬼，可以停啦
真心，互相批評到人身攻擊一定係大錯。

俾任何一邊講贏左留唔留先正確，對件事有影響？
我只睇到大家又要被分裂

冇人係先知，我只知道宜家人數不足開始離開。

唔好嘗試去批評一個別人認為有效嘅辦法，
而係嘗試去推廣一個自己認為有效嘅辦法，
兩件事冇衝突，如果個辦法多人覺得Work，
自然會有人跟，去做嘅手足無論點都有風險。

而家對手係手上上億鮮血嘅中國共產黨，
你和平到派傳單都可以出事，唔係和唔和平嘅問題。
正如衝擊未必有用，和平都可以未必有用。
反過黎，衝擊同和平今次都顯示左作用。

我地要嘅係
最大光譜，包含最多陣營，力量最大嘅辦法同方向，
唔係攞住一兩件事就講咁就一定最有效嘅方向辦法。

香港人，唔好覺得今次會有咩野捷徑，
唔好覺得香港可以比其他爭取民主嘅地方付出更少，
太古烈士，殺身成仁，未發生之前大家會點講，
但那怕最和理非最怕出事，都不得不將佢嘅付出，
化作｢零一人｣去再投入去個行動，唔想浪費佢。

判批今日想留嘅人，之後佢地真係留再出事，
我地之後會唔會消費佢地嘅付出，冷血講句：

會

由九點叫撤，叫到宜家先散，
重有人覺得｢係班睇Live嘅人叫人唔好走｣
理智少少，現場真係就係咁多不怕危險嘅巴絲，
大家應該咁去理解，更需要咁去理解。
而唔係批判｢留｣就係唔理智，撤就係冇膽色。

大家一條船，講野正面少少，互相鼓勵，
咁先係兄弟爬山，各自努力。

所以，停火啦，有時間互屌。
不如做下文宣，將今日大家嘅付出化作更大。

原本睇到另外一個po嬲到仆街
多謝巴打

講得好好

其實大家同路人
心平氣和了解返大家想法

大家行動唔一定要一樣
一開始已經講兄弟爬山，各有各做就係想避免大家逼對方跟隨自己想法行動，建立連登大台

推

落場嘅先知隔離有咩人
實際氣氛如何

前線未必知全局
但隔空上連登所知嘅可能仲少
咁又何必學人做軍師

我個陣都係現場 走左先睇到咁多人叫散 但我自己睇就唔覺咩鬼唔鬼 其實真係各有各睇法 各有各做 但大家目標都一樣 所以唔好再屌唔同意見既人 只要目標一樣就得 由朝早到而家我都覺得算成功 不過唔好咁快滿足 而家返去訓陣 準備定隨時再出過

狗屋出面人頭湧湧，想搵條路行下都難
睇睇個氣氛就知一半人以上都唔會走
出面仲有幾大堆小組ready隨時行動

然後竟然喺度搞連登投票、TG投票
根本低估群眾智慧
覺得要走嘅自然會慢慢離開
唔想走嘅點講都冇用

點解現場一定要少數服從多數
小數一樣可以做決定點樣行動
唔係咩叫各有各做

每晚完左 總有人開post話攰 話點解咁多人做鍵盤戰士 我都係由朝早九點去到最後先走 係攰 但做自己覺得啱既野係好唔同 未至於要開post講攰 放負能量出黎
亦有話好多人無出黎 鍵盤戰士 但佢地都有好大既作用 網上d文宣 推post 放消息比記者 議員 基本上佢地就係負責網上既戰區 所以大家唔好再分化 唔好再指責啦 記住我地既目標係一樣 加油

推

推 要多d正能量

由69講到宜家
叫人推有用既post 、物資、法律、最新消息等等
去到今日都仲係瘋狂叫人唔好衝同散、仲有大把搏正評既鳩up post
甚至有人影低直播畫面既義士叫人捉鬼
當現場冇腦咁

up

推

懶得再講
出面有個post就黎400正評
扮到好客觀咁
但係話緊現場自我中心情緒高脹
真係唔知嬲定笑
忍唔住既話我同認識既義士就自動消失
繼續努力吧

大家都係反董卓聯合軍 
你可以做袁紹 做公孫讚 
坐係大本營唔出兵食花生

但係唔好阻 孫堅 同 曹操 出兵